{13} [caṅvat bhūmi] vraḥ ’āy ○ toy uttara pralāy ta dau subhava ○ paścima phlū bhadrapura dau da
{14} [kṣiṇa] lvah ta gi phlū ta mok ’aṃvi mādhavapura dau paścima sme nu muṃ travāṅ gaṃryyāṅṅ to
{15} [y] īśāna ’aṃvi ta gi muṃ travāṅ toy īśāna dau lvah ta gi muṃ travāṅ gaṃryyāṅ to
{16} [y] vāyavya chloṅ pvār subhava lvah ta gi khnap itt ○ ’aṃvi ta gi khnap itt dau dakṣiṇa
{17} [pa]ścima nairṛti subhava lvah saṅnāy dola lvaḥ travāṅ kanteṅ caṃdak stā
{18} □ □ toy dakṣiṇa subhava saṃdip vḷ man chloñ dharmmapāla vvani ○ toy utta
{19} ra ugravana toy ’āgneya subhava ’aṃvi ta gi thnal chloñ dharmmapāla ta dau ’a
{20} □tapura lvah ta gi pralāy ta cuḥ ’aṃvi stuk jleṅ thleṅ dau lvah ta gi phlū bha
{21} [dra]pura sot ○ toy pūrvva kanseva sre khpān 1 dakṣiṇa paṅgvay me tvan sre
{22} □ □ 1 jmaḥ teṃ phñauv paści[ma] phlū ta dau travāṅ thmī sre snāp 2 toy pūrvva phlū sre
{23} □ □ toy ’āgneya vraḥh ○ vraḥ sre 4 ○ bhūmi sre steñ hyaṅ steñ ’ap
{24} □ □uhi yok pi oy ta steñ las man steñ las sruk ’āy rhā slāp ho
{25} [ṅ oy] ta vraḥ toy uttara prasap sre teṅ vrau ○ toy dakṣiṇa dharmmapaṭṭana lvaḥ
{26} [ta gi vḷ] man mratāñ śrī nṛpendrārimathana vvanni dau dakṣiṇa bhūmi vraḥ toy paścima
{27} [lvaḥ] ta gi phlū ’aṃvi travāṅ gos ta dau lvah travāṅ jayataraṅga ○ ’aṃvi jayataraṅga sdi
{28} □ □ pūrvva lvah prasap sre kañchyāll ○ toy pūrvva ’aṃvi ta gi muṃ kaṃveṅ kuṭī devayajña
{29} □ □ toy niṛtiya cuḥ dau lvah kaṃveṅ jhe sre taṃveh vrau ○ sre pāy khtau chok
{30} svāy ’at nu travāṅ krvass sre raṅgau cramuḥ sre stuk jleṅ nu ’nak caṃnāṃ phle ti thve
{31} paṃre ta vraḥ ’āy oy caṃnāṃ pāy khtau dau piṅ thmo ○ sre dakṣiṇa travāṅ svā
{32} y thvun paścima phlū ta dau mokṣālaya jeṅ 1 ti pūrvva phlū prasap sre lṅāc ruṅ to
{33} y dakṣiṇa prasap sre teṅ hyaṅ toy uttara lvah ta gi phlū dakṣiṇa
{34} □ □ □dyakk sre samvar bhūmi saṃpar cyak rāgapura svāy cakra kanroṅ praśasta vi
{35} □ □ □l [nu] praśasta ’anrāy piṅ thmo ’aṃruṅṅ sīmā neḥ vraḥ ta prāṃm ’yat pratyeka
{36} □ □ □ □ khñuṃ dravya phoṅ || ○ ||