K.49 Stele of Vằt Prei Vãl

{11}   ’ājñā vraḥ kamratāṅ ’añ ni gui puṇya pu caḥ ’añ ratnabhānu pu ca[ḥ ’añ]
{12}   ratnasiṅha ta ai teṃ ske ’aṃpal kñuṃ tmur krapi sre daṃriṅ gui ta man ge pucaḥ [’añ]
{13}   oy ta vraḥ doṅ kñuṃ pradāna ’nak ta psaṃ ta gui ukk=ra gui tel prasiddha’aṃ[pal]
{14}   pre gui siddha ai ta vraḥ ni poñ śubhakīrtti cau kaṃton ge pu caḥ ’añ gui [kon]
{15}   kanmeṅ paṃcaṃ man teṃ g[e] ge ta dap gui ge ta sak gui ge ta soṃ gui geta sa [caṃ]
{16}   kop craneḥ pañjas dranap ’agāra ta gui ge ta hau ’nak pak tok ta gui [ge ta]
{17}   pre roḥ gui sot ge cer ’ājñā vraḥ kamratāṅ ’añ [g]e da[ṇḍa]