Found 2988 results
Type:
Any
Place:
Any
Form:
Any
Material:
Any
Language:
Any
K.757 Door jamb of Vằt Bànak

Author: RAS SIDDHAM Team

{18}       sre dhanvari sare 1 sre teṃ kroc sare 1 pāda sre man 
{19}   hv ta poñ j[ñ]ānavin ’āy piṅ mās 1 sre man jāhv ta poñ bhava
{20}   kīrtti pāda sre ’ācāryya viṣṇudeva ’āy tarañ pāda

Community: Khmer epigraphy
Uploaded on November 6, 2017
January 15, 2021
K.756 Marker of Sraṅ

Author: RAS SIDDHAM Team

{1}   gol lveṅ phdāṅ

Community: Khmer epigraphy
Uploaded on November 6, 2017
January 15, 2021
K.755 Buddha of Vằt Čhnaḥ

Author: RAS SIDDHAM Team

{1}   . . . ku stoṅ | kon ku cān | ku kaṃno | kon ku juṅ kloñ | va tkir | ku taktek | ku yi ’āy | ku ptoy | va kandin | ku kaṃpoñ | kon ku va sa’āp | ku ’androk . . .
{2}   . . .  | kon ku klapit | cau ku ku ’aṃpic | ku tyeṅ | ku vaḥ jin [|] kon ku va kantyar | va tvau | gi neḥ t[a] roḥ [neḥ] kñuṃ vraḥ h   ta kñuṃ vihāra . . .

Community: Khmer epigraphy
Uploaded on November 6, 2017
January 15, 2021
K.754B Stele of Kôk Svày Ček

Author: RAS SIDDHAM Team

{1}   1230 śaka navamī ket puṣya ’ādityavāra ’aśv[i]nīna
{2}   kṣatra pāda vyar ti srac tṛtiya gi nu vra[ḥ] karuṇā ta paramapavi
{3}   tra  vraḥ pāda kamrateṅ ’añ śrī śrīndravarmmadeva 
{4}   pre cār śīlāprasaṣṭa śāka ta gi sru[k] ’aṃcau sruk cuṅ chdi
{5}     jeṅ nala triṇi jau oy sruk snoṅ oy nāma sru
{6}   k śrī śrīndraratnagrāma pre kamrateṅ ’añ śrī māliniratnalakṣmī
{7}   vraḥ thniṃ saṃrac vihāra saṃniṅ jyak ’añcan danle 1230 śaka ṣṭhā
{8}   paka vraḥ vuddha kamrateṅ ’añ śrī śrīndramahādeva prasāda ta ma
{9}   hāsvāmī thera śrī śrīndramaulīdeva  saṅkalpa paṃre ta kamrate
{10}    ’añ bhikṣusaṅgha phoṅ | sruk jaṃnvan ta paṅgan saṃrap vraḥ vu
{11}   ddhayajña sruk daṃdāṃ caṃnat gok vakula gok saṃlāñ sre
{12}   bhūmi pansaṃ noḥ paṃre dina raṅka liḥ prāṃ || sre kamrateṅ ’añ
{13}   ta siṅ pratipakṣa jaṃ praṃ pīy kaṃluṅ sruk śrī śrīndraratnagrāma | ta
{14}   caṃ’in vraḥ vuddhayajña tai lakṣmī pêḥ vṅya ya phlāṅ paṃre śī lān | ta
{15}   thve vraḥ vuddhapūjā śī gaṅgāśarmma tai sukharatna ’ātmaja śī   tai
{16}   phsāy mvay kṣīrāyata mvay  kīrāta groṅ phsaṃm praṃ piy 
{17}   go canmat go kryav dnyaṃm praṃ piykrapī  jmol dnyaṃm vyar 
{18}   mvay  saṅkha sukla vyar ’arddhasaṅkha saṃrit mvay ’arghyapādya varddhiṇī phsaṃm pvan 
{19}   kalasa sraṅ mvay teṃ phlāṅ prāk mvay kaṭaka modarī prāk saṃrap mva
{20}   y gandī trapū mvay kamandalu saṃrap mvay bhājana laṅgau mvay jeṅ pa
{21}   nsaṃ kosa trapū pvan greṅ vyar tyal vyar pan’èṅ mvay javanikā mva
{22}   y kusumbha vyar thāna ruṅ vyar sgar mvay tāla chanda pansaṃ sre bhūmi
{23}   caṅvat sruk roḥ ta ṭīkā | pūrvva prasap gol | ’āgneya prasap go
{24}   l [|] dakṣiṇa prasap gol [|] naiṛtiya prasap gol [|] paścima prasap
{25}   gol [|] vāyavya prasap gol [|] uttara prasap gol [|] īsānya prasap gol  neḥ sruk ’aṃcau  vraḥ śakti kamrateṅ ’añ suvarṇnali
{27}   ṅga phtyaṅ ni pre jau nu thās cha’in liṅ piy oy sruk lun snoṅ
{28}   sot sruk daṃdāṃ caṃnat pansaṃ  vraḥ sruk saṃṛddhipura phtyaṅ ni pre o
{29}   y sruk kabakabhāga viṅ snoṅ sruk cuṅ chdiṅ phtyaṅ ni pre oy
{30}   sruk vraḥ īt viṅ snoṅ  thve vruḥ raṅka ta gi . . .
{31}   śi khdit sot phsaṃ . . .

Community: Khmer epigraphy
Uploaded on November 6, 2017
January 15, 2021
K.753 Door jamb of Pràsàt Ak Yoṃ

Author: RAS SIDDHAM Team

{1}   626 śaka pañcamī . . .
{2}     mratāñ k . . .
{3}    gi sre ’aṃnoy mra . . .
{4}   ta vraḥ kaṃmratāṅ ’añ . . .
{5}   daṅ gi pdey karoṃ . . .
{6}   gi svāy kaṃluṅ gi . . .
{7}   kaṃmratāṅ ’añ śrī ca . . .
{8}     sa ’añ
{9}   ge ta daṅ pre . . .
{10}   ta vraḥ kaṃmratāṅ [’añ]
{11}   yudheśvara . . .
{12}   nra gi brahmatyā . . .
{13}   nya mratāñ  y . . .
{14}   bhoga daṅ vraḥ kaṃmratāṅ [’añ]. . .
{15}     ge 
{16}   
{17}   ’nak klo[ñ] 
{18}   drai tri 
{19}   
{20}   kumāra  {21-2}  sre ’aṃno[y]. . . moy . . . . . .

Community: Khmer epigraphy
Uploaded on November 6, 2017
January 15, 2021
K.752 Inscription of Pràsàt Ak Yoṃ

Author: RAS SIDDHAM Team

{1}   923 śaka mvāy ket ’āśuyujya ’ādityavara citraṛkṣa neḥ jaṃnvan steṅ ’añ thve tapaḥ ta vraḥ kaṃmrateṅ śrī gambhīreśvara

Community: Khmer epigraphy
Uploaded on November 6, 2017
January 13, 2021
K.749 Door jamb of Pràsàt Ak Yoṃ

Author: RAS SIDDHAM Team

{1}   59[6] śakaparigraha
{2}   moy ket ’āṣādha śanaiścaravāra punarvvasunakṣa
{3}   tra nu mratāñ kīrttigaṇa kalpita satra ’āy vraḥ kaṃ
{4}   mratāṅ ’añ śrī gambhīreśvara // jmaḥ ta kantai | tai
{5}   k  l             [ra]ṅko  liḥ // tmur pa
{6}   ai radeḥ // tmur             1 canlek
{7}                     mratāñ
{8}   kīrttigaṇa tāñ dra□ryya jmaḥ □ṇḍ□    □ryya  ’anrokk jmaḥ
{9}   k  gi ta rakṣā neḥ kalpita mratāñ kīrttigaṇa ’ā
{10}   y ta vraḥ kaṃmratāṅ ’añ śrī gambhīreśvara //
{11}   kñuṃ mratāñ kīrttigaṇaman oy ta ge kvan nu ge paṃre ’āy ta vraḥ kaṃmratāṅ ’a
{12}   ñ śrī gambhīreśvara man oy ta harigaṇa kñuṃ tai ku ’me laṃvaṅ | ku   
{13}   kanroy | man oy ta harivāhana gho  srac ta bhāgya | man oy ta tāñ
{14}   gāy kñuṃ tai praton | neḥ upāya nu ge kvan mratāñ kīrttigaṇa paṃ
{15}   re ai ta vraḥ kaṃmratāṅ ’añ śrī gambhīreśvara

Community: Khmer epigraphy
Uploaded on November 6, 2017
January 13, 2021
K.748 Door jamb of Vằt Vihãr Tràñ

Author: RAS SIDDHAM Team

{5}   ple śā[lā] ku    ku tāñ  ku ’a□s    [t]a vraḥ
{6}   ku vraḥ   tāṅ  ku kdep  ku ’aṃval  ku poñ vamā  
{7}   ku vrau  ku poñ tāṅ piṇḍa ple śālā 10  p[l]e   
{8}   □n kon ’naṅ va pa’añ  ku □iśā [○] ku □ñ    
{9}   kantri ku ye tāṅ  caṃdak va kantrāṅ ku duṅ     
{10}   vña ku □au  va kdec va □ḥ pau pi  ku □pit      
{11}   kantak va □dā ku tpoñ so ku □ñjarī      
{12}   jīvadeva  va tvau  va pañcama  va riśarmma va kan’ās va
{13}   lṛhv va tmat ku mra□ṅ kon ku pau tai va kl      
{14}   rmmadeva kloñ mratāṅ kon kloñ mratāṅ      
{15}   canmat 20-3 ksor 20-10 lāṅ 20 1       
{16}   [toṅ] teṃ 20 [slā] [t]eṃ 20-2

Community: Khmer epigraphy
Uploaded on November 6, 2017
January 13, 2021
K.741 Door jamb of Kŭk Pràsàt

Author: RAS SIDDHAM Team

{1}   916 śaka dvādaśī roc ’āśva[yu]ja śanaścaravāra nu trā pra[śasta neḥ]
{9}   koṣa 1 vilvyal [1] vudi 1 padigaḥ 2 vat 1 graloṅ tai 2 svok 2 khāl 1
{10}   suti 2 nu slā vluk 1 k[l]uy 1 kinara 1 chko 1 tula 1 laṅgau saṃrāp tai
{11}   y 1 krapi 3 khñuṃ si kantur si sarac si kaṃphal si kañcrok
{12}   si tiṅker  tai bhava tai kaṃpañ tai bhadra tai kaṃpur
{13}   tai kansān tai pandan  || neḥ gi ’aṃpal devadravya nu khñuṃ
{14}   nau ge lopeya neḥ dau  ta dvātri[ṃ]śanarakk nau
{15}   ge ta vardheya gi dau sthit ta svārga || sre vār paryyaṅ pvan
{16}   jaṃhvatt ti khloñ vala duñ ta  khen ti jvan ta vraḥ kaṃ
{17}   ste[ṅ] ’añ śivaliṅga sre ti pūrvva thnal ti khloñ vala
{18}   duñ ta loñ vidyāśiva ti jvan ta vraḥ kaṃsteṅ
{19}   ’añ śivaliṅga sre ti utara vraḥ prasap dharmmā
{20}   laya jaṃhvat piy ti jvan ta vraḥ kaṃsteṅ ’añ
{21}   śivaliṅga

Community: Khmer epigraphy
Uploaded on November 6, 2017
January 13, 2021
K.742 Door jamb of Kŭk Pràsàt

Author: RAS SIDDHAM Team

{1}   916 śakk dvādaśī roc ’āśva[yu]jj sanaścaravā
{2}   ra nu trā praśasta neḥ || vudi 2 padigaḥ 1 svo
{3}   k 4 graloṅ tai 1 khāl 2 suti 1 canhvā
{4}   r 2 valvyal 1 vat 1 tām[r]adrava 1 kinara [1]
{5}   chko 1 tula 1 tai 1 sau  1 krapi 3 khñuṃ vraḥ
{6}   si taṅker si slācra si prakat si saṃ’ap
{7}   si th’yak si kaṃvrau tai ’gat tai kaṃpit tai
{8}   kan’ā tai kaṃpin || neḥ gi ’aṃpal deva
{9}   dravya phoṅ nu khñuṃ nau ge ta lopeya neḥ
{10}   dau  ta dvātri[ṃ]śanaraka nau ge ta vardhe
{11}   ya gi dau sthita ta sv[arga] ||

Community: Khmer epigraphy
Uploaded on November 6, 2017
January 13, 2021
K.736D Stele of Vằt Slà Ku

Author: RAS SIDDHAM Team

{1}      □nd□vrāla ti uttara gi                    [vraḥ]
{2}   [kaṃsteṅ] vāgindrapandita chkā vrai thve devasthāna cat sruk duk [kh]ñu[ṃ] [ta gi]        
{3}     ta viṣṇu yathāvidhi thve tapovaṇa cāṃ varṣā tapasvi ta gi  duk jmaḥ vā[gindrapattana]
{4}      bhūmi vraḥ ’aṃvil phoṅṅ  man tapasvi vraḥ ’aṃvil thvāy saṃnvat oy ta [vraḥ kaṃ]
{5}   steṅ śrī vāgindrapandita  pi mān vraḥ karuṇā roḥh neḥh  pandval ta sabhāpati  [vraḥ]
{6}   [aṃ]vil thvāy saṃnvat pi oy vraḥ noḥ nu bhūmi noḥh ta vraḥ kaṃsteṅ śrī vāg[indrapandita]
{7}   dau śodhe ’amruṅṅ bhūmi noḥ saṅ gol oy ta vraḥ kaṃsteṅ śrī vāgindrapandita [toy iṣṭi ta]
{8}   tapasvi vraḥ ’aṃvil  ti oy śapatha puruṣapradhāna noḥ phoṅ ta kāla noḥ ukk [puruṣapra]
{9}   dhāna phoṅ syaṅ ta śapatha vol caṅvātt bhūmi vraḥ ’aṃvil nāṃ vraḥ sabhā dau saṅ gol    
{10}   oy ta vraḥ kamrateṅ ’añ śrī vāgindrapandita roḥh vraḥ ’ālakṣaṇa

Community: Khmer epigraphy
Uploaded on November 6, 2017
January 13, 2021
K.735 Inscription of Phum Kantôk

Author: RAS SIDDHAM Team

{1}   856 śaka
{2}   nu mratāñ kuruṅ bhakt[i]vi[kra]
{3}   ma jvan kñuṃ vāp dīrghāya
{4}    ta tval ’anrāy  [oy]
{5}   ta vraḥ kaṃsteṅ ’añ nu srukk
{6}   nu sre nu phnaṅ 1 chatra 1 raṅko liḥ 3
{7}   gho saṃ’ap gho maṅgala
{8}   gho śripurṇa tai panlas tai
{9}   kaṃprvat tai kaṃpit tai
{10}   bhava k[v]ann tai ka   k
{11}   tai grāsa iss kule phoṅ
{12}   syaṅ ta jvan ta . . . . . . .

Community: Khmer epigraphy
Uploaded on November 6, 2017
January 13, 2021
K.728 Inscription D.56 of the Musée de Phnom-Penh

Author: RAS SIDDHAM Team

{1}   ’aṃnoy bhagavat kloñ pañcarā ta vraḥ śrī bhadreśvara kñuṃ ta si  kañjuṅ ta kantai ku ’gār
{2}   ku kañjir sre mās 7 tmur dneṃ 7 ka’ol ple sru 1 droṅ vrahh doṅ gi ’āśrama ai pañcarā gi mi
{3}   śrabhoga ta vraḥ kamratāṅ ’añ vravok kaṃluṅ kuḍya ukk gi ’āyakta ta paṃnos ta pjuḥ vraḥ kamratāṅ
{4}   [’añ] vravok ge ta sak gi ge ta caṃlāk gi lāṅ vraḥ ’avicīnaraka mahāraurava raurava kumbhipāka vai
{5}   taraṇi kālasūtra taptaka druma vāluka ’aśītimukha gi  ge tel kaṃvoṅ doṅ ge pitāmātā ge
{6}   ’aṃnoy    …….

Community: Khmer epigraphy
Uploaded on November 6, 2017
January 13, 2021
K.726 Stele of Tằṅ Kraṅ

Author: RAS SIDDHAM Team

{A3}   ta gi rājya vraḥ kamratāṅ ’añ ta dau svarga śivapura kāla gi sre tel
{A4}   jāhv sre ’aṃvi ta dharmmaj[ñ]āna kvuṅ tvaḥ bhadracan tpāp īśvaraśānti kloñ
{A5}   sruk hastipādarakṣa dau ukk daṅ kumāraśīla ktāṃ ktoc   s ge
{A6}   sanme ni pañjāhv gi sre ai teṃ hvar pareṅ teṃ mahānavamīy jnāhv gi
{A7}   srū mūlya gi prak taṃliṅ 10 sre ai ñeṅ travaṅ devaśīla jnāhv gi 
{A8}   lya prak taṃliṅ 5 yugala yau 1 dep ge crip ti ple jon ta vraḥ kamratāṅ
{A9}   ’añ śrī bhogeśvara daṅ gi sre ñeṅ travaṅ padmodbhava tel ge pañjāhv
{A10}   teṃ kāryya saṃpol strī jnāhv gi srū mulya prak taṃliṅ 5 dep ge jo
{A11}   n gi ta vraḥ sot sre ’aṃvi ta yuddhāpramukha candradeva kmau kaṃmnat [da]ṅ ge
{A12}   pādamūla ta pañjāhv gi teṃ satra vraḥh mulya gi taṃliṅ 4 sre
{A13}   ’aṃvi ta kumāraśaṃbhu makara sumitrā tvar tel ge pādamūla pañjāhv nu pto
{A14}   c ’ājyaśeṣa ta vraḥ tel ’nak loc nusru jnāhv gi mūlya prak taṃli
{A15}    5 sre ai ñeṅ stuk trāc ’aṃvi ta bhadrakīrtti bhadraśānti bhadracan
{A16}   mādhava tvaḥ kumāranan kvuṅ dharmmavira ge sanme ni pañjāhv gi oy satra
{A17}   vraḥ kloñ ge sru jnāhv gi mūlya prak taṃliṅ 1 sre ai ñeṅ travaṅ tmaṅ ma
{A18}   n ge pādamūla pañjāhv teṃ satra vraḥh jmahge kandes kulabhakti kula
{A19}   □□ bhavarakṣa viśeṣagup vāladat valaśakti candrasena bhā śakti ge
{A20}   . . . . . . . . . . . . . . . . [taṃ]liṅ 10  yugala yau
{B1}   sre ai canhor tāṅ ci vrau ’aṃvi ta poñ □□□p□□□□□□
{B2}   datta kandān kloñ dra ta’aṅ ge saṃ ni pañjāhv gi te[ṃ] □□□□□□
{B3}   srū jnāhv gi mūlya prak taṃliṅ  [sre] ’aṃvi ta □□□□□□
{B4}   śvara kloñ kcan ge saṃ ni pañjāhv gi teṃ satra vraḥ [sru jnāhv]
{B5}   gi prak taṃliṅ 4 sre ’aṃvi ta poñ vidyācann daṅ poñ □□□□□
{B6}   pta ge saṃ ni pañjāhv gi sru 40 1 yugala yau 1 sre ’aṃvi [ta]   
{B7}   ñ dharmma   sru jnāhv gi mūlya prak taṃliṅ 4 yugala yau 1   [sre]
{B8}   ’aṃvi ta poñ īśānagupta vid[yā]acan vinayaśānti kloñ daṃ vinayagu[pta]
{B9}   pravaranan kantāṅ ge saṃ ni pañjāhv gi srū 100 tloṅ 7 yugala yau 1  
{B10}   ’aṃval yau 1 santān je 2 dep ge dau crip ti ta gi ple jon ta vraḥ po[ñ] jnā
{B11}   hv gi karoṃ tnal sruk ’aṃval yau 3 sre ai kaṃvṛs jnāhv gi sru 80 ’aṃ
{B12}   val yau 3 yugala yau 10 1 tmur jmol pandan 1 sre ai muṃ tnal srū jnāhv
{B13}   gi tloṅ 10 5 yugala yau 2 sre ai ñeṅ travaṅ damī jnāhv yugala yau 1
{B14}   sr[ū] t[l]oṅ 10 1 sre ai kaṃvaṅ ’cās srū jnāhv gi 80 tloṅ 10 3 yugala yau
{B15}   □□□□□□□□□ poñ īśānagupta vinayaśānti vid □□□□□
{C1}   sre [ai] hañ rmmeṅ ’aṃvi ta bhā puruṣaśīlacan p 
{C2}   ma   r  rudravin kansuṃ ge saṃ ni pañjāhv gi
{C3}   teṃ satra vraḥ svayaṃbhu srū mūlya gi prak taṃliṅ 10 2
{C4}   yugala yau 1 sre ai kaṃvaṅ īśānaśarmma ’aṃvi ta
{C5}   bhadrakīrtti kumāranan stuk dharmmavīra mādhava bhadra
{C6}   śānti prasahya durmmada □□□□□□□□ ge saṃ ni
{C7}   pañjāhv gi teṃ kāryya [kñuṃ] ple jnāhv gi mūlya gi
{C8}   srū prak taṃliṅ 10 2 kñuṃ vnāk poñ yajamāna
{C9}   dai klaḥ ra tel oy ta ’āśrama klaḥ ra tel oy
{C10}   [ta] vraḥ jmaḥ ge  viśeṣananta |  trayodaśī |
{C11}    tpit |  tvin | ku kaṃ□hv | ku ’nāda | ku kaṃ□
{C12}   p | ku □□k | gi tel oy ta ge kon ta ’nak
{C13}    nu caṃ ta vraḥ kamratāṅ ’añ śrī bhoge
{C14}   śvara kñuṃ vnāk kloñ yajamāna ni□ ku psap |
{C15}   ku kandāp | ku śi□□rmma | ku ’ras [| ku] □□□
{C16}   ñ |  navamī |  daśamī |  □□□□□□□□
{C17}   …..

Community: Khmer epigraphy
Uploaded on November 6, 2017
January 13, 2021
K.724 Inscription of Thăm Lekh

Author: RAS SIDDHAM Team

{1}   kaṃ pi tve ’gāra le guha

Community: Khmer epigraphy
Uploaded on November 6, 2017
January 13, 2021
K.723 Inscription of Thăm Lekh

Author: RAS SIDDHAM Team

{5}   kaṃ [p]i chdyās guhā kaṃ [p]i ruḥ pnāṅ doṣa

Community: Khmer epigraphy
Uploaded on November 6, 2017
January 13, 2021
K.721 Fragment from Văt Phʽu

Author: RAS SIDDHAM Team

{A1}   . . . . . . . . . . . . .nāra praśa. . . . . . . . . . . . . . . . . . . . . . . . . . . .
{A2}   . . . . . . . . . [kamra]teṅ jagat śrī jaya. . . . . . . . . . . . . .
{A3}   . . . . . . . . . . [kamra]teṅ jagat śrī bhadre[śvara] . . . . . . . . . . . . . . . .
{A4}   . . . . . . . . . . . . . . . . . .ḥ jhe . . . . . . . . . . . . . . . . . . . . . . . . . . . . . . . . .
{B5}   . . . .ca tap hāt yau tap piy . . . . . . . . . . . . . . . . . . . . . . . . .
{B6}   . . . . kalmvan jyaṅ prām dhūpa kaṃyā[n] . . . . . . . . . . . . . . . . .
{B7}   . . . .ga mās piy lṅo je mvāy . . . . . . . . . . . . . . . . . . . . . . . . . .
{B8}   . . . . noḥ gho kantāl saṃ teṅ sap. . . . . . . . . . . . . . . . . . . .
{B9}   . . . .ra gho jyeṣṭapura saṃ teṅ . . . . . . . . . . . . . . . . . . . .
{B10}   . . . .na gho kansuk teṅ munidharmma . . . . . . . . . . . . . . . . . . . .
{B11}   . . . .ya saṃ teṅ thṅe kvan gho sula. . . . . . . . . . . . . . . .
{B12}   . . . . . gho hari ph’van gho śaśi teṅ . . . . . . . . . . . . . . . . .
{B13}   . . . . . mūla saṃ teṅ th’yak kvan gho . . . . . . . . . . . . . . .
{B14}   . . . . .dana teṅ kanśrī teṅ nārāya . . . . . . . . . . . . . . . . .
{B15}   . . . . . .vāgī teṅ sre vrai . . . . . . . . . . . . . . . . . . . . . . . . .
{B16}   . . . . . . . . . . . . . . . teṅ . . . . . . . . . . . . . . . . . . . . . . . . . . . . . . . . .

Community: Khmer epigraphy
Uploaded on November 6, 2017
January 13, 2021
K.720 Stele of Văt Ph‛u

Author: RAS SIDDHAM Team

{B1}   cār caṅvatt is bhūmi sruk t
{B2}   877 śaka nu cau tāñ steñ [’añ]
{B3}   [i]ndralakṣmī ta jmaḥ vāp śaṅkarātmā
{B4}   [nu] rāma vāp śrī kanmyaṅ paṃre neḥ [syaṅ]
{B5}   [ku]le ekodarī sanme ni [duñ]bhū
{B6}   [mi ta]vāp vrau nu kule vāp [vrau]
{B7}   hau pi cat sruk vrahma [oy]
{B8}   kalpanā raṅko thlvaṅ [’avadhi ti]
{B9}   pūrvva dau vap ta vnur bhatdrā
{B10}   travāṅ ’leṅ nu cdval [nairṛ]
{B11}   tiya dakṣina paści[ma] [tra]
{B12}   vāṅ jrai daṃnap vraḥ vāya[vya]
{B13}   □k tammrya uttarā prasa[p]
{B14}   chau 877 śaka nu vāp śa[ṅkarātmā]
{B15}   duñ bhūmi ta vāp ’van
{B16}   [vnur] bhatdrā pi cat sruk vrai trapek
{B17}   [cāṃ]caṃnāṃ kālpanā raṅko kadāha [’ava]
{B18}   [dhi] pūrvva dau vap ta travāṅ
{B19}   □p travāṅ kralā
{B20}   [thṅāy] ket dakṣina iss
{B21}   bhirā śālya uttara lvaḥ
{B22}   □□□ [śa]kanu vāp śaṅkarātmā nu [rāma]
{B23}   duñ bhūmi ta vāp n [pi]
{B24}   cat sruk vnaṃ ti chok veṅ [cāṃ caṃnāṃ kā]
{B25}   lpanā raṅko thlvaṅ 4 bhūmi
{B26}   travāṅ tannot rlaṃ ’aṅgañ dakṣina vrai
{B27}   □h canhvar ’leṅ nu ’aṃvil kra
{B28}   laṅlaṅ cakk uttara lvaḥ vrai caṃnat
{B29}   ñcana pi vāp śaṅkarātmā du ph’van [cāṃ caṃnāṃ]
{B30}   īss kālpanā sruk neḥ ta 4
{B31}   □y pi steṅ ’añ cyar khāl nāya
{B32}   pi nivedana ta vraḥ pāda stāc [dau ta]
{B33}   loka leṅ vraḥ kālpanā [dau ta] [kamra]
{B34}   teṅjagat liṅgapura vraḥ
{C1}  
{C2}   āṇḍi
{C3}   dau saṅ gol pra
{C4}   vna[ṃ] t[i]chok veṅ nu sre
{C5}   ta vāp sadāśiva nu kule
{C6}   v siddhi lvaḥ mahāsaṅhāra 92□
{C7}   nu vāp savāda sruk chok veṅ [ti]
{C8}   [stap] vyavahāra cuḥ vraḥ ’ālakṣana ta
{C9}   kaṃsteṅ kavīśvaravarmma samayuga nu mra
{C10}   [tā]ñ khloñ gunadoṣa vraḥ sabhā pho[ṅ]
{C11}   pre ṇirnaiya vāp sa ta ph’van
{C12}   āja pādahāstaccheda pre kule
{C13}   phoṅ thve kālpanā ru ta tel
{C14}   924 śaka nu mān vraḥ karuṇā ta pa
{C15}   ramapavitra pi pre khloñ vala khloñ saṃta
{C16}   p śuddhānta nu pratihārapāla eka dau
{C17}   saṅ praśasta ta sruk chok veṅ o
{C18}   y ta vāp śaṅkarātmā nu vāp sadāśiva
{C19}   siddhi tarāp candrāditya mān ley
{C20}   928 śaka nu vāp sadāśiva sanme
{C21}   ni nu teṅ tvan ta janaṇīy pi o
{C22}   y daṃnap laṅloṅ veṅ mvay toy ka
{C23}   roṃ phoṅ parigraha ta kvan vāp sa
{C24}   dāśiva ta jmaḥ tāñ vrahma nu tāñ umā
{C25}   □ka pi oy kālpanā sru thlvaṅ 2 nu
{C26}   vraḥ paryyaṅ ’nau vnaṃ ti yajña cat[ur]
{C27}   māsa ’yat cañcula ta dai ti dravya [nu] du
{C28}   [ñ]bhūmi vnaṃ ti chok veṅ laṅloṅ veṅ sre
{C29}   snaṅ mās liṅ 3 vaudi 2 padigaḥ 4
{C30}   [s]vok 3 krapi 6 poṅ 1 rdd[e]ḥ jeṅ 1 sray[ū]
{C31}   [vnā]t 3 kryav 3 thmur 10 6 vave 2 sr□
{C32}   2 canlyak yau 10 5 prāk liṅ
{C33}   10
{D1}   prāk
{D2}   8 laṅgau s
{D3}   2 srayu vnāt 2
{D4}   4 khdyac 2 jmol parat
{D5}   n 2 canlyak yau 6 hāli
{D6}   vave 2 canmāt 2 kañje chnāṅ
{D7}   2 sru 10 4 dravya [nu]du]n bhūmi
{D8}   [’āy] vrai trapek mās liṅ 1 vaudi
{D9}   padigaḥ 2 kadāha 2
{D10}   phsaṃ kālpanā phley
{D11}   40 10 6 kadāha 1 velā nu dār
{D12}   neḥh dār nu dāl ta pañca

Community: Khmer epigraphy
Uploaded on November 6, 2017
January 13, 2021
K.719 Fragment of Popél

Author: RAS SIDDHAM Team

{1}   . . . . . meṅ ’añ ’āy ta vraḥ kaṃmratāṅ ’a[ñ]       
{2}   . . . rṇṇeśvara kñuṃ ta si [|]  kmās |  ta’et |  daśa  
{3}   . . . tanlaṅ |  kvuṅ |  saṃvok |  saṃtoḥ |  cke   
{4}   . . . raṅhvaṅ |  tvek |  ’aṃpik |  sal bhita     
{5}   . . . ndhān |  cnoṅ |  klan ’aras 1 [|] ku kdoc | ku    
{6}   . . . | ku premāvali | ku nayanāvali | ku ratnāvali | ku   
{7}   . . . ru | ku seṅ nākācan | ku svav [|] ku sra kuṇḍalā | ku   
{8}   . . . au | ku śārikā | ku niṣṭhura | ku ’aṃduḥ | ku taṃnar | ku  
{9}   . . . rikā | ku trai | ku vañ | ku marāvali | ku muliḥ    
{10}   . . . . ṅhvāy | ku cpoṅ | ku mañjukā | ku su      
{11}   . . . . | ku vlac ta ru | slā teṃ 200 1 toṅ teṃ      
{12}   . . . ār sare1 pāda . . . . . . . . . . . . . . . . . . . .

Community: Khmer epigraphy
Uploaded on November 6, 2017
January 11, 2021
K.713B Stele of Práḥ Kô

Author: RAS SIDDHAM Team

{1}   815 śaka pi ket vaiśākha nu vraḥ ’ājñā dhūli jeṅ vraḥ kamrateṅ ’añ śrī yaśovarmmadeva jvan mās prak ’nak ple
{2}   y vraḥ kuṭī man jvan ta vraḥ kamrateṅ ’añ ta parameśvara vraḥ spai pyaḥ ’anroṃ mās jeṅ mās 1 gāyatrīya mās vnak 1 gāyatrī
{3}   ya prak vnak 1 śveta 1 vraḥ gadā 1  vat hir 1 ’āyoga 1 cnap 1 canhvay 1 vodī caṃdoṅ prak 1 vodī sraḥ 4 sbok 6 gadāha 5 jeṅ tripāda 2
{4}   jeṅ parass 2 jeṅ dyān 2 tmo pi pas 2  vnvak ta gi sruk saṃroṅ ’aṃraḥ saṃ’ap | gho manyāra | gho jaṅver | gho cpoṅ | gho jīva | gho kaṃvai | gvāl pa
{5}   lvah | gvāl kan’in | gvāl krau | tai tgun | tai rat kaṃprvat | lap panlas | tai ’a tmyaṅ | tai ’a laṅgāy | lap vñau | si rat kansaṃ | tai krau | gho kañjir | gvāl kaṃvrau [|]
{6}   gvāl nārāyana | lap pnos | tai kaṃpur | lap paṃye | tai kñuṃ | piṇḍa ’aṃraḥ 1 nu ’aṃraḥh gho [6] gvāl 5 tai 4 lap 4 si rat 1 tai rat 1 tai ’a 2 psaṃm 20 4  vnvak ta gi
{7}   sruk ’abhinavagrāma pramān jeṅ tarāñ ’aṃraḥ ’anrok | gho tgap | gho viṣṇubhava | gho ’gat | gho kaṃvrau | gho cancān | gho harabhāva | gho kanleṅ | gho pa
{8}   ndan | gho kandvac | gho daluḥ | tai jvik | gvāl kñuṃ | gho kan’añ | tai jaṃ’ar | tai pau ptal | tai rat kaṃprvat | lap ’vyāk | tai kaṃvai | gvāl saṃ’ap | gvāl kañcū | tai kṛṣṇāvatī | si ra
{9}   t kaṃpañ | si pau kan’as | si rat taṅku | lap ’nap | lap kanso | tai vraḥ śrīya | si pau kan’as | tai rat cmyat | lap vicitra | lap kapkep | psaṃ 20 10 2  ’aṃraḥ vra
{10}   hey | gho pansvaṃ | gvāl kse | tai kaṃpaṅ | tai pau kan’ak | lap kan’aṃ | tai kanhī | tai kan’oy | tai kaṃphāc | tai pau kan’as | lap tkyap | tai laṅgāy |
{11}   tai pau tgal | si rat krau | tai kanhik | tai caṃhep | si rat ’nāśraya | tai santāpa | tai pau cmyat | si rat kañjā | tai ’gat | tai vraḥ dharmma | tai saṅkāv | tai kanruk | tai knit | tai va
{12}   ra | tai rat pandan | tai smau | si rat saṃ’ap | si pau ’aṃvil | psaṃ 20 10  ’aṃraḥ sugaṭagarbha | gho kañcū | gho saṃ’ap | gho cpoṅ | tai kañcū | si pau mañ | tai pau caṃpeṅ | tai
{13}   rat kan’aṃ | lap tkan | lap kaṃvai | gvāl kanloñ | tai nāṅ | si pau siddhivara | tai kanteṅ | tai panlas | si pau śivarucī | tai ’a devaśrīya | tai rat kanduḥ | tai ’a saṃtoḥ | tai ’a
{14}   kulaśrīya | tai rat nāvatī | tai kandhi | tai ’a kanleṅ | lap kañcan | tai dār pa’is | tai ’a rāgadeva | tai kan’ak | psaṃ 20 7  piṇḍa ’aṃraḥ 3 nu ’aṃraḥh gho 10 [4] gvāl 6 tai 20 8 lap 10 si rat 6 tai
{15}   rat 5 si pau 6 tai pau 6 tai ’a 5 psaṃ 80 9  ’nak ple sruk saṃroṅ sot gho dhanāgra | gho kanso | tai utpala | gvāl kanteṅ |  psaṃ ’nak vraḥ kuṭi toy uttara ple sruk ’anle 2
{16}   ’aṃraḥ 4 nu ’aṃraḥh gho 20 4 gvāl 10 1 tai 20 10 2 lap 10 4 si rat 7 tai rat 6 si po 6 tai po 6 tai ’a 7 psaṃ 100 10 3  vraḥ kuṭi toy dakṣiṇa man jvan ta vraḥ kaṃmrateṅ ’añ
{17}   śrī pṛthivīndreśvara vraḥ spai pyah | gāyatriya mās vnak | gāyatriya prak vnak | śveta | vraḥ gadā | vat hir | ’āyoga | cnap | canhvāy | vodi caṃdoṅ prak | vodi sraḥ 4 gadā
{18}   ha 5 sbok 6 jeṅ tripāda 2 jeṅ parass | jeṅ dyān | tmo pi pas 2  vnvak ta gi sruk taṃpal pramān malyāṅ ’aṃraḥ kandās | gho piros | gho subhikṣa | gho cke | gho krau | tai kaṃ
{19}   pur | tai cancān | gvāl dapdip | si rat kanhey | tai laṅkaḥ | tai rat kaṃvi | tai kaṃpaṅ | gvāl cke | si pau kañjā | tai krau | gvāl kañcū | lap kaṃvai | gvāl tgap | tai rat pnos | tai rat saṃ
{20}   ’ap | tai pau kan’as | tai taṅker | tai sam=rapū | gvāl kaṅvyān | si pau kanthok | tai sbok| si pau taṅku | tai kansū | si rat pandan | si pau kantvah| tai krau sot | tai rat ’gat | tai rat pandan |
{21}   gho kan’as | tai kanlāṅ | gvāl śrī | tai ’anrok | piṇḍa ’aṃraḥ | nu ’aṃraḥh gho 6 gvāl 6 tai 10 2 lap 1 si rat 2 tai rat 5 si pau 4 tai pau 1 psaṃ 20 10 7  vnvak ta gi sruk vīrendrapaṭṭana
{22}   pramān jeṅ vnaṃ ’aṃraḥ mahendra | gho śivarucī | gho kaṃpit | gho śrī | gvāl harī | gvāl dyac kaṃvis | tai sujana | tai śaciya | tai rat śrīdeva | tai sarasvatī | lap pandan | si pau matirā
{23}   ja | gvāl kanteṅ | gvāl tgap | tai subhadrā | tai rat kan’as | tai kañjuṅ | lap ’diti | tai rat kandvac | tai pau kandhī | tai jmas | gvāl dyāc kdeṅ | si pau nilā | gho dāmoda | gho mānu psaṃ 20 5 
{24}   ’amraḥ makaraddhvaja | si ’a kaṃvāl | gho krau | gho veda | gho cpoṅ | gho tmai | gho pnos | tai ’a lakṣmīdeva | tai kaṃpit | tai mat | tai pau kanteṅ | tai kansu | tai ’a rudatī | tai kalaśa | gvāl kañjā |
{25}   tai jaṃ’yal | tai kaṃvī | tai panheṃ | gvāl pandan | si rat kaṃpit | tai vikramadeva | tai jvik | lap phaladeva | gvāl jaṅver | tai ’gat | tai ptal | lap kanren | gvāl kañcī | si rat cke duḥkha | si pau kañcū |
{26}   tai dharmma | lap krau | tai dakṣiṇādeva | tai paṃnaṅ | tai kañjes | tai sandharuṃ | gvāl harisūdana | psaṃ 20 10 7  piṇḍa ’aṃraḥ 2 nu ’aṃraḥh gho 10 2 gvāl 8 gvāl dyac 2 tai 20 2 lap 5 si rat 2 tai rat 3
{27}   si pau 3 tai pau 2 si ’a 1 tai ’a 2 psaṃ 60 2  vnvak ta gi sruk stuk kandel pramān śreṣṭhapura ’aṃraḥ rajanikara | gho kanso | gho candrabhāva | gho kandha | gho śivabhāva | gho pnos | gho rucibhāva | gho
{28}   rājadhara | gho laṃṅāc | gho laṅkaḥ | gho jaṃnan | gho mahendrabhāva | tai kañjai | tai kañjoṅ | tai śravadeva | tai nāṅ | tai pnos | [tai] kaṃpas | tai kandhi | tai nāṅ sot | tai kaṃprvat | tai kaṃpit |
{29}   gvāl kañcū | lap kan’ak | si rat panlas | tai mṛga | lap kan’as | lap kaṃpaṅ | tai kansat | gvāl kanloñ | lap kaṃpat | piṇḍa ’aṃraḥ 1 nu ’aṃraḥh gho 10 2 gvāl 2 tai 10 2 lap 4 si rat 1
{30}   psaṃ 20 10 1  psaṃm ’nak vraḥ kuṭī toy dakṣiṇa ple sruk ’anle 3 ’aṃraḥ 4 nu ’aṃraḥh gho 20 10 gvāl 10 6 gvāl dyac 2 tai 40 6 lap 10 si rat 5 tai rat 8 si pau 7 tai pau 3 si ’a 1 tai
{31}   ’a 2 psaṃ 100 20 10  cpar 1 ti bhāga ta vraḥ kuṭī ’anle 2 

Community: Khmer epigraphy
Uploaded on November 6, 2017
January 11, 2021