K.457 Inscription of Phnoṃ Dĕi

{5}   815 śaka gi nu dhūli vraḥ pāda dhūli jeṅ vraḥ kamrate
{6}   ṅ ’añ śrī yaśovarmmadeva pre chvāt bhūmīsīmā sa[ṅ go]l
{7}   praśasta pi oy ta vraḥ kamra[teṅ] ’añ śaṅkaranārāyana ’āy śrī purandara
{8}   parvvata toy pūrvva lvaḥ ta gi caṃkā hiṅ huṅ toi ’āgneya
{9}   jrāṃ kaṃvaṅ tamrya lvaḥ ta gi vighneśa toi dakṣiṇa vrai dvāl
{10}   dvāl thnā lvaḥ ta gi stuk kmval toi nairṛtīya stuk viṅvneṅ toy
{11}   paścima chdiṅ toy vāyavya daṃnap vavval toy uttara vraḥ
{12}   travāṅ toy iśāna krīḍāparvvata lvaḥ ta gi guhā viṣṇu vināyaka