Browse

{1}   [śivali]ṅga ti sthāpanā saṃrac □ □ □ l ta vraḥ □
{2}   □ □ padmav[i]tāna saṅkū phsaṃ saṃrit nu saṃrap bhāra praṃ pvan [gaṇa]
{3}   tek da[ṃ]raṅ nu saṃrap sap mātrā bhāra vyar gaṇa trapu tula pi □ □
{4}   praṃ vyal gaṇa mās ti oy dāna ta śilpi sthāpakācāryya ta vrāhmaṇa
{5}   ta hora nu ta jāpātra nu saṅku vraḥ garaup padmaśiraḥ padmavitāna
{6}   vagam=vagoṃ saṃrap mvay snāp vraḥ ura sahasrādhāra teṃ phlāṅ ta gi
{7}   mās liṅ tap pra[ṃ] mvay pāda vyar gaṇa prak jyaṅ tap praṃ pvanliṅ
{8}   tap vyar jaṃnvan kriyā vraḥ prak saṃrap mvay kathor prak mv[ay]
{9}   thnoṅ prak mvay gaṇa tāmra ti saṃrap kriyā vraḥ kamandalu [sahasrā]
{10}   dhāra kriyā homa sap mātrā pansaṃ ○ saṅkat mvay ta rājya vr[aḥ pā]
{11}   da kamrateṅ ’añ śrī jayavarmmadeva parameśvara phtyaṅ ni pre nā
{12}   laṃvāṅ vraḥ ’apaṅkodaka dakṣiṇa phkan sruk cāmpa ta vraḥ
{13}   kamrateṅ ’añ vrāhmaṇa nā thve vraḥ śivapūjā ta gi thpi psaṃ tap nā
{14}   vraḥ kralā pāñjiy thve rah phtyaṅ ni saṃnoṅ viṅ ○ prasir vraḥ ka
{15}   mrateṅ ’añ śrī bhūpativarmma pansaṃ prasir ’aṃcas sarvvādhikārisāra
{16}   ta khe ’āśvayuja navaśaka thoḥnakṣatra gi nu phtyaṅ ni pre oy sruk
{17}   cāmpa ta vraḥ kamrateṅ ’añ vrāhmaṇa nā thve vraḥ śivapūjā ta
{18}   gi pantā vraḥ srū vija liḥ praṃ vyal ’var vyar krau kṣetra krau
{19}   vraḥ vn[va]k krau vraḥ ’aśvavāra nā phtāṃ vraḥ pūjā viṅ paṃre dīna raṅko
{20}   liḥ prāṃ nā nak sap bhāga yugapat nu nā vraḥ kralā pañjiy
{21}   trīṇi vas sruk sre bhūmi ta jā vara sīmāvadhi pansaṃ sruk cāmpa
{22}   saṅ thma goll racanā khpvar viṅ tal mān vraḥ sarvvajña ta parama
{23}   pavitra ○ neḥ dāsa ta paṅgan paiḥ vṅi phlāṅ si kaṃpi
{24}   t si kañjoṅ si kaśarmma si kaviṅśa si ’āditya si vuddhaśarmma
{25}   dāsa ta paṅgan pos chol caṃ’in vraḥ śivayajña tai śani tai
{26}   karā ’ātmaja strī vyar pansaṃ tai kamvrau ’ātmaja strī mvay tai saubhā
{27}   gya phsaṃ strīpuruṣa rūṅ chmar tap piy

{1}   □ □ □ □ □ □ □ □ □ □ □ □ □ □ □ [nu mān vraḥ śāsana] dhūli jeṅ vraḥ [ka]mrate[ṅ’añ] śrī jaya[vīra
{2}   varmmadeva ta] vraḥ □ □ □ caturmma□ □ □ □ □ □ □ □ □ □ □ □n vraḥ karuṇā taparamapavi[tra] □ □ kata □ □ □
{3}   □ □ □ □ □ □ □ □ □ śilastambha □ □ □ □ □ □ □ □ □ □ □ □ □ □ □ jaṃnvan kalpanātāñ [’a]ñ svyāc [kvan vraḥ]
{4}   pāda kamrateṅ kaṃtvan ’añ [śrī sūryyavarmmadeva ’āy ta] kamrateṅ jagatliṅgapura [’āy ta vraḥ] [ka]mrateṅ [’añ ’āy]
{5}   sruk kandin jaṃnvan ta kamrateṅ ja[gat] □ □ □ □ □ □ jaṃnvan ta kanloṅkamra[teṅ] [’añ] □ □ □ □ □ □ □ □
{6}   □ □ ta dau ta kamrateṅ jagat sa□ □ □ □ □ □ □ □ □ □ □ □ mvāy ’anle □ □ □ □ □ □□ □ □ □ □ □
{7}   kalpanā □ 1 neḥ leṅ ’āc ti tāñ kamrateṅ [’añ kanmyaṅ] vraḥ pāda ta stāc dau □□ □ □ □ [kvan vraḥ pāda ta]
{8}   stāc dau rudraloka oy caṃ ta vraḥ kaṃsteṅ śrī □ □ □ □[va]rmma saṅko nu tāñkamrateṅ ’añ □ □ □ □ □ □ □ □ □
{9}   [ta gi vraḥ rājya] kamrateṅ ’añ ta stāc dau paramarudra[lo]ka [gi] roḥh śākasru[k] [kandin] □ □ □ □ □ □ □
{10}   □ [vraḥ] kamrateṅ ’añ saṅkooy ta □ □ □ □ [kamra]te[ṅ ’añ] cok □ □ tāñ □ □ □□ □ □ □ □ □ □
{11}   tāñ kamrateṅ ’añ satīvrata nu kvan tāñ kamrateṅ [’añ] satīvrata oy ta t□ □ □ □□ □ □ □ □ □ □ □
{12}   ta gi vraḥ rājya kamrateṅ ’añ ta stāc dau paramaśiva[loka] □ □ □ □ □ □ □kamrateṅ ja[gat] □ □ □ □ □ □ □ □ □
{13}   □ □ □ paṅgaṃ thpvaṅ nivedana ○ vraḥ śāsana vraḥ pāda dhūli jeṅ □ □ □ □ □ □□ □ ○ kamrateṅ ’añ □ □ □ □ □ □ □ □ □
{14}   □ □ □ □ caṃ devapratyaya mṛtakadhana □ □ □ □ □ □ □ □ □ □ □ □ □ □ □ ’ājya □□ □ □ □ □ □ □ □ □ □ □
{15}   kamrateṅ ’añ śrī raṇakesari kaṃsteṅ □ □ □ □ □ □ □ □ □ □ □ □ □ □ □ □ □ □ □ □□ □ [tāñ ’a]
{16}   ñ svyāc neḥ sruk kandin ti santāna □ □ □ □ □ □ □ □ □ □ □ □ □ □ □ □ □ □ □ □ □□ □ □ □
{17}   □ tai kanruṇ □ kvan tai krāñ □ □ □ □ □ □ □ □ □ □ □ □ □ □ □ □ □ □ □ □ □ □ □ □□ □
{18}   □ □ □ □ ṇā noḥ phoṅṅ dau ta □ □ □ □ □ □ □ □ □ □ □ □ □ □ □ □ □ □ □ □ □ □ □[tāñ ’a]
{19}   ñ svyāc ’rass tāñ steñ ta o[y] □ □ □ □ □ □ □ □ □ □ □ □ □ □ □ □ □ □ □ □ □ □ □ □□ □
{20}   ṣa gi ta oy caṃnāṃ ta roḥh neḥh □ □ □ □ □ □ □ □ □ □ □ □ □ □ □ □ □ [’aṃviihaloka lvaḥ]
{21}   ta gi paraloka □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □
{22}   st□ nā sr□ □ □

{12}   . . . ○ mratāñ khloñ śrī vīravarmma sruk rudrā ○ mratāñ khloñ śrībhuvanādhipativarmma sruk kandoḥ ○ mratāñ khloñ śrī bhūpe □ □ □ □
{13}   [sruk] travāṅ khluṅ ○ mratāñ khloñ śrī jayendrādhipativarmma srukgadul ○ mratāñ khloñ śrī vīravarmma sruk chok daṅdrāṅ ○ mratāñ khlo[ñ] □ □□ □
{14}   □ varmma sruk rvvāṅ ○ mratāñ khloñ śrī vīrendrārimathana sruk vnurvinauv ○ mratāñ khloñ śrī vīraparākrama sruk stuk kok ○ mratāñ khlo[ñ] □ □ □□ □ □
{15}   [sruk] travāṅ kanmyaṅ ○ mratāñ khloñ śrī nṛpatīndrāyuddha sruk tarañsyāṅ ○ mratāñ khloñ śrī nṛpendraparākrama sruk thpāl □ □ [mratā]
{16}   [ñ] khloñ śrī vīraparākrama sruk chok daṅdrāṅ sot ○ mratāñ khloñ śrīrājendrāyuddha sruk dhanavāha ○ mratāñ khloñ śrī □ □ □ □ □
{17}   sruk trī ○ mratāñ khloñ śrī samarendravīra sruk rāṅgapūra ○ mratāñkhloñ śrī uddhattavīraparākrama sruk jeṅ chdiṅ ○ mratāñ khlo[ñ śrī] □ □ □
{18}   vikhyāta sruk velā khtāṃ ○ mratāñ khloñ śrī nṛpendrārimathana srukpaṃruḥ ○ mratāñ khloñ śrī samarādhivikrama sruk khnāy krā ○ mratāñ [khloñśrī]
{19}   narendrāyuddha sruk ga’āṅ kandin ○ mratāñ khloñ śrīuddhattavīraparākrama sruk cvar it ○ mratāñ khloñ śrī samarādhivikra[ma] □ □□ □
{20}   mratāñ (space) śrī nṛpatīndrā[yu]ddha sruk trāṃ dāha ○ mratāñ(space) śrī vikramasiṅha sruk rvvāṅ ○ mratāñ (space) na[re]ndrārimatha[nasruk] □ □
{21}   ṅ ○ mratāñ śrī vīrasaṅgrāma sruk sranā ○ mratāñ śrī samaravīra sruk(space) mratāñ śrī vīraparākrama sruk keḥ kvān ○ mratāñ □ □ □ □ □ □
{22}   sruk gaṅgā ○ mratāñ śrī guṇabhaktivīra sruk caṃkā sdāṅ ○ mratāñ śrīvikramavīra sruk rlaṃ daṃnap pāk ○ mratāñ śrī uddhattavīrasiṅha sruk chdyār○ mra[tāñ śrī]
{23}   nṛpabhaktivīra travāṅ khluṅ ○ mratāñ śrī nṛpatīndrārimathana travāṅkhluṅ ○ mratāñ śrī narendrāyuddha travāṅ khluṅ sot ○ mratāñ śrī vīre □ □ □[sru]
{24}   k khloṅ tuṃ ○ mratāñ śrī mahendravīra sruk bharov phtir ○ mratāñ śrīnarendravīra sruk thpal jmas ○ mratāñ śrī narendrāyuddha sruk kulraṅ ○mra[tāñ]
{25}   śrī samaravīra caṃnat śreṣṭhanivāsa ○ mratāñ śrī jayendravīra sruksamṛddhapura ○ mratāñ śrī samaravīra sruk canhvar jrau kantāl ○ mratāñ śrīuddha[ttapa]
{26}   rākrama sruk canhvar jrau le ○ mratāñ śrī samarendravīra sruk thpalsvāḥ ○ mratāñ (space) śrī vīra
{27}   parākrama sruk cuṅ chok ○ mratāñ śrī vīraparākramasiṅha sruk kradun○ mratāñ śrī dṛdhabhaktiśūra sruk maheśvarālaya ○ mratāñ śrīsaṅgrāmadāruṇa
{28}   sruk kāmadhen[u]. mratāñ śrī uddhattavīra sruk vikramapura ○ mratāñśrī nṛpabhaktiśūra sruk dradam ○ mratāñ śrī raṇarājasiṅha sruk daṃnap pāk ○mratāñ
{29}   śrī vijayendravīra sruk cavalagrāma ○ mratāñ śrī naravīra sruk tāṃsvāy ○ mratāñ śrī saṅgrāmadāruṇa sruk teṃ svāy saṃsāṃ ○ mratāñ śrīnṛpabhakti . . .

{3}   890 śaka nu mān vraḥ śāsana dhūlī vraḥ pāda dhūlī jeṅ vraḥ kamrateṅ’añ śrī jayavarmmadeva ○ ta kaṃsteṅ ’añ rāja[k]u[lamahā]
{4}   mantri nu caturācāryya ○ nu mratāñ śrī lakṣmīndropakalpa ○ precaṃloṅṅa vraḥ pañjiya ta gi vraḥ saṃphutikā vraḥ kalp[ana] to
{5}   ya vraḥ śāsana dhūlī vraḥ pāda dhūlī jeṅ vraḥ kamrateṅ ’añ śrīyaśovarmmadeva ○ nu vaśaka ta gi vraḥ saṃphutikā 829 śaka
{6}   nu nivedana ’nak ta paṃre ta vraḥ kamrateṅ ’añ śrī yaśodhareśvara ta gi○ sruk udyāna pramān purandarapura ○ ’amraḥ ’anak=kanloṅ | gho pandan ○gho
{7}   □ ○ gho ’a krau ○ tai ’a kaṃpit [○] tai vakula [○] gvāl kantil ○ lap cancān○ tai ’a laṅgāy ○ gho ’a saṅkov ○ tai ’aṅvyāt ○ gvalnimitadaiva ○ lap □ □
{8}   gho ’a chke ○ tai ’a saṃ’ap ○ tai kañcū ○ lap panheṃ ○ tai rat kaṃprvāt○ gvāl kantvan ○ tai kaṃvai ○ tai śucīya ○ lap taṅkū ○ sī rat kan’a[ñ]□ □
{9}   □ ○ tai kaṃvaḥ ○ gvāl kan’e ○ tai khmau ○ tai chneṃ mṛdaṅgavādikā ○tai kansat ○ tai bha ○ lap krau ○ gvāl ’anrok ○ gho lvan kaṃpū ○ gho lva[n]□gho
{10}   lvan ’an’van ○ gho lvan chpoṅ ○ gho lvan harī ○ gho lvan vrahey ○ gholvan panlas ○ gho lvan ryū ○ tai lvan teṃ ○ gho lvan ka[n] □[○]
{11}   tai sukhīna ○ lap utpala ○ gho lvan kañcan ○ tai lvan raṃcyak ○ gvāllvan kanteṅ ○ tai lvan phnos ○ gho lvan kañcī ○ tai lvan pūrvva □ □
{12}   tai lvan kañjaṃ ○ gho lvan kaṃbhān ○ gho lvan la ○ ○tai lvan dīrgha ○gho lvan khñuṃ ○ gho lvan kaṃpit ○ tai lvan chke ○ tai lvan taktyāk ○ gvāllvan □ □
{13}   tai lvan kañcan ○ gho lvan saṃ’uy ○ gho lvan taṅkū ○ gho lvan ulika ○tai lvan kanrat ○ lap lvan tīrtha ○ gho lvan panlas ○ gho kansip ’muḥ dik
{14}   sroṅ ○ gho harī chatradhāra ○ gho siddhivāra pūjāpāla ○ gho kañjāchatradhāra ○ gho kanteṅ ’muḥ dik sroṅ ○ gho thmai chmāṃ glāṅ ○ taipandan sm[āñ] ○ □
{15}   rat □yaṅ ○ tai tañ yeṅ smāñ ○ si rat kaṃpil ○ tai saṃ’ap ○ tai chkedmuk varṣā ○ tai kanso dmuk varṣā ○ tai kaṃvrau dmuk varṣā ○ tai kaṃpit ○tai □ □
{6}   sruk thpal pramān je
{7}   ṅ □ ta □ □ □ □ □ □ □ □ □ □ ’aṃraḥ thmyaṅ | tai ’a mādhavī | □ □ □ □ □□ □ □ □ □ □ □ □ □ □ | lap laṅgāy | tai kan’oy |
{8}   tai □ □ □ tai □ □ □ □ □ □ □ tai ’a saṃkoḥ | tai ’a □ □ □ □ □ □ □ □ □ □ □ □□ kañcī | tai kanrau | si pau | tai ’a
{9}   □ □ □ □ □ □ □ □ □ □ □ □ □ □ □ śī ○ tai viṣubha ○ lap pa □ □ □ □ □ □ □ □□ □ □ □ rā ○ gho lvan taṅker ○ gvāl lvan
{10}   □ □ □ □ □ □ lvan kañcā □ ○ gho lvan kañyvān ○ gho □ □ □ □ □ □ □ □ □□ tai pau | lap jaṃ’ar mālākārī ○
{11}   □ □ □ □ gandhakāra ○ tai □ □ □ □ □ tai pau kaṃpas ○ tai □ □ □ □ □ □□ □ □ □ śiva paricāraka ○ gho phnos ’muḥ dik
{12}   sroṅ □ sra gvāl □ □ □ □ gho laṃvi ’muḥ dik sroṅ □ □ □ □ □ □ □ □ □ □chatradhāra ○ gvāl kaṃvas stutivāca ○
{13}   □ □ □ □ □ □ □ □ □ □ joṅ ○ gho prāṇa gandha[kā]ra □ □ □ □ □ □ □ □ □□ tai gandha vitatatādinī ○ lap saṃ’ap tū
{14}   ryyaṅgala ○ tai □ □ □ □ □ □ □ sruk j□kta ○ tai panlās □ □ □ □ □ □ □ □□ □ □ □ chpoṅ ○ sī pau ○ sī kanleṅ ○ tai
{15}   □ □ □ □ □ □ □ □ □ □ □ pau ○ tai ka □ ○ tai kaṃp[i]t○ tai □ □ □ □ □ □ □□ □ □ □ □ ..s ○ gvāl chke paṃre paṃnvās ○ lap ka . . . . .

{3}   890 śaka nu mān vraḥ śāsana dhūlī vraḥ pāda dhūlī jeṅ vraḥ kamrateṅ’añ śrī jayavarmmadeva ○ ta kaṃsteṅ ’añ rāja[k]u[lamahā]
{4}   mantri nu caturācāryya ○ nu mratāñ śrī lakṣmīndropakalpa ○ precaṃloṅṅa vraḥ pañjiya ta gi vraḥ saṃphutikā vraḥ kalp[ana] to
{5}   ya vraḥ śāsana dhūlī vraḥ pāda dhūlī jeṅ vraḥ kamrateṅ ’añ śrīyaśovarmmadeva ○ nu vaśaka ta gi vraḥ saṃphutikā 829 śaka
{6}   nu nivedana ’nak ta paṃre ta vraḥ kamrateṅ ’añ śrī yaśodhareśvara ta gi○ sruk udyāna pramān purandarapura ○ ’amraḥ ’anak=kanloṅ | gho pandan ○gho
{7}   □ ○ gho ’a krau ○ tai ’a kaṃpit [○] tai vakula [○] gvāl kantil ○ lap cancān○ tai ’a laṅgāy ○ gho ’a saṅkov ○ tai ’aṅvyāt ○ gvalnimitadaiva ○ lap □ □
{8}   gho ’a chke ○ tai ’a saṃ’ap ○ tai kañcū ○ lap panheṃ ○ tai rat kaṃprvāt○ gvāl kantvan ○ tai kaṃvai ○ tai śucīya ○ lap taṅkū ○ sī rat kan’a[ñ]□ □
{9}   □ ○ tai kaṃvaḥ ○ gvāl kan’e ○ tai khmau ○ tai chneṃ mṛdaṅgavādikā ○tai kansat ○ tai bha ○ lap krau ○ gvāl ’anrok ○ gho lvan kaṃpū ○ gho lva[n]□gho
{10}   lvan ’an’van ○ gho lvan chpoṅ ○ gho lvan harī ○ gho lvan vrahey ○ gholvan panlas ○ gho lvan ryū ○ tai lvan teṃ ○ gho lvan ka[n] □[○]
{11}   tai sukhīna ○ lap utpala ○ gho lvan kañcan ○ tai lvan raṃcyak ○ gvāllvan kanteṅ ○ tai lvan phnos ○ gho lvan kañcī ○ tai lvan pūrvva □ □
{12}   tai lvan kañjaṃ ○ gho lvan kaṃbhān ○ gho lvan la ○ ○tai lvan dīrgha ○gho lvan khñuṃ ○ gho lvan kaṃpit ○ tai lvan chke ○ tai lvan taktyāk ○ gvāllvan □ □
{13}   tai lvan kañcan ○ gho lvan saṃ’uy ○ gho lvan taṅkū ○ gho lvan ulika ○tai lvan kanrat ○ lap lvan tīrtha ○ gho lvan panlas ○ gho kansip ’muḥ dik
{14}   sroṅ ○ gho harī chatradhāra ○ gho siddhivāra pūjāpāla ○ gho kañjāchatradhāra ○ gho kanteṅ ’muḥ dik sroṅ ○ gho thmai chmāṃ glāṅ ○ taipandan sm[āñ] ○ □
{15}   rat □yaṅ ○ tai tañ yeṅ smāñ ○ si rat kaṃpil ○ tai saṃ’ap ○ tai chkedmuk varṣā ○ tai kanso dmuk varṣā ○ tai kaṃvrau dmuk varṣā ○ tai kaṃpit ○tai □ □
{6}   sruk thpal pramān je
{7}   ṅ □ ta □ □ □ □ □ □ □ □ □ □ ’aṃraḥ thmyaṅ | tai ’a mādhavī | □ □ □ □ □□ □ □ □ □ □ □ □ □ □ | lap laṅgāy | tai kan’oy |
{8}   tai □ □ □ tai □ □ □ □ □ □ □ tai ’a saṃkoḥ | tai ’a □ □ □ □ □ □ □ □ □ □ □ □□ kañcī | tai kanrau | si pau | tai ’a
{9}   □ □ □ □ □ □ □ □ □ □ □ □ □ □ □ śī ○ tai viṣubha ○ lap pa □ □ □ □ □ □ □ □□ □ □ □ rā ○ gho lvan taṅker ○ gvāl lvan
{10}   □ □ □ □ □ □ lvan kañcā □ ○ gho lvan kañyvān ○ gho □ □ □ □ □ □ □ □ □□ tai pau | lap jaṃ’ar mālākārī ○
{11}   □ □ □ □ gandhakāra ○ tai □ □ □ □ □ tai pau kaṃpas ○ tai □ □ □ □ □ □□ □ □ □ śiva paricāraka ○ gho phnos ’muḥ dik
{12}   sroṅ □ sra gvāl □ □ □ □ gho laṃvi ’muḥ dik sroṅ □ □ □ □ □ □ □ □ □ □chatradhāra ○ gvāl kaṃvas stutivāca ○
{13}   □ □ □ □ □ □ □ □ □ □ joṅ ○ gho prāṇa gandha[kā]ra □ □ □ □ □ □ □ □ □□ tai gandha vitatatādinī ○ lap saṃ’ap tū
{14}   ryyaṅgala ○ tai □ □ □ □ □ □ □ sruk j□kta ○ tai panlās □ □ □ □ □ □ □ □□ □ □ □ chpoṅ ○ sī pau ○ sī kanleṅ ○ tai
{15}   □ □ □ □ □ □ □ □ □ □ □ pau ○ tai ka □ ○ tai kaṃp[i]t○ tai □ □ □ □ □ □ □□ □ □ □ □ ..s ○ gvāl chke paṃre paṃnvās ○ lap ka . . . . .

{A1}   kamrateṅ jagat śrī jayadeva ○ rūpa kamrateṅ
{A2}   [’añ]śrī jayavardhana ○
{A3}   kamrateṅ jagat śrī pavitradeva ○ rūpa kamrateṅ
{A4}   ’añ śrī pavitrakumāra ○
{A5}   kamrateṅ jagat . . . lokādhiśvaryyadeva ○
{A6}   . . . . . . . . . . . . . . . . . .
{B1}   kamrateṅ jagat trailokyarājeśvara rūpa
{B2}   vraḥ kamrateṅ ’añ śrī trailokarājapaṇḍita
{C1}   kamrateṅ jagat śrī mahīdharadeva ○ rūpa vraḥ
{C2}   kamrateṅ ’añ śrī mahīdharapaṇḍita ○ kamrateṅ jagat tamruṅ śivapura○
{E1}   kamrateṅ jagat śrī rājendravallabhadeva ○ rūpa vraḥ
{E2}   kamrateṅ ’añ śrī rājendravallabhavarmma
{E3}   kamrateṅ jagat śrī parvvatīśvarī rūpa ’nak sañjak pārvvatī
{F1}   kamrateṅ jagat śrī nṛpendreśvara ○ rūpa vraḥ kamrate
{F2}   ṅ ’añ ta gurupāda suverṇakṣetra janaka [kamra]
{F3}   teṅ ’añ śrī nṛpendrapaṇḍita
{G1}   kamrateṅ jagat śrī rājendreśvara ○
{G2}   kamrateṅ jagat śrī rājendradeva ○
{G3}   kamrateṅ jagat śrī rājendreśvarī ○
{G4}   ti vraḥ kamrateṅ ’añ śrī rājendrapaṇḍita sthāpanā
{H1}   kamrateṅ jagat śrī vīrendradeva
{H2}   rūpa vraḥ kamrateṅ ’añ śrī vīrendravarmma rvvyaṅ kraṅ ○
{J1}   kamrateṅ jagat śrī rājendradeva ○ rūpa kamrate
{J2}   ṅ ’añ śrī rājendrapaṇḍita kantha mrāṃ ’adhyāpakādhipa
{J3}   ti guru vraḥ kamrateṅ ’añ śrī nṛpendrapaṇḍita ○
{K1}   kamrateṅ jagat śrī . . .reśvara
{K2}   rūpa kamrateṅ ’añ śrī . . . . . . . .
{L1}   . . . . . . . . . . . dheśvarī ○ rūpa ’nak sañjak kamrateṅ śrīdharādharapura
{L2}   . . . . . . . . . . . . . . śvarī ○ rūpa ’nak sa ñjak ta pvas śrīdharādharapura ji
{L3}   . . . varmma ○
{M1}   [kamrateṅ] jagat śrī samaradivyalokeśvara ○ rūpa ’nak sañjak
{M2}   . . . . . . ñ kamrateṅ jagat śrī caturlokanātha ○
{P1}   [kamra]teṅ jagat śrī vīrendrāyu[dh]e . . .
{P2}   [kamrateṅ] jagat śrī vīrendrāyu[dh]e . . .
{P3}   [kamrateṅ] jagat śrī vīrendrāyudh . . .
{P4}   [ti kamra]teṅ ’añ śrī vīrendrāyu . . . [sthāpanā] ○

{A1}   kamrateṅ jagat śrī indreśvarī
{A2}   rūpa kamrateṅ ’añ śrī indralakṣmī [ka]mrateṅ jagat śrī tribhuvanadeva○ kamrateṅ jagat śrī vṛddheśvara ○
{D1}   kamrateṅ jagat [śrī] dha[rm]masenāpatī[nd]ra. . . . . .
{D2}   rūpa mahopakāra vraḥ kamrateṅ ’añ śrī
{D3}   dharmmasenāpatīndra[pa]ṇḍita [’a]dhyāpaka ○ kamrateṅ jagat śrīsugatarāja ○
{F1}   [kamra]teṅjagat śrī narendradeva
{F2}   rūpa kamrateṅ ’a[ñ]. . . . . . . . . . . .

{5}   815 śaka gi nu dhūli vraḥ pāda dhūli jeṅ vraḥ kamrate
{6}   ṅ ’añ śrī yaśovarmmadeva pre chvāt bhūmīsīmā sa[ṅ go]l
{7}   praśasta pi oy ta vraḥ kamra[teṅ] ’añ śaṅkaranārāyana ’āy śrī purandara
{8}   parvvata toy pūrvva lvaḥ ta gi caṃkā hiṅ huṅ toi ’āgneya
{9}   jrāṃ kaṃvaṅ tamrya lvaḥ ta gi vighneśa toi dakṣiṇa vrai dvāl
{10}   dvāl thnā lvaḥ ta gi stuk kmval toi nairṛtīya stuk viṅvneṅ toy
{11}   paścima chdiṅ toy vāyavya daṃnap vavval toy uttara vraḥ
{12}   travāṅ toy iśāna krīḍāparvvata lvaḥ ta gi guhā viṣṇu vināyaka

{S1}   dvyuttaraṣatśata śakaparigraha triyodaśī roc jeṣṭha ’anurādha
{S2}   nakṣatra kuruṅ maleṅ oy tñaṃ ta vraḥ kamratāṅ ’añ śrī ke
{S3}   dāreśvara jmah ge vā tlaṅ | vā tateñ | vā tasā | vā tnit | vā tarā [|]
{S4}   vā tasir | vā tatāṅ | vā kaṃvañ | vā kañcai | vā dehv | vā pañcamī |
{S5}   vā saptamī | vā pūrṇṇamī | vā vuddhisāra | vā ’akāryyanipuṇa | vā ca
{S6}   p mān | vā seṅ | vā tmen | vā cap pi hau | vā kandat | ’me maṅ
{S7}   kon ku 4 [|] ku ’me panhe | ku kdos | ’me droṅ | kon ku 2 [|] ku srī |
{S8}   kon ku [| ku] cāhv | ku ye sāy | kon ku 3 [|] ku ye māy |
{S9}   kon ku | ku yoṅ kan | kon ku [|] ku ya ṅāhv | ku ya mā | kon
{S10}   ku 2 ku ya iṅ | kon ku 2 ku rmmeṅ | kon ku 2 ku saṅgo□ |
{S11}   kon ku 2 [|] ku ya ṅoy | kon ku 5 ○ sarvvapiṇḍa savālavṛddha gitñaṃ
{S12}   40 10 8 tmur 100 daṃriṅ 1 sre man johv ta ge ci sre dañ liṅga
{S13}   ’aṃnoy vraḥ kamratāṅ ’añ ta dau śivapura oy ta vraḥ sre
{S14}   ’aṃvāṃ lec | sre oṅ drau | man ge soṅ ktiṅ | sre pnāk
{S15}   kuruṅ maleṅ dai gi neḥ sre ta roḥ gi neḥh phoṅ tel
{S16}   kuruṅ maleṅ oy ta vraḥ kamratāṅ ’añ śrī kedā
{S17}   reśvara
{N1}   vraḥ kamratāṅ ’añ śrī kedāreśvara ge ta daṅ sak gi mās vraḥ
{N2}   prak laṅgau saṃrit canlek sre daṃriṅ tmur ge ta daṅ sak gi ge ta da
{N3}   ṅ saṃ daṅ ’nak ta tve vipatti vraḥ kamratāṅ ’añ śrī kedāreśvara roḥ
{N4}   [ge] dau nirayasthāna [nu] ’ji ge ta si ge ta kantai ’me ge ’tā ge koncau ○ ge ta
{N5}   pāṅ par [ge] mut vraḥ cau lah kantai lah kula saṃ vyavahāra lahkñuṃ ta kmi tve
{N6}   mut vraḥ lah ka ti pre ge tleṅ ’aṃvi la □ □ i mahāniraya ○ nivandhavarṣā yu
{N7}   gala yau 8 pareṅ ’antoṅ 3 slā k □ k □ □ □ □ tṅai lut 2 ṅarṅo
{N8}   □ □ □ □ □ i svai sivut candana kaṭṭi 1 lṅo gmuṃ raṅko tloṅ 1 ’nāc gidau kañjrap
{N9}   □ □ □ □ ’me kmas | kon ku 3 [|] ’me vā dharmmakara | kon ku 3 [|]’me juṅ | u
{N10}   ttara [|] □ □ vai [|] □ yakta | vā panhem man col | sattra caṃren tagi tṅai vraḥ raṅko
{N11}   je kanlaḥ ge ta jā cam vraḥ kamratāṅ ’añ śrī kedāreśvara
{N12}   [duk] gi nivandha ge cam vraḥ kamratāṅ ’añ mully □ □ □ □ □ □ □
{N13}   □ □ ta gi prak liṅ □

{1}   devadravya khñuṃ [jaṃnvan] [vraḥ kamrateṅ ’a]ñ saṃtāc vrāy ta vraḥkaṃmra[teṅ ’añ śi]
{2}   valiṅga □ □ □ □ □ □ □ □ □ □ prāk hanira jyaṅ 2 kośa laṅgau 1 vr□ □ □
{3}   □ □ □ □ □ □ □ □ □ □ □ [va]lvyal 2 svok 1 juṃ sāy le 1 tanlāp prāk 1 □ □
{4}   □ [bhā]jana 1 □ □ □ □ □nlaḥ 1 padigaḥ 2 krayā ’arccaṇa kamandalū 1kalaśa 1 [vardha]
{5}   ṇi 1 ’arghya □ □ □ □ pādya 1 camasa 1 cirā dhūpa 1 pa ñcagavyapātra 6phnāṅ yau 1 □
{6}   gra 1 vraḥ □ □ □ □ □ □ vraḥ ’aṅga yau 1 śvetavastra yau 1 taṅtāp 1 ○jeṅ ’ā□ □
{7}   devadravya vraḥ kaṃmrateṅ ’añ parameśvarī bhājana □ □ □ □ □ svok 1cancyan 1 raṇama
{8}   rdda 1 vraḥ vasana phnāṅ □ □ □ □ □ □ □ □ □ □ [deva]dravya vraḥkaṃmrateṅ ’añ bhagavatī svo
{9}   k 1 kaṭāha 1 bhājana 1 cancyan □ □ □ □ □ □ □ □ □ □ □ □ □ □ □ phnāṅ □□ □ □
{10}   khñuṃ vraḥ teṃ pratipakṣa 20 10 8 khñum vraḥ □ □ □ □ □ □ □ □ □ □ □□ □ □ □ □ □ □ □
{11}   varṇṇa vraḥ kamrateṅ ’añ śrī rājendrapandita saṃtāc vrāy [nu kule ta]mātṛpakṣa pi
{12}   cāṃ teṃ man lvaḥ ta gi vraḥ rāj[y]a paramaśivapada vraḥ pre dau nākanmyaṅ pamre dau □ □
{13}   eka ○ lvaḥ ta gi vraḥ rāj[y]a kamrateṅ kaṃtvan ’añ śrīsūryyavarmmadeva vraḥ pre
{14}   dau nā maṅgalārtha ○ vraḥ pre ’añjeñ sthāpanā kamrateṅ jagat śrīīśā[na]tīrtha pre guru
{15}   yāga gi pi vraḥ oy vraḥ dakṣiṇā sruk ta piy nu rājadravya ta aṃpāllneḥh gi pi vraḥ pra[galbha sr]u
{16}   k teṃ viṅ ta vraḥ kaṃmrateṅ ’añ saṃtāc vrāy vvaṃ ’āc ti mān[c]añcūla vrīhi paryyaṅ vvaṃ ’āc ti
{17}   ’āc ti ’āyatta ta viṣaya ta dai ti leṅ paripāla guḥ teṃ kāra vādhā phoṅh[e]tu man vraḥ kaṃmra
{18}   teṅ ’añ śrī rājendrapandita nu vraḥ kamrateṅ ’añ kṣitīndrapandita tapha’van thvāy tapaḥsthāpanā
{19}   thvāy sukṛtaphala phoṅ nu mratāñ khloñ śrī narendrārimathana ta’ryāṃ vraḥ kaṃmrateṅ ’a
{20}   ñ gi pi mān vraḥ karuṇā ta ’aṃpāll neḥh ○ vraḥ kamrateṅ ’añ śrīrājendrapandita dai maṅga
{21}   lārtha teṃ gi nu mān sruk sre bhūmyākara phoṅ ’āy bhadrāśrama ginā ka sthāpanā vraḥ ne[ḥ]
{22}   ta piy ti thvāy jā vraḥ rājadharmma nu sukṛtaphala phoṅṅ ○maṅgalārthavargga ta mvāy mūla nu vraḥ kaṃ
{23}   mrateṅ ’añ śrī rājendrapandita loñ svuk diṅdoṅ jā ’ātmaśiṣya ti preparipāla punyatra
{24}   ya panlās śarira vraḥ kamrateṅ ’añ śrī rājendrapandita ○ loñ ’nak ciḥ’ātmaśiṣya gi ti pre
{25}   loñ deṅ loñ cāñ ta kvan mratāñ khloñ śrī narendrārimathana loñ vraha
{26}   haspatita ph’van loñ cāñ loñ vraḥ loñ srāc loñ soṃ ○ neḥ ta ’aṃ
{27}   pāll neḥh camnyar dau man ka dai ti leṅ ’añ tyaṅ man ’āyatta takamrateṅ
{28}   ’añ vraḥ guru nā do ta stap varttamāna pradvān dau vvaṃ ’āc ti pidāleṅ taṅgal nā
{29}   maṅgalārtha nu sruk vraḥ dakṣiṇā leṅ taṅgal dharmma man yeṅ thvāyvraḥ pāda kamra
{30}   teṅ kaṃtvan ’añ śrī sūryyavarmmadeva lvaḥ mahāsaṅhāra teṃparipāla leṅ vā
{31}   dhā guḥ oy gmāl mimvāy mimvāy sruk ○ loñ pen ph’van mratāñ khloñśrī nare(31bis)ndrārimathana loñ ke kvan loñ pen

{A1}   991 śaka daśamī ket jyeṣṭha ’ādityavāra □ □ □ □ □ □ □ □ □ □ □ □ □ □ □□ □
{A2}   [m]vāy ’antvaṅ dik mvāy pāda mvāy □ □ [nu] pratiṣṭha śrītribhūvane[śvaradeva]
{B26}   neḥ gi roḥ pratiṣṭhā ’añ ta upāya neh daha yo pi ’anak ta prabhūta pivvaṃ thve roḥ pratiṣṭhā neḥ nau ’aṃpāl
{B27}   pāpa ’anak ta rājadroha gurudrohi pāpa ’anak ta saṃlāp vrāhmana’ame vappā vraḥ go kapila leṅ ’anak noḥ gi ta mān pāpa
{B28}   noḥ śarīra ’anak noḥ dau tyak=ta narak ta daṃnep=ra [’a]vīci’atiraurava tarāp candrāditya ley daha yo pi ’ayat yeṅ ta piya upā
{B29}   ya khloñ garyyāk dau ta kvan teṅ tvan laṃvāṅ upāya khloñ kanmyaṅdau ta kvan teṅ tvan chmār khñuṃ vraḥ śivaliṅga ’āy
{B30}   kan[t]āl nu khñuṃ kaṃmrateṅ ’añ narāy chmār kaṃvan nu kvankaṃmrateṅ ’añ ta parameśvara tai kaṃvau nu kvan
{B31}   tai kansu tai kaṃvau tai thṅe nu kvan si pralāka tai kaṃnathā taikaṃvau nu kvan khñuṃ vraḥ śivaliṅga thpvaṅ tyak
{B32}   nu kaṃmrateṅ ’añ narāy ’aruṅ nu vraḥ bhogapatiya tai kañcān nukvan tai khdic si kañcān tai paroṅ

{23}   ’aṃnoy ’ācāryya dharmmapāla ta vraḥ kamratāṅ ’añ
{24}   śrī [’acyuta] vā dos ’añ dai | vā klā | vā khale |
{25}   ku saṃrac | ku ta’oṅ | ku ’adu |
{26}   sre ai □ raṇī □ □ □ gui sre man jauhv [’aṃvi ta] citravīra varah gui
{27}   □ṅ tloṅ □ □ □

{11}   [neḥ gui] ’aṃnoy mratāñ durggasvāmi ai ta vraḥ [kamratāṅ ’a
{12}   ñ śrī] □ □ □ □ □ □ □ [deva] sruk mratāñ □ □ □ □ □
{13}   vraḥ sāmrāṅ śāla tnaḥ mān gui sruk kvāndhā knai □ □ □ □ □
{14}   jmaḥ gui karcol cuṅ sor vnur dnaṅ tanmeñ □ □ □ □ □
{15}   coḥ kaṃbho sñāl taṅ kaṃvaṅ caṃpok ta jmaḥ □ □ □ [śāla]
{16}   tnaḥ kamratāñ bhagavat pāda ukk śāla tnaḥ ai īśā[napura] □ □
{17}   tmur gui krapi gui sre gui daṃriṅ gui gui neḥ [phoṅ man] [mra]
{18}   tāñ durggasvāmi oy ai ta vraḥ kamratāṅ ’añ [srī] □ □ □ □
{19}   deva ai ta vraḥ kamratāṅ ’añ śrī prahasi[teśvara]
{20}   ’aṃnoy mratāñ durggasvāmi ta ge kloñ ta mratāñ bha □ □ □ □ □
{21}   □ □ gui ta caṃ ta gui śāla tnaḥ ai īśānapura

{1}   ku gragar | ku kmās hvel | ku taṃvuc | pa’on ku | ku . . . . . . . . [kṛ]
{2}   tajñaprāya | ku sanrac | kon ku | ku karoṃ | . . . . . . . . . . . . . . . .
{3}   vicitta ru | ku mānudharmma | ku dos jai | ku lvaṃ [○] sarvvapiṇḍa . . .
{4}   kaṃpas sanre 1 slā ’āy vrai raṃteṅ 100 20 8 . . . . . . . . . . . . . . . . . .
{5}   kñuṃ ’aṃnoy poñ . . . . . . . . . . . . . . . . . . . . . . . . . . . . . . . . . . . . . . . . .
{6}   śiva □ davā . . . . . . . . . . . . . . . . . . . . . . . . . . . . . . . . . . . . . . . . . . . . . . . . .. .
{7}   vā tgat | vā . . . . . . . . . . . . . . . . . . . . . . . . . . . . . . . . . . . . . . . . . . . . . .
{8}   vadat | ku ca . . . . . . . . . . . . . . . . . . . . . . . . . . . . . . . . . . . . . . . . . . . . .
{9}   ku ranoca ru | ku . . . . . . . . . . . . . . . . . . . . . . . . . . . . . . . . . . . . . . . . . .
{10}   ku kandin | kon . . . . . . . . . . . . . . . . . . . . . . . . . . . . . . . . . . . . . . . . .
{11}   śrī tri . . . . . . . . . . . . . . . . . . . . . . . . . . . . . . . . . . . . . . . . . . . . . . . . . . .

{1}   pi roc vaiśākha poñ . . . . . . . . . . . . . . . . . . . . . . . . . . . . . . . . . . . .
{2}   t pari nu ta vraḥ kaṃratāṅ ’a[ñ] . . . . . . . . . . . . . . . . . . . . . . . .
{3}   mratāñ bhagavaṇ poñ kumāramat[i] . . . . . . . . . . . . . . . . . . . .
{4}   ta ’nau ta noḥ velā poñ kularakṣa pari . . . . . . . . . . . . . . . . . .
{5}   poñ bhā puṣpa | mratāñ candravīra | kanaceta . . . . . . . . . . .
{6}   la ta ai ukk krāntasāra | poñ śrava | vrauhv . . . . . . . . . . . . .
{7}   vaṅ si dat | si dat | kanses | vā kmau | vā ratna . . . . . . . .
{8}   numana poñ kumāramati pradāna gui sre ta vra . . . . . . . . . .
{9}   canlek yugalla vraḥ kaṃmratāṅ ’añ yohv 2 . . . . . . . . . . . . . . .
{10}   sthāna pañcol ge vari ple canlek vraḥ tnaḥ . . . . . . . . . . . . . . .

{1}   ’ājñā vraḥ kamratāṅ ’añ nī vraḥ kamratāṅ ’añ
{2}   siddhāyatana ta ’āy cuṅ muh tel oy saṃ pari
{3}   bhoga [nu] vraḥ kamratāṅ ’añ śrī ’acaleśvara kñum ○
{4}   tmur ○ krapī ○ sre ○ srū ○ daṃriṅ ○ karom ○ caṃ
{5}   kā ○ gan pradāna ’anak phoṅ ’āy ta vraḥ ○ ge ta sa
{6}   k gui ○ ge ta cap ’anak ta gui ○ ge ta tve kaṃloṅ ta
{7}   gui ○ ge ta pre roḥ gui ○ ge ta dār pañjas ta gui ○
{8}   ge ta ckop reṅ cuṅ stau ta gui ○ ge ta cap tmur ○
{9}   radeḥ ○ dok ta gui [○] ge cer >’ājñā ge daṇḍa gan ○