{1}   siddhi 88□ śaka ta gi navamī ket kārtti[ka] vudhavāra gi nu
{2}   mān vraḥ ’ālakṣa[ṇa] cuñ ta mratāñ śrī nṛpavi
{3}   khyāta trvāc vraḥ kralā phdaṃ nu mratāñ khloñ śrī
{4}   jayendrāyuddha ’āy vraḥ sabhā man si va
{5}   ruṇa nu ’me kule si varuṇa si
{6}   ka man ket gi sthāna kanloṅ kaṃmrateṅ ’añ
{7}   jaguhā man rat leṅ man paṃnvās smiṅ nu
{8}   damūla oy p cuñ chley ’artha pi rat cap si va
{9}   ruṇa karṇṇanāsikaccheda si varuṇa jvan ta ka
{10}   nloṅ kamrateṅ ’añ rājaguhā nu ’me kule phoṅ
{11}   siddhi [ta] kanloṅ kaṃmrateṅ ’añ vvaṃ pi mān vakra
{12}   vraḥ jaṃnvan dhuli vraḥ pāda dhuli jeṅ vraḥ kaṃmra
{13}   teṅ ’añ śrī rājendravarmmadeva ta kanloṅ kamra
{14}   teṅ ’añ rājaguhā kamrateṅ ’añ rājakulama
{15}   hāmantri nu mratāñ śrī nṛpavikhyāta nu steṅ ’añ
{16}   caturācāryya nu mān vraḥ śāsana ta vāp ’ātmaśi
{17}   va ryya purohita
{18}   vraḥ jaṃnvan vraḥ {19-25} [liste de serfs illisible].