K.660 Door jamb of Pràsàt Khnà

{4}   963 śaka nu vraḥ kamrateṅ ’añ śrī bhuvanāditya ta ph’ūn
{5}   kamrateṅ ’añ śrī vīralakṣmī ta vraḥ kulā vraḥ pāda śrī ha
{6}   rṣavarmmadeva toy mātṛpakṣa sruk vanapura jeṅ vnaṃ kaṃ
{7}   veṅ paścima thve vraḥ gurudavāhana neḥ rūpyapratigraha
{8}   mvāy ṅan jyaṅ 10 1 rūpyakalaśa 1 haniragaropa ṅan jyaṅ
{9}   8 liṅ 1 pāda 1 thvāy jā vraḥ jaṃnvan vraḥ pāda kamrateṅ
{10}   kaṃtvan ’añ śrī sūryyavarmmadeva ta kamrateṅ jagat sa
{11}   kavrāhmaṇa