K.742 Door jamb of Kŭk Pràsàt

{1}   916 śakk dvādaśī roc ’āśva[yu]jj sanaścaravā
{2}   ra nu trā praśasta neḥ || vudi 2 padigaḥ 1 svo
{3}   k 4 graloṅ tai 1 khāl 2 suti 1 canhvā
{4}   r 2 valvyal 1 vat 1 tām[r]adrava 1 kinara [1]
{5}   chko 1 tula 1 tai 1 sau □ 1 krapi 3 khñuṃ vraḥ
{6}   si taṅker si slācra si prakat si saṃ’ap
{7}   si th’yak si kaṃvrau tai ’gat tai kaṃpit tai
{8}   kan’ā tai kaṃpin || neḥ gi ’aṃpal deva
{9}   dravya phoṅ nu khñuṃ nau ge ta lopeya neḥ
{10}   dau jā ta dvātri[ṃ]śanaraka nau ge ta vardhe
{11}   ya gi dau sthita ta sv[arga] ||