Old Khmer

{1}   8□4 śaka nū mān vraḥ śāsana dhūli vraḥ pāda dhūli jeṅ vraḥ kaṃmrateṅ
{2}   ’añ ekādaśi roc caitra candravāra nu oy vraḥ supātra ta mra
{3}   tāñ śrī vikramasaṇnāha ti pre dau sthāpanā ta gi sruk phdai
{4}   ’āy vrai vyak pramāna śrī indrapura nau ruv dravya nu khñuṃm sru
{5}   k sre ta ti mratāñ śrī vikramasannāha nu mratāñ khlo
{6}   ñ mahāpūrūṣa oy ta vraḥ ○ siddhi sruk thkval dham ’aṃraḥ
{7}   4 ○ sruk vnur ti paścima ’aṃvi ta gi muṃ travāṅ vraḥ svāy
{8}   to[y] purvva gi thnval travāṅ veṅ ti purvva toy dakṣiṇa lvoḥ
{9}   travāṅ itt ti uttara lvoḥ ta gi phluv ’aṃraḥ□ □
{10}   si ’anrok si caṃlau si kaṃp[i]tsi ’andaha sruk
{11}   sukhagrāma ○ sruk tralau sruk saṃvega sruk puruṣa
{12}   pura sruk □ □ □ sruk thnal sruk [’a]rinivāsa sruk
{13}   viṇavapura sruk śalamet sruk saṃsaṃ sruk □ □ □
{14}   sruk vrai teṃ thniṅ nā kantāl vala neḥ syaṅ sru[k]vraḥ jaṃnvan
{15}   ta vraḥ kamrateṅ ’añ nuv khñuṃ vraḥ phoṅ
{16}   nau ta yokk neḥ ta roḥ neḥ ti pre kāp thpvaṅ

{17}   908 śaka caturddaśī ket bhādrapada ’ādityavāra nu mān vraḥ śasanadhūli
{18}   vraḥ pāda dhūli jeṅ vraḥ kaṃmrateṅ ’añ ta vāp hṛdayaśiva paṃcāṃpratyaya nā catvāri ti pre mok oy
{19}   sre ta vraḥ kaṃmrateṅ ’añ bhagavatī gi [’yat] sre pi oy hetu pul krapiydnyaṃ 1 duñ thmo ’leṅ
{20}   nu thve vraḥ vnaṃ man vāp sip khloñ jnval nu daśādhikṛtta nu pratyayamok oy sre thlāy
{21}   krapi 10 hetu pi mān sre vraḥ kamrateṅ ’añ bhagavatī

Čơṅ Aṅ, Cambodia. Detail of door jamb inscription from the sanctuary entrance (après SEAclassics).

{S1}   siddhi svasti 8[5]4 śaka nu mān braḥ śāsana ḍhū[li] vraḥ
{S2}   pāda ḍhū[li]jeṅ vraḥkamrateṅ ’añ śrī jayavarmmadeva ta dhūli jeṅ braḥ
{S3}   kamrateṅ ’añ śrī prathibīṇdrabarmma pandval vraḥ śāsana
{S4}   ta mratāñ śrī nṛpeṇdravikramma kh[l]oñ glāṅ nā eka pi pre vraḥ
{S5}   kamrateṅ ’añ śrī tribhuvanaikanātha ’āy jeṅ o[ṅ]ta punya chloñ prāna
{S6}   saṃ gaṇa nu vraḥ kaṃmrateṅ ’añ śrī cāmpeśvara vvaṃ jā pi mān vakranu paṃ
{S7}   cāṃ vvaṃ jā pi mān vakra ṇu khloñ viṣaiyanu khloñ sru[k]ṇukhloñ bhū
{S8}   tāśa ṇutamrvac ’amṛtakadhana datta dau ta vraḥ kamrateṅ ’añ śrīcampe
{S9}   śvara braḥ śāsana pre ka kalpanā śvetataṇdula ṣaḍkhārikā ○ ghṛta’ādhaka 8 ○ ja
{S10}   la śvetavastra yugala 2 go śata saṃ nu jvaṇ dik braḥ rājaśrīhemakamaṇdalu 1
{S11}   ṅan jyaṅ 1 neḥ syaṅ ta gi kalpanā dau ta vraḥ kamrateṅ ’añ śrīcāmpeśvara
{S12}   sap chnāṃ ○ khñuṃ maṇ chloñ prāṇa o[y]ta vraḥ kamrateṅ ’añ taviṣṇu to[y]rṇṇoc
{S13}   si ka[ṃ]pit tr[v]ac ○ si thleṃ cāṃ glāṅ ○ si siddhivara grāmapāla ○ sikaṃvrau pek thve sre ka[ṃ]luṅ
{S14}   [t]a vraḥ [○] si kañjos ○ si thgāp ○ si paṇdan ○ si kaṃpat ○ si kaṃpit○ si kaṃpit sot ○ si mṛta
{S15}   mahāṇasa ○ si kaṃvut mahāṇasa ○ si kaṃvis tiṅ ○ ’aṃraḥ si krau ○ sikaṃpas ○ tai bhāja ○ tai dha
{S16}   rmma ○ thve sre vnek dlāy ○ ’aṃraḥ si māṇudharmma ○ si paṇdas ○tai preta [○] tai maya ○ vnek dlāy ○ ’aṃraḥ
{S17}   si jaṅver ○ si kaṃvrāṃ ○ tai kaṇtrap ○ tai paṇlas ○ thve sre vnek dlāysot ○ ’aṃraḥ si thgot ○ si kan
{S18}   sip ○ tai vrata ○ tai kañen ○ thve sre varuy ○ ’aṃraḥ si kaṇsu ○ siratnadāsa ○ si thgāp ○ si caṇdrabhā ○ si chpo
{S19}   ṅ ○ si kaṇ’ā ○ ’ma laṃñañ ○ tai kaṇdrvaṅ ○ thve sre hauṅ ○ nu srethpoṅ tyak ○ ’aṃraḥ si vaṅā ○ si ’a
{S20}   mṛta [○] tai kaṇsruk ○ tai mālikā ○ tai sraṅe [○] thve sre vnek dlāy ○’a[ṃ]raḥsi caṃhek ○
{S21}   tai kaṃprvat ○ tai laṅgāy ○ thve sre jeṅ daṃnap ○ ’a[ṃ]raḥsi kaṇ’aṇ ○si sa’ap ○ tai pratika ○
{S22}   tai ’nāy ○ tai ka[ṃ]vrau ○ tai kaṃbhāt ○ thve sre pālayā ○ tai kanrat ○tai thleṃ ○ tai chke ○ thve saṃṅvey ○ ta
{S23}   mra dvaṅ cāñ ○ si thgāp ○ si kaṇ’as ○ si śrī [○] si ’amṛta ○ si dharmma○ si kañcyas ○ si taṅker ○ mra maḥ ○
{S24}   tai kaṇdhi ○ tai kanlot ○ tai kaṃvrau ○ tai kaṇso ○ tai saṃ’ap ○ taisubhādeva ○ tai saṃ’ap sot ○
{S25}   tai khmau ○ tai khsāy ○ tai raṃnoc ○ tai ka[ṃ]prvat ○ tai kaṃpit ○ taidaṃdip ○ tai kaṇ’as ○ tai kaṇhyaṅ ○
{S26}   thniṅ tai kañcāṇ ○ tai khnap ○ pattrakāra tai kaṇsyaṅ ○ dmuk varṣā taisurabhi ○ tai vraḥ prasāda ○ tai kanso ○
{S27}   tai prāṇa ○ tai saṃṛddhi ○ tai ○ phkā ○ tai kaṃpit ○ gaṅvāl ○ si taṅker○ chmāṃ chpār ○ si saṃ’ap ○ si kaṇ’ak ○ si phtal ○
{S28}   ’aṃraḥ ○ jaṅver ○ tai kaṇdhi ○ si thgap ○ tai kaṇ’ā ○ tai kaṇsrac ○ taikaṃbhāk ○ tai kansa ○ tai khmau ○ si kaṇ’ā ○
{S29}   si taṅku ○ tai sujāti ○ tai ratnaśrīya ○ tai kaṃvaḥ oy kaṃyār ○phsaṃm ’nak rṇṇoc 100 10 7 jaṃnvaṇ
{S30}   vrāhmaṇa ○ si muṇidāsa ○ vraḥ śāsana pre yājamāna kalpanā mimvāy’aṃraḥ ○ saṇtek je 1 liḥ 8 ○ lṅo liḥ
{S31}   5 ○ raṅvar mās 2 ○ taṇdula ta jā yajña sapp thṅā[y]thloṅ 2 ○ thuṇsantek hvap [○] jaṃmvuli ○ vadi ○ vadā
{S32}   phuri phurā ○ graleṅ ○ tila moda ○ kaṃpov ○ paramāṇa ○ kṣiradhamāya ○ rāya vaka ○ saṃṅor [○] neḥ to[y] rṇṇoc
{N1}   [s]iddhi ○ svāsti jaṃnvan chloñ vis nu tāñ steñ pañ nu tāñ steñ pit nu
{N2}   tāñ steñ rauv ta vraḥ kaṃmrateṅ ’añ śrī tribhuvanaikanātha ’āy
{N3}   jeṅ oṅ ○ si ’aṃmṛdubhāva trvac ○ si kaṃpiṅ grāmapāla ○ si thvas cāṃglaṅ ○ si ṇa
{N4}   rāya pek ○ si caṃhek cāp vṅe ○ si kansip mahāṇasa ○ si pavitramahāna
{N5}   sa ○ si kañjan mahānasa ○ taṃvey tai kaṃpañ ○ cañ si thgap ○ sikaṃvas ○ si thleṃ
{N6}   si tha’ek ○ pram tai kanrau ○ tai thmās rāṃ ○ tai tha’ek ○ tai kaṃvai ○tai chṅap ○ tai kan□ □ [○ tai] saṃ’ap ○ cāṃ
{N7}   glaṅ tai gandha ○ tai raṃnoc ○ tai sa’ap ○ tai pansvaṃ ○ tai kansrac ○tai kanses ○ tai
{N8}   tai kanteṅ ○ tai kantre ○ rmāṃ bhanni si cāpp ○ si ’aṅkāṃ ○ si kandeṅ○ toṅ si kan’āt ○ prāṅga
{N9}   dāsa ○ candravāra ○ dmuk varṣā ○ tai kaṃvet ○ tai kan’añ ○ tai dhara○ tai chne ○ tai kanso ○ tai kan
{N10}   nso so[t] ○ ’aṃraḥ si jīva ○ si kañces ○ tai kanso ○ tai saṃkau ○ taikañcu ○ ’aṃraḥ si thgot [○]
{N11}   si kañcu ○ si ’agat ○ tai kaṃprvat ○ tai chpoṅ ○ ’aṃraḥ si raṃnoc ○tai kaṃprvat ○ tai utpala ○
{N12}   tai paṇdau ○ ’aṃraḥ si kaṃpañ [○] si saṃ’ap ○ tai laṅgāya ○ taikaṃpit ○ tai prāṇa ○ neḥ sya
{N13}   ṅ ta thve sre pās diṅdeṅ ○ ’aṃraḥ si kanrau ○ si khñuṃ ○ si kañjā ○tai kañjaiy ○ tai ka
{N14}   njan ○ thve sre thpvoṅ tyak ○ ’aṃraḥ si khlāṅ ○ tai kaṃvai ○ taikaṃvai sot ○ thve sre pās diṅdeṅ ○
{N15}   ’aṃraḥ si panlas ○ si paṇdan ○ si kaṃvai ○ tai khmau ○ thve srepālayā ○ ’aṃraḥ si khnet ○ si kan’ak ○
{N16}   thve sre samādijana ○ chmā[ṃ]chpār ○ si kaṃvrā ○ si kanrau ○ sitaṅker ○ tai kañcān ○ tai kanhyaṅ ○
{N17}   tai duk vra[ḥ] vasana ○ tai thṅe ○ tai dharmma ○ tai kanso ○ taithnos ○ tai kañjir [○] ’me tai jvik ○ si saṃ
{N18}   vāra [○] si dharmma ○ si kanseṃ ○ ’aṃraḥ si mahendradāsa ○ sikaṃvut ○ si kaṃvai ○ si kaṃpañ ○ si ’amṛta ○ tai pandan ○
{N19}   thve sre thpoṅ tyak ○ si kaṃtrev ○ si caṃhek ○ si thge ○ si kañjos ○si daṃluḥ ○ si ’nāy ○ si thke ○ si ka
{N20}   n’i ○ si paṃnoḥ ○ tai kan’añ ○ tai chnāṅ ○ tai kanteṃ ○ tai pansvaṃ ○tai kansu ○ tai saṃ’ap ○ tai kalaṅ ○
{N21}   tai kanleṅ ○ tai kansaṃ ○ tai kañcu ○ tai kantṛp ○ tai tha’ek ○ taivrata ○ tai kansrac [○] tai ka
{N22}   pkep ○ tai khnop ○ tai kaṃvrau ○ tai kaṃprvat ○ tai kan’in ○ taikaṃpat ○ tai karmmadaya ○ tai ’nā
{N23}   y ○ tai kandeṅ ○ tai khdip ○ tai tavuy ○ tai khmau ○ tai saṃ’ap ○ taikanteṃ ○ tai paṃnoḥ [○] tai kaṃ
{N24}   prvat ○ tai chpoṅ ○ tai dharmma ○ tai kaṃpit ○ tai mandira ○ taigaṅgā ○ tai kan’u ○ tai kaṃpit ○ phsaṃ ’na
{N25}   k toy khnet 100 20 10 ○ kalpanā mimvāy’aṃraḥ ○ santek je 1 liḥ 8 ○lṅo liḥ 8 ○
{N26}   raṅvar mās 4 ○ vraḥ saṃvey sap thṅāy raṅko ta jā yajña ○ thloṅ 4 ○naṃ thun ○ santek hva
{N27}   p vadi ○ vadā ○ graleṅ ○ phuri ○ phurā ○ dhamāya ○ kaṃpau ○paramāna ○ kṣira [○] tila moda ○

{1}   gui neḥ □ndāna tāṅ ’añ

{Right side of lintel1} ’ājñā vraḥ kamratāṅ ’añ pra{Right side of lintel2} siddhigui neḥ ’aṃnoy poñ bhadrā{Right side of lintel3} yudha ’āy ta vraḥ kamratāṅ’a{Right side of lintel4} ñ śrī cakratīrtthasvāmi ○ kantai {South piédroit1} sattravraḥ kamratāṅ ’añ śrī cakratīrthasvāmi ple je kanlaḥ . . . . . {South piédroit2} . .. . . dik toḥ . . . . . {Section of north piédroit1} □ □ □ □ krel {Section of northpiédroit2} □ □ □ vek ○ droṅ {Section of north piédroit3} □ □ ple gui ○ droṅ vrai{Section of north piédroit4} kaṃluṅ gui ○ ge ta dap {Section of north piédroit5}gui ○ ge ta sak gui ○ {Section of north piédroit6} ge cmer ’ājñā ○ ge {Sectionof north piédroit7} daṇḍa ○ nivandha ge ta {Section of north piédroit8} utsavata pon {Section of north piédroit9} hvat ta gui cnaṃ ta mo{Section of northpiédroit10} yy ge jon ple jhe {Section of north piédroit11} ta vraḥ kamratāṅ{Section of north piédroit12} ’añ droṅ vaṅe ○ {A1-3} □ □ □
{A4}   □ □ □ rājya □ □ □ {A5-14} □ □ □
{A15}   □ □ □ ta rājya vraḥ pāda [īśvara]
{A16}   [loka] □
{A17}   [’ji yeṅ] mvay jmaḥ kamrateṅ ’añ śrī indra
{B1}   lakṣmī jā kamrateṅ ’añ svāminī ta agrani vraḥ pāda īśvaralo[ka] [nupha’van] [kamra]
{B2}   teṅ ’añ vindudeva purohita ai śrī jalāṅgeśvara ai śrī candanagiri □ □ □ □
{B3}   hāra nu chloñ śrī nivāsa ta purohita ai haripura ○ nu chloñ vāsu□ □ [tayāja]
{B4}   ka ai vrai dramvaṅ ○ nu chloñ devācyuta ta yājaka ai vrai dramvaṅ [tajā] [ku]
{B5}   le mātṛpakṣa coṅ prāsāda mvay paścima kaṃluṅ ekāśiti □ □ □ □ □ □[sthā]
{B6}   panā kamrateṅ ’añ nārāyana mvay jmaḥ kamrateṅ jagat □ □ □ □ [ta]
{B7}   rājya vraḥ pāda paramaśivaloka kamrateṅ ’añ vindudeva noḥ mok j□ □□ □ □ □ [ai]
{B8}   vnaṃ kantāl dār prasāda bhūmi uttara vraḥ aiś[v]ara jyak sthalā □ □ □cat sruk so
{B9}   mālaya viṅ jyak sthalā mvay sthāpanā vraḥ liṅga vraḥ viṣṇu vraḥbhagavatī ○ ta rājya vraḥ
{B10}   pāda rudraloka chloñ haṅsadeva ji mātṛpakṣa yeṅ gi ta mūla ○ ta rājyavraḥ pāda
{B11}   paramarudraloka paramaśivapada chloñ jayagrāma chloñ gaurīśapura’ji mātṛpakṣa
{B12}   yeṅ gi ta mūla jyak travāṅ chloñ ○ ta rājya vraḥ pāda vrahmalokaśivaloka
{B13}   loñ maheśvara chloñ janāddana ’ji mātṛpakṣa yeṅ gi ta mūla ○ ta rājyavraḥ pā
{B14}   da paramavīraloka loñ vijaya ’ji mātṛpakṣa yeṅ sarvāyudhādhipati vraḥ
{B15}   pāda paramavīraloka pre phjal nu krapi jnaḥ kāp mvay toṅ tāc cuñ □ □□ □ □
{B16}   krapi vraḥ karuṇā oy jmaḥ vraḥ kamrateṅ ’añ śrī vīraparākrama oyprasāda
{B17}   bhūmi chmāṃ phdaṃ ai vnur gāl nā varṇṇa pañcāṃ kanmyaṅ paṃrejā senāpati ○ ta rājya [vraḥ pā]
{B18}   da paramanirvvāṇapada vraḥ kamrateṅ ’añ śrī kavīśvarapaṇḍita ’jimātṛpakṣa [ye]
{B19}   ṅ mān śīla pañcarātra ghṛ[t]āhāra jā guru tapovana pvan ’anle aiīśvarapura ai
{B20}   śivapura ai śrī sūryyaparvvata ai śrī jalāṅgeśvara ○ sthapanā vraḥbhagavatī mvay nu 9
{B21}   25 śaka mvay ’anle nu kamrateṅ jagat kanmyaṅ kaṃluṅ prāsāda aivnur ○ cat
{B22}   sruk somālaya ta śūnya sthāpanā vraḥ liṅga mvay ○ vraḥ kamrateṅ ’añśrī ka
{B23}   ṇthapaṇdita ’ryāṃ sahodara vraḥ kamrateṅ ’añ śrī kavīśvarapaṇditaprājña dharmma
{B24}   śāstra ’adhyāpaka ai śivapāda dār prasāda bhūmi ’amita ta śūnyamūlacat caṃna
{B25}   t 10 2 sthāpanā vraḥ liṅga vraḥ bhagavatī ○ kamrateṅ ’añ jātivindu’ryāṃ cpo
{B26}   ṅ vraḥ kamrateṅ ’añ śrī kavīśvarapaṇdita dār prasāda bhūmi jeṅ chdiṅkaṃluṅ vrai
{B27}   saṅ gol nu 925 śaka cat caṃnat 1 chloñ govinda kanmvay vraḥkamrateṅ
{B28}   ’añ śrī kavīśvarapaṇdita sthāpanā vraḥ candi samrit 1 kamluṅ prāsādakamrate
{B29}   ṅ jagat govinda jvan khñuṃ jvan jeṅ sre kandvāra ○ vraḥ kamrateṅ’añ vīravarmma pha’vansa
{B30}   hodara ch[l]oñ govin[d]a dār prasāda bhūmi ransi daśa nu 928 śakacat caṃnat 1
{C1}   dār prasāda bhūmi viṣṇvālaya saṅ gol 929 śaka cat sruk viṣṇvālayasthāpanā vraḥ liṅga dvihasta ○ vraḥ kamrateṅ ’añ śrī kavīśvarapaṇditaplass[vraḥ]
{C2}   guru ta vraḥ pāda kamrateṅ ’añ paramanirvvāṇapada gāl nā varṇakarmmāntara ○ ta rājya vraḥ pāda nirvvāṇapada vraḥ kamrateṅ ’añ śrī
{C3}   kavīśvarapaṇdita jā mantri sa□ □ gāl nā varṇa noḥ ’nau dār prasādabhūmi teṃ jrai bhūmi stuk yu bhūmi stuk raṃtyaṅ □ □ ai □ □ sāṅ gol nu 9□□
{D1}   śaka cat caṃnat 2 ○ ta rājya vraḥ pāda sadāśivapada vraḥ kamrateṅ ’añśrī vāgīśvarapaṇdita ’ji mātṛpakṣa yeṅ cau vraḥ kamrateṅ ’añ śrī kavī
{D2}   śvarapaṇdita jā hotā ta ’agra ta vraḥ pāda sadāśivapada jā gurukamrateṅ ’añ śrī harṣalakṣmīdevī cat caṃnat śrī kamvujakṣetra sthāpanā vraḥ
{D3}   liṅga dvihasta jmaḥ kamrateṅ jagat śrī bhadreśvaranivāsa prvat gol tabhūmi sap ’anle sthāpanā praśasti sthāpanā vraḥ ratnaliṅga ’nau kamrateṅ ja
{D4}   gat śrī jalāṅgeśvara jvan khñuṃ jvan jeṅ sre tra□ □ □ sāṅ prāsāda aipuvac dār prasāda bhūmi travāṅ īśvara kaṃluṅ vrai jā dakṣiṇā saṅ gol nu 995śaka ca
{A1}   t caṃnat 1 vraḥ kamrateṅ ’añ divākarapaṇdita ’ryāṃ sahodara vraḥ
{A2}   □ □ □ □ □ □ □ □ □ gāl nā varṇa karmmāntara □ □ □ {A1-2} □ □ □ □ □ □[kamrateṅ]
{A18}   jagat śrī bhadreśvara[nivāsa]

{1}   924 śaka nu vraḥ kamrateṅ ’añ bhagavan ṇāma vraḥ kamrateṅ ’añ śrī prathi
{2}   vindrapandita sruk ’āy ramani thvāy śrī bhadreśvarāśrama ○ ta vraḥ pādakamrateṅ kaṃtvan
{3}   ’añ śrī sūryyavarmmadeva ○ kalpanā ta dau liṅgapūra liṅgaśodhana ○ ti vī 10 2gomaya vī 10
{4}   2 lṅo je 1 santek je 2 svai je 1 vacā jyaṅ 1 vraḥ curu liḥ 2 pratidina khñuṃ 5bhūmi man
{5}   jauv nu padigaḥ jyaṅ 5 bhājana jyaṅ 5 mvāy śata vroḥh prāk 6 nu dukliṅgaśodhana
{6}   bhājana nu dut mvāy ○ prāk nu duk kruc mārgga 1 svok 1 kathor 1 neḥ kalpanā’āy kamra
{7}   teṅ ’añ liṅgapūra ○ kalpanā ’āy kamrateṅ jagat śrī jalāṅgeśvara ○ vraḥ curu pūrvvā
{8}   ḥhna liḥ 1 maddhyāhna vraḥ curu liḥ 2 ti taṃtāṃ nu cat sneha ○ vraḥ yajña liḥ 4’aparāhna vraḥ caru
{9}   liḥ 1 saṅkrānta je 1 bhikṣā ’ācāryya ta ’aṅgvay ta ’āśrama liḥ 1 vraḥ vleṅ liḥ 1sarassuti li[ḥ] 1 vraḥ
{10}   bhikṣā caturmmāsa liḥ 1 ○ bhūmi jaigrāma ti duñ nu vaudi piy padigaḥ vyar taloñ sat mūla paṃcāṃ
{11}   bhūmi thkval it ti khloñ vala kaṃluṅ kaṃveṅ ta jmaḥ loñ bhīma oy dakṣiṇāsthāpaka ○ bhūmi travā
{12}   ṅ rek ti khloñ vala kaṃluṅ kaṃveṅ oy dakṣiṇā phle yajña teṅ tvan kaṃluṅkaṃveṅ ○ bhūmi ca
{13}   ndranan ti teṅ tvan vraḥ ’aṅkoñ oy dakṣiṇā man nāṃ cval ’āy liṅgapūra ○ bhūmivijayeśvara ti vraḥ pā
{14}   da kaṃmrateṅ kaṃtvan ’añ śrī sūryyavarmmadeva oy vraḥ karuṇāprasāda presthāpaka vraḥ viṅ ○ saṃ gaṇa nu
{15}   kaṃmrateṅ jagat liṅgapūra ○ neḥ vijayeśvara punya vraḥ kaṃmrateṅ ’añ śrīvijayendravarmma ta gurujana vraḥ
{16}   pāda sūryyāga śivapada ○ ta pandval pi oy prasāda vraḥ kaṃ[mra]teṅ ’añ śrīsamarādhipativarmma ta pratyaya
{17}   mratāñ khloñ bhavapūra ○ bhūmi bhavasthāna ti oy dakṣiṇā sthāpakat[a] duñbhūmi noḥ sot nu pa
{18}   padigaḥ jyaṅ 5 ta loñ sān bhavasthāna ○ tai kansoḥ ti duñ nu canlyak yau 10prāk liṅ 4
{19}   ti duñ ta loñ śaktiśiva paṃcāṃ kraloṅ ○ tai sralit ti khloñ vala trvac paṃcāṃ sruk’āy
{20}   kaṅke gi ta oy ○ tai gañjū [ti] loñ vās vīragrāma paṃcāṃ daśādhikṛtta oy ○ taikañjā
{21}   nu gho kansrāc ti khloñ vala khloñ srū oy ○ tai kaṃvai ti duñ nu padigaḥ jyaṅ 5ta teṅ
{22}   tvan dvāravati ti jmaḥ teṅ dharmma ○ tai kaṃprvat ti teṅ tvan dvāravati oydakṣiṇā sthāpa
{23}   ka vraḥ kaṃmrateṅ ’añ parameśvara ○ tai kaṃvai ti duñ nu padigaḥ jyaṅ 6 ta loñ
{24}   ’ap dvāravatī ○ tai gaṃprvat sot ti loñ vās salā oy dakṣiṇā thve yajña teṅ
{25}   tvan vnur jās ○ tai paṅhāṅ ti teṅ tvan vnur jās oy dakṣiṇā phle thve yajña
{26}   khloñ vala parohita ○ tai ulikk ti loñ ’ap o[y] dakṣiṇā sthāpaka nā vi
{27}   dyāvīraloka ti oy viṅ ta vraḥ noḥ ○ kvan noḥ mvāy jmaḥ kan’in ti
{28}   pre res raṅko ’āy vnaṃ ○ ’me kaṃvis nu kaṃviss ti duñ nu vaudi 1 jyaṅ 5 kadā
{29}   ha mvāy jyaṅ 5 ta yā loñ jū ramyāgrāma ○

{1}   925 śaka gi nu vraḥ tmo vvak ’āmātya driṅ jauv bhūmi lveṅ tva
{2}   [ṅ] vl □ □ □ ta vāp ju nūv kaṃvaṅ ryyap saṅ ’āśram
{3}   [ta gi] duk caṃnāṃ kalpanā ta kaṃmrateṅ jagat
{4}   śrī jalāṅgeśvara saṅkrānta raṅko je 1 pratidina liḥ 1 thlvaṅ □
{5}   sre [u]pāya[noḥ] raṅ[k]oliḥ 2 sre stuk mū □ □ □ prati
{6}   dina liḥ 2 bhūmya □ □ [dep] saṅ gośālā duk thpal
{7}   [ta gi sa]ṅ chpār kalpanā vraḥ kriyā bhojana dadhi mās □
{8}   kṣīra mās 1 ghṛta ’var 3 neḥ nā vraḥ vleṅ // yajña vraḥ phle
{9}   liḥ pañcayajña ’akṣa[ta] ’var 1 lāja ’var 1 yava ’var 1 □
{10}   □ ’var 1 mudga ’var 1 saṅkrānta je 1 khñuṃ ta thve caṃnāṃ kalpa
{11}   [nā] tai tīrtha kvan si gh □ □ nta si □ □ tai kantha □ □

{1}   oṃ namaśivāya 903 śaka pañcamī
{2}   nau ’nak ta vvaṃ thve to
{3}   y kalpanā □ □ □ □ roḥ ta gi praśasta ta ti kamrateṅ ’añ
{4}   vraḥ guru paṅgaṃ thpvaṅ nivedana paṃnvas ta khloñ ni dau kathā vyavahāra’anrāy
{5}   vraḥ sabhā pi kaṃsteṅ ’añ rājakulamahāmantri stap vyavahāra pi ni
{6}   rṇnaya toy doṣa ’nak ta ’ājñālaṅgha nai kamrateṅ pdai
{7}   ta karom

{8}   ’aṃnoy tāṅ [vi]dyādeva vā ta gui ’āvāsa kñuṃ □ ku srī | ku raṃnoc vraḥ | ku ’avai[| ku]
{9}   □ □ □s | ku tpeñ | ku śraddhā | ku sanmal | ku paṅhaṅ | vā tjeṅ | tmur dneṃ [4]
{10}   [toṅ teṃ] □ □ □ slā teṃ 80 sre moy sanre 1 pramāṇa mahātmad □ □

{7}   ’aṃnoy mratāñ īśānapavitra ta kpoñ kaṃmratāṅ ’añ sre jeṅ sruk ’aṃ
{8}   noy tāṅ ci pa’añ jnāhv gui canlek yugala yau 2 vlaḥ 1 sre man jāhv ’aṃvi ta vraḥ
{9}   kaṃmratāṅ ’añ kaṃmratāṅ sruk nā jlaṅ k’ol ’aṃruṅ gui mā je 2 srū man dār jnā
{10}   hv gui tloṅ 10 dmār gui poñ śveta srū man dār sin tloṅ 10 dmār gui poñ cpoṅp[o]
{11}   ñ vreṅ canlek yugala yau 1 ’amval yau 1 dmār gui poñ rtu canlek yugala sin
{12}   yau 1 dmār gui poñ somavin poñ śubhaṅkara sre sin panlass neḥ sre nā jlaṅ
{13}   k’ol mā je 2 ○ sre vnāk srahvan tloṅ 1 sre ’aṃnoy poñ syāṃ je 2 jnāhv
{14}   gui canlek ’a[ṃ]val yau 1 vlaḥ 1 sre ’aṃnoy poñ guṇadeva tloṅ 1 jnāhv gui
{15}   canlek yugala yau 3 ’aṃval yau 1 sre ’aṃnoy poñ yuṅ tloṅ 1
{16}   jnāhv gui canlek yugala yau 1 ’aṃval vlaḥ 1 srū tloṅ 3 je 2 sre stu
{17}   k tlos ’a[ṃ]noy poñ laḥ ’añ tloṅ 2 jnāhv gui prak so liṅ 1 klo
{18}   ñ jhe vraiy oy gui noḥ sre sot ta vrah kloñ dār ṇibha canla
{19}   kk droṅ poñ śivacandra kon kloññ ’aṃval yau 1 vlaḥ 1 tmur phem 1 srū
{20}   tloṅ 3 poñ mano dār canlek ukk yugala yau 1 tmeṅ gui man gui
{21}   noḥ sre tel oy ta vraḥ poñ rudrabhava sre ’aṃnoy poñ
{22}   ’ap ta vraḥ je 2 jnāhv gui canlek ’aṃval vlaḥ 1 sre ’aṃnoy ’ācā
{23}   ryya dharmmaśuddha ta vraḥ je 1 sre ’aṃnoy poñ vidyākumā[ra ta] vraḥ
{24}   je 2 sre praṅ kantāl tloṅ 1 ○ piṇḍa gui sre tloṅ 9 je 1 ○