{4} 963 śaka nu vraḥ kamrateṅ ’añ śrī bhuvanāditya ta ph’ūn
{5} kamrateṅ ’añ śrī vīralakṣmī ta vraḥ kulā vraḥ pāda śrī ha
{6} rṣavarmmadeva toy mātṛpakṣa sruk vanapura jeṅ vnaṃ kaṃ
{7} veṅ paścima thve vraḥ gurudavāhana neḥ rūpyapratigraha
{8} mvāy ṅan jyaṅ 10 1 rūpyakalaśa 1 haniragaropa ṅan jyaṅ
{9} 8 liṅ 1 pāda 1 thvāy jā vraḥ jaṃnvan vraḥ pāda kamrateṅ
{10} kaṃtvan ’añ śrī sūryyavarmmadeva ta kamrateṅ jagat sa
{11} kavrāhmaṇa
Bibliographic information
Śaka 963 = A.D. 1041, C I: 195-7.
Inscription Concordance