Language: Old Khmer

{1}   oṅkāra 1 snap pranāla liṅ 5
{2}   890 śakk caturthī roc bhadrapada
{3}   nu kamrateṅ ’añ vraḥ guru nu kaṃsteṅ ’a
{4}   ñ rājakulamahāmantri pandval vraḥ śāsana
{5}   ta pratyaya mrateñ śivapada dulov pi pre
{6}   dau pandval vraḥ śāsana ta vāp ’ānandana rmmāṃ pi
{7}   taṅtyaṅ ’aṃmruṅṅ sruk sre bhūmyākara ○ nu khñuṃ ○
{8}   nu dravya phoṅṅ ○ man vāp myaṅ rmmāṃ nu vāp myaṅ
{9}   caṃryyāṅṅ ○ nu vāp vall ○ nu vāp lass ○ jvan ta vraḥ
{10}   kaṃmrateṅ ’añ śivaliṅga ta gi 846 śakk ○ ti khcya
{11}   mrateñ rudrā catvarācāryya ta ’cas paṅgaṃ thpvaṅ
{12}   nivedana ta dhūli vraḥ pāda dhūli jeṅ vraḥ kaṃ
{13}   mrateṅ ’añ ta stac dau paramarudraloka ta gi ○
{14}   847 śakk ○ pi phsaṃ siddhāyata nu vraḥ kaṃmrateṅ
{15}   ’añ jagat liṅgapūra cāṃ caṃnāṃ yajña thṅāy vraḥh
{16}   liḥ 2 vraḥ vasana yau 1 mvāy chnāṃ ○ bhāja [1 ○] nu d[i]
{17}   k 1 paryyaṅ parivāra 1 lṅo parivāra 1 pratidina
{18}   velā dik vraḥ rājaśriy paṅgaṃ m□n 1 ’nak ta nāṃ
{19}   raṅko ta thvāy vraḥ bhoga tlvoṅ 1 phle jhe ○ cār ta
{20}   praśasta saṅ gol kall ○ oy caṃnāṃ nau liṅgapūra
{21}   et vakra roḥh kalpanāyajjamāna vvaṃ ’āc ti
{22}   khloñ srū khloñ vriha khloñ paryyaṅ khloñ viṣaya
{23}   dār vraḥ rājakāryya ta vraḥ nu ’nak vraḥh ○ ’nak vāp
{24}   myaṅ rmmāṃ ti khnet si kaṃvit ’aṃmraḥ [○] si vin ○ si kṛṣ ○ si
{25}   [dha]rmma ○ si kaṃprvat ○ si śrī [○] si ’a □ [○] si vrau [○] si cām lvan ○ si kaṃpāñ lvan ○ tai □
{26}   tai tīrtha ○ tai panlas ○ tai s □ □ □ □ □ □ □ □ □ □ □
{27}   kaṃpur ○ tai kaṃ □ n ○ kvan ○ tai □ □ □ □ □ [’nak vāp]
{28}   myaṅ rmmāṃ [ti rṇṇoc] □ □ j □ □ □ si □ □ □ □ □ □ □ □ □ □ □ □ □
{29}   val ○ si kaṃ □ □ □ □ □ □ □ □ □ □ □ □ □ □ □ □ □ □ □ □
{30}   tai kaṃ . . . . .

{1}   994 śaka ta rāj[y]a vraḥ pāda [vraḥ kaṃmrateṅ ’añ śrī harṣavarmmadeva]
{2}   gi nu taspasvi śivasthāna ta pvas ’a □ □ □ □ □ □ □ □ □ □ □ □
{3}   bhūmi muḥ thnal ta vraḥ jeṅ go sa[ṃ] nu □ □ □ □ [ṅa]
{4}   n jyaṅ pvan sme kuntikā pramvāy ṅan □ □ □ □ □
{5}   ṅ tap go bhay mvāy canlyak yau ta[p]
{6}   ta 1028 śaka conakṣatra ta rāj[y]avraḥ [pāda kamrateṅ ’añ]
{7}   śrī jayavarmmadeva ○ ’añ dau dval vraḥ karuṇaprasāda
{8}   sabhāpati ta pvan nu vraḥ kaṃmrateṅ ’a[ñ] □ □ □ □
{9}   rmma ta khloñ viṣaya vikrānta y[uga]pat pa[n]di[ta] ta jmaḥ vraḥ śivani □ □ □ □ □ □ □ □ □ □ oy [ta ’añ]
{11}   ta śa[ka] noḥ □ □ □ □ ’añ jvan bhūmi noḥ ru [dāna]
{12}   kamrateṅ jaga[t] śrī viṣvarūpa ○ pakṣa □ □ □ □ □ □
{13}   □ □ □ teṅ śra □ □ □ □ teṅ □ □ □ □ □ □ □ □ □ □

{1}   □ □ □ □ □ □ □ □ □ □ □ □ dhū[li] [vraḥ pāda]
{2}   kaṃmrateṅ kaṃtvan ’añ] [śrī sūr]yyavarmma[deva] □ □
{3}   □ □ □ □ □ □ □ □ □ □ □ □ [’ā]cāryya □ □ □
{4}   □ [vraḥ kaṃmra]teṅ ’añ śivaliṅga □
{5}   □ □ □ □ □ □ man ’āśrama jeṅ pramāha □
{6}   ś[v]e[tatandu]la liḥ 10 2 ta gi ’aṣṭamī caturddaśī
{7}   pañcada[śī] □ □ □ īśānapada nai mratāñ khlo
{8}   ñ □ □ □ □ sruk thpal cār caṃnāṃ saṅkrānta
{9}   śveta[tandula] □ □ ta vra[ḥ] kaṃmrateṅ ’añ śivali
{10}   ṅga śrī □ □ □ mel man ’āśrama ta dai ti ’val ta śū
{11}   nya ’ya[t] □ □ ley gi hetu pi thvāy saṃnvat svaṃ vraḥ
{12}   ’ālakṣa[ṇa] pi cār leṅ kaṃ pi ’āyatta ta kaṃlo
{13}   ñ ’nak phoṅ nu ’nak vraḥ mratāñ khloñ śrī kṣitī
{14}   ndravallabha sruk vrac paṅgaṃ thpvaṅ nivedana roḥh
{15}   pūrvvāpara vraḥ śāsana dhūli vraḥ pāda kaṃmrateṅ kaṃ
{16}   tvan ’añ śrī sūryyavarmmadeva pandval pre cār roḥ
{17}   h iṣṭi vvaṃ ’āc ti ’āyatta ta devakāryyādhipati
{18}   ’nak ta trvac vraḥ rājakāryya khloñ kāryya taṃmrvac
{19}   vala devaparicāra ta ’nau nā pandval mratāñ khloñ
{20}   vnur vinau khloñ vraḥ caturdvāra mratāñ khloñ
{21}   pūrāñ ta kanmyaṅ ○ khloñ vala spot ta kanmyaṅ ’val
{22}   ’nak sañjak ta seva ||

{1}   kamrateṅ jagat śrī tribhuvanadeva vraḥ rūpa ka
{2}   mrateṅ ’añ vraḥ jyeṣṭha . . .
{3}   staṃ kamrateṅ jagat śrī tribhuvanadeveśvarī rūpa kamrateṅ
{4}   ’añ śrī tribhuvanadevī
{5}   chvyaṅ kamrateṅ jagat . . . . . . . . . [rūpa kamrateṅ] ’añ śrī yaśodharendradevī ○

{1}   śrī siddhi svasti jaya 8□□ śaka nu dhūli vraḥ pāda [dhū]
{2}   li jeṅ vraḥ kamrateṅ ’añ śrī jayavarmmadeva ni[ve]
{3}   danata vraḥ kamrateṅ ’añ śrī trailokyādhipa[tī]
{4}   śvara ’nak ta śi si ka———
{5}   k si vāyudeva sī —- [si] vi
{6}   maddhyamaśiva | sī kaṃpañ |
{7}   sī tleṃ | sī thgap | sī kantra |
{8}   sī paṃnaṅ | sī kaṃ’āl | sī [ka]
{9}   nteṅ | sī kanteṅ sot
{10}   [sī] caṃvall | sī thgot | sī
{11}   sī kaṃvai | sī valadeva | —
{12}   kaṃpit | sī kañca | sī ka
{13}   ’aṃ | sī candrādhipati | sī la–
{14}   ñ | sī kaṃvai | sī kañci | sī
{15}   kanteṅ | sī chke | sī vuddhadī—
{16}   ndhap | sī ’ājya | sī hṛdaya
{17}   sī khnāñ | sī kandhī | sī panlas |
{18}   [sī]valāyatna | sī kaṃvai | sī do—-
{19}   t | sī ’aṅkā | sī cak cok
{20}   sī kanteṅ | sī —– | sī ’ama[ra]
{21}   sī kanloṅ | sī panlas ——–
{22}   sī kandeṅ | sī khñuṃ | sī ka—-
{23}   v | sī kaṃpañ | sī pavitra | —
{24}   pansoṃ | sī primarun | si
{25}   raśmibhāva | sī krau sot —
{26}   vai sī krau sī kaṃpit | sī ka—
{27}   ’ap sī subhadra sī kan——-
{28}   bhyā sī thyak sī kaṃpañ sī
{29}   thleṃ sī panlas sī ka–
{30}   kan’ak sī svasti sī ——–
{31}   sī vidyābhāva sī ————–
{32}   sī kanlah sī vaktraśiva ——–
{33}   sī pandan sī krau sī ta———-
{34}   sī ’ājya | sī saṃ’ap sī ’aṃ———-
{35}   bhava ○ sī vidyābhāva sī ———–
{36}   ’ame bhāja tai bhāja tai ———–
{37}   sot tai panlas sī rat saṃ’uy —–
{38}   srac ta vraḥ lap 1 tai srac ta vraḥ tai rat 1 tai —
{39}   tai kan’āk sī rat 1 tai ’agat lap — tai chpoṅ —
{40}   p saṃ’uy tai panlas tai kandeṅ tai tirtha tai jnau gvāl
{41}   thkau tai kaṃpit kvan 1 tai kaṃpruk sī pau 1 tai kañjāṅ
{42}   tai kandeṅ gvāl khñuṃ tai kanteṅ tai kantiṅ sot
{43}   [tai] khñuṃ ○ gho kaṃpañ gho saṃ’ap gho kansip tai kañjū
{44}   tai panheṃ tai pandan tai saṃmṛddhi tai panlas tai kaṃ
{45}   vraḥ sī jñānadipa sī jñānarāja sī kan’ās sī caṃlo—
{46}   gho kaṃpañ gho kanteṅ — tai phnos tai –rājani tai kan–
{47}   ñ tai kaṃvai kvan ——— tai kañan sī rat pansāṅ

{1}   [’ājñā vraḥ kamratāṅ] ’añ ni vraḥ kamratāṅ ’añ śrī bhadr[eśvara] . . . . . . . . . . . ṅ
{2}   . . . . . . . . tel □ oy [ta]mratāñ . . . . . . . . . . . . . . . . . . . . . . . . . . . . .
{3}   . . . . . . . . [kṣe]trārāmata nai . . . . . . . . . . . . . . . . . . . . . . . . . . . . . . .
{4}   . . . . . . . . cas gi . . . . . . . . . . . . . . . . . . . . . . . . . . . . . . . . . . . . . . .
{5}   . . . . . . . . poñ . . . . . . . . . . . . . . . . . . . . . . . . . . . . . . . . . . . . . . . .
{6}   [’aṃ]noy mahā . . . . . . . . . . . . . . ke ta ’a □ □ man niṣkraya ta
{7}   kamra[tāṅ][’añ] . . . . . . . . . . . . . . . . . . cloṅ ’avadhi gī tel oy
{8}   . . . . . . . . . . . . . . . . . . p gi ge ta sak gi ge ta pre roḥ gi . . . . . .
{9}   . . . . . . . . . . . . . . . . ge cer ’ājñā vraḥ kamratāṅ ’añ ge daṇḍa ||
{10}   . . . . . . . . . . . . . . . . . . . . . puṇya mratāñ khloñ guhā ta ai . .
{11}   nai □ □ □ ṅ vraḥ . . . . . . . . . . gi tel psaṃ paribhoga toṅ vraḥ
{12}   kamratāṅ ’añ śrī bhadeśvara □ □ □ □ □ □ gomahiṣa kṣetrārāma ta nai ge vraḥ pho
{13}   ṅ . . . . . . . . . . . . . . . . . . . . . . paṃre □ jā ple ’nak
{14}   lok kñuṃ ge vraḥ . . . . . . . . . . . . . . . . . . . . . . . . . . toy
{15}   neḥ ’a . . . . . . . . . . . . . . . ṇya

{1}   [9]24 śaka gi nu vraḥ kamrateṅ ’añ chok phlāṅ
{2}   [sa]mayuganu kule gaṇabhāga phoṅ t[a] daṃnep=ra kaṃsteṅ (2 bis) khloñ vala □ □ □ □ □ □ □ □ □ □ □ □ □ □ □ □ □ □ □ □
{3}   □ □ □ mūla nu khloñ vala kaṃvau vraḥ ja □ □ □ [jvan] khñuṃ ta
{4}   [roḥh] neḥh ta kamrateṅ jagat yogīśvarāsana neḥ
{5}   □ □ □ [li]ṅgapurāsananu vraḥ kamrateṅ ’añ nārāyana ta jā
{6}   [smiṅ] [cā]mpeśvarāsana ○ gho kañjoṅ tai chke tai ṛ□ neḥ
{7}   [khnet] gho kanso tai □dep tai □ □ □ neḥ rṇṇoc ○ nu bhū
{8}   mi [piy] [ti] duñ ta ’nak sruk vnur khvek le ta jmaḥ vraḥ □ vapā [ta]
{9}   khloñ vala jeṅ nu khloñ vala lvo teṅ tvan □ ṅ ta ’nak sruk
{10}   vnur khvek kantāl ta jmaḥ khloñ vala surālaya teṅ tvan □ au
{11}   ta ’nak sruk vnur khvek karoṃ ta jmaḥ kaṃsteṅ □ □ ḥ khloñ
{12}   vala jā nu sama ○ gi bhūmi noḥ ti duñ ta ’nak ta roḥh noḥ
{13}   h phoṅ ’āc ti vroḥ bhay mvay tap ○ neḥ sr □ □ ri □ nu
{14}   vraḥ karuṇā hoṅ pi yeṅ jvan ta vraḥ neḥ [karuṇāpra
{15}   sāda] vraḥ pāda kaṃmrateṅ ’añ ta paramapavitra ta svey
{16}   vraḥ dharmmarājya [sakala] nau ’nak [ñyāṅ] paripālana dharmma □ □
{17}   neḥ [’nak]noḥ svey □ □ □ □ □ □ □ □ ’aṃvi ihaloka lvaḥ
{18}   paraloka nau ’nak ta pra □ □ □ □ □ □ □ □ □ □ □ □ □ □
{19}   □ ’nak noḥ svey □ □ □ □ □ □ □ □ □ □ □ □ □ □ □ □ □

{1}   ’a[ṃnoy] □ □ ddivīrañ ai ta vraḥ kaṃmratāṅ ’añ śrī prajāśeśvara kantai jāmvav | tai ’añ | kon | rukminī ’añ |
{2}   kon | je ’añ | kñuṃ vann [|] kon | va kaṃhvai| ’aras dai | nirahetu | ’ame ’assarū | kon | tāṅ hemānta | ku vrau | [kon |]
{3}   va krakar | ku kcal | ’añjau vrau | kon | vā canmān | kon | ’ame saṃvoc | kon 2 [|] srageḥ com | pa’eṃ toy vākk |
{4}   madhurai | ’aṃras ’vaval | kon 2 va saptamālā | ku ya loñ [|]

{1}   1018 śaka vyar roc
{2}   ’asvayuja sauravāra gi nu
{3}   vraḥ pāda kamrateṅ ’añ
{4}   śriy jayavarmmadeva jvan
{5}   teṅ ta neh ta kamrateṅ
{6}   jagāt vnaṃ mās

{0}   siddhi [svasti jaya]
{1}   oṃ 901 śaka gi nu khloñ vala travāṅ vrāhmaṇa mūla
{2}   kanmyaṅ paṃre duñ bhūmi ’ārāma ta vāp vis taṃrvac
{3}   vraḥ chpār vāp may ’nak vraḥ chpār ○ kāla ta gi vraḥ rājya
{4}   [dhū]li vraḥ pāda dhūli jeṅ vraḥ kamrateṅ ’añ śrī jaya
{5}   varmmadeva ○ kāla thve ṅār vraḥ hemaśṛṅgakiri nu ṅār vraḥ
{6}   mandira vraḥ yaśovatī ○ neḥ vāp vis vāp mau parihāra ○
{7}   lak ta neḥ bhūmi ’ārāma ta khloñ vala travāṅ vrāhmaṇa ri thlā
{8}   y bhūmi neḥ vaudi vyar mvāy ṅan jyaṅ 9 mvāy ṅan jya
{9}   ṅ 5 padigaḥ vyar mvāy ṅan jyaṅ 10 mvāy ṅan jyaṅ 6 svok
{10}   mvāy ṅan jyaṅ 4 ○ phsaṃ laṅgau neḥ tul mvāy jyaṅ 10 4
{11}   canlyāk thyāy yau 2 canlyākk vāra panlāy yau 1 canlyāk kamva
{12}   l [yau] 4 man vāp mau vāp vis lak bhūmi neḥ phoṅ pi yok
{13}   dravya ta roḥh neḥ [p]i thve rājakāryya nu gi ○ khloñ vala travā
{14}   ṅ vrāhmaṇa oy saṃnvat roḥ pūrvvāpara bhūmi neḥ ○ cuñ vraḥ
{15}   ’ālakṣana ta mratāñ śrī pṛthivīndrapandita guṇadoṣadarśi ○ nu vraḥ
{16}   sabhā phoṅ pre samakṣa nu vāp mau vāp vis ’nak vraḥ chpār
{17}   [taṅtyaṅ] man neḥ bhūmi ’ārāma ti lak pi yok dravya nu thve rājakāryya
{18}   pre siddhi mratāñ śrī pṛthivīndrapandita pandval vraḥ śāsana ta khlo
{19}   ñ vala ta trvac paṃcāṃ ’āy kroy sruk vrai dramvaṅ jmaḥ loñ
{20}   valadeva vāp paramārmānandana vyavahārādhikāri sruk calmvaṃ vāp
{21}   mau dharmmādhikaraṇapāla vāp pit taṃmrvac ’amṛtakadhana vāp dha
{22}   rmmācāryya taṃmrvac raṅvāṅ nā triṇī pre chvatt bhūmi neḥh jmaḥ
{23}   ’ārāma hauv puruṣapradhāna grāmavṛddha ’aṃcās ’nak ta sa
{24}   mipa pvān toy samakṣa saṅ gol pre oy ta khloñ vala tra
{25}   vāṅ vrāhmaṇa vāp mau vāp vis nāṃ chvatt bhūmi neḥ samakṣa
{26}   nu puruṣapradhāna ’āy śv[e]tadvipasmiṅ mukhya loñ yudhiṣṭhira gu
{27}   he loñ śrī travāṅ kanloṅ rājadvāra loñ nārāya cuṅ □ □
{28}   loñ kerthi devaparicāra vāp ’amṛta vāp ’āja □ □ □ [vā]
{29}   p śinanda vāp rau sruk bhagavadvipa vāp i □ □ □ □ □ □
{30}   loñ vrahmaguṇa purohita sruk □ □ □ □ □ □
{31}   sruk travāṅ tannot vāp □ □ □ □ □ □ □ □ □
{32}   cāṃ kravos samakṣa nu puruṣapradhāna ta roḥh neḥh saṅ gol
{33}   pūrvva paścima dakṣiṇa uttara pandval vraḥ śāsana oy ta khloñ
{34}   vala travāṅ vrāhmaṇa khloñ vala travāṅ vrāhmaṇa taṃ sgar juṃm
{35}   bhūmi neḥ vnek ni ta puruṣapradhāna ta roḥ neḥh jvan bhūmi neḥ
{36}   ta vraḥ yokk ti [ta bhūmi neḥ] duk jā ti ’ācamna nu vraḥ kamrateṅ ’añ duk
{37}   jmaḥ kṣetra saṃkrānta [dep] bhūmi neḥ nā thve sre phle ’āśrama nā khlo
{38}   ñ vala travāṅ vrāhmaṇa ta jmaḥ saṃkrāntapada ’āy śvetadvi
{39}   pa ○ sre sthalā pravaca ti khloñ vala travāṅ vrāhmaṇa du
{40}   ñ ta vāp □ t chmāṃ vraḥ kralā phdaṃ chok gargyar nu vaudi vyar
{41}   ṅan jyaṅ 5 canlyak □ yau 7 srū 60 10 3 sre jeṅ daṃ
{42}   nap śvetadvipa [ti]jāv nu vaudi vyar padigaḥ vyar ta ’nak vraḥ
{43}   kāl thve ṅār vraḥ mandira vraḥ ’abhiramyavati 926 śakka
{44}   nu khloñ vala travāṅ vrāhmaṇa duñ sre praloḥ cikcok ta vā
{45}   p nāgaśarmma kanmyaṅ paṃmre vraḥ khān vāp śrīnivāsa vāp pit
{46}   kanmyaṅ paṃmre nā lamak thlāy bhūmi neḥ mās chaguṇa li
{47}   ṅ vyar 1 pāda 1 vaudi 1 ṅan jyaṅ 6 kadāha 1 ṅan jyaṅ 4 canlya
{48}   k 20 ruṅ bhūmi neḥ sre dhārmmapura vrah 20 10 sre jnaṅ vrah 100
{49}   sre drāṅ ruṅ thlās 20 khloñ vala travāṅ vrāhmaṇa samākṣa
{50}   ’āy vraḥ sabhā ta ’nau nā samākṣasteṅ ’añ vidyāśra
{51}   ma ’ācāryyapradhāna sabhāpati mratāñ śrī kavīndrapandita
{52}   sabhāpati mratāñ śrī jayendrapandita guṇadoṣadārśi mratā
{53}   ñ śrī pṛthivīndropakalpa svat vraḥ dharmmaśāstra mratāñ śrī rā
{54}   jopakalpa svat vraḥ dharmmaśāstra mratāñ khloñ śrī nṛpati
{55}   nrāditya trvac kanmyaṅ paṃmre sruk thpvaṅ rmmāṅ vāp dhā
{56}   rmmācāryya taṃmrvac raṅvāṅ nā triṇi steṅ ’añ vidyāśra
{57}   ma pandval vraḥ śāsana ta vāp varuṇa mūla kanmyaṅ pamre
{58}   sruk kañjrep prasir pre dau hau puruṣapradhāna grā
{59}   mavṛddhi ta samipapvan toy sruk phdeṅ panhem
{60}   loñ yudhiṣṭhira purohita loñ nan paṃjuḥ loñ va
{61}   ladeva paṃjuḥ pradhāna vāp mādhava taṃmrvac vāp ’a
{62}   p vāp □ā loñ veda travāṅ thmo samakṣa nu pradhāna
{63}   ta roḥ neḥ pandval vraḥ śāsna vāp nāgaśarmma vāp śrīn[i]
{64}   vāsavāp pit nāṃ chvatt bhumi saṅ gol purvva paścima dakṣi
{65}   ṇa uttara oy ta khloñ vala travāṅ vrāhmaṇa khloñ va
{66}   la travāṅ vrāhmaṇa duk jmaḥ kṣetra saṃkrāntajvan ta vraḥ
{67}   kaṃmrateṅ ’añ śvetadvipa yok ti ta bhumi neḥ duk
{68}   jā ti ’ācamana ○ niy neḥ bhumi ta roḥh neḥh
{69}   phoṅ man khloñ vala travāṅ vrāhmaṇa duñ ti jva
{70}   n ta vraḥ kaṃmrateṅ ’añ śvetadvipa ’āyatta khñuṃ phle ’ā
{71}   śrama ta jmaḥ saṃkrantapada ○ gi roḥ kalpanā pra
{72}   tidina kra □ cyan 1 □ □ liḥ □ □ □ □ □ thloṅ □ □ □
{73}   thloṅ liḥ 2 devayajña □ □ □ □ □ yajña
{74}   liḥ piy □ □ □ □ □ □ □ □ □ na oy
{75}   mahākāla □ □ □ □ □ □
{76}   □ □ □ □ □ □ □ □ □ □ □
{77}   thlvaṅ □ □ □ □ □