K.790 Stele of Unknown Provenance

{1}   ’aṃnoy poñ siṅ yajamāna ’āy ta
{2}   kpoñ kaṃmratāṅ ’añ kñuṃ ta siy vā
{3}   salmuhan | vā tmān | □ □ □ □ □ | vā caṃ
{4}   pot | vā paroy | vā krahoṅ | kñuṃ ta ka
{5}   ntai ku clau | ku citt ’avai | ku smaṅ | ku
{6}   skāñ | ku kañcas | ku kalpit | sre ’ā
{7}   y ’āvāsa pāda kāc moy sanre
{8}   yy sre ’āy teṃ vinau tloṅ 3 sre ’ā
{9}   y tnal vihār tloṅ 2 sre ’āy stuk
{10}   loc tloṅ 3 sre ’āy stuk sgaḥ phoṅ
{11}   tloṅ 7 sre man poñ kaṃvau saṃ vyavahāra
{12}   doṅ poñ ’akṣaragupp uttarīya
{13}   poñ kaṃvau pañjau gui ta poñ yaja
{14}   māna siṅ tloṅ 1 sre ’āy vrahmavīra
{15}   pāda kāc moy sanrey sre me
{16}   heṅ ’añ tloṅ 1 sre teṃ vreṅ tloṅ □
{17}   □ □ sre teṃ saṅke tloṅ 1 je □ sarvvapi[ṇ]ḍa
{18}   [sre phoṅ] □ □ □ □ □ t[l]oṅ □ □ □