K.351 Door jamb of Pràsàt Thnăl Čhuk

{1}   914 śaka dvādaśī ket vaiśākha ’ā
{2}   [di]tyavāra hastaṛkṣa roṅnakṣatra
{3}   neḥ gi roḥ varaśāpa yeṅ vraḥ sabhā pho
{4}   ṅ ○ neḥ tai thmās nu kansot man steñ
{5}   ’ji śāntipada oy ta steñ śikhāntarā
{6}   cāryya pi steñ śikhāntarācāryya caṃ caṃ
{7}   nām raṅko liḥ 1 dvādaśī nā vraḥ kaṃmrateṅ
{8}   nārāyana ○ nau ta lapp kalpanā noḥ
{9}   sak sre khñuṃ noḥ ge dau ta dvātriṃśanaraka ○
{10}   nau ta varddhe noḥ ge mān svargga nu santāna
{11}   phoṅ vvaṃ ’āc ti srac ta khloñ ’na
{12}   k nau ’nak ta pradhāna ta noḥ deśa
{13}   noḥ ○ noḥ gi ta paripālana ○