K.33/1 Stele of Phnoṃ Čisór

{1}   □□7 śakka ta gi rājya ○ dhūli vraḥ pāda kaṃmrate
{2}   [ṅ] ’añ śrī sūryyavarmmadeva ○ gi nu ’añ jau bhūmi neḥ
{3}   ta mratāñ kaṃpan drāvya nu ’añ jau bhūmi taṃmrak tul 2
{4}   ’aṃvi ta gi thnval travāṅ ti pūrvva lvaḥ ta gi thnval ti dakṣiṇa
{5}   cat ’āśrama dūk jmaḥ yogindrālaya duk caṃnāṃ sa
{6}   ṅkrānta raṅko je 1 ’āy vraḥ vnaṃ kaṃpruṅ khñuṃ ta o
{7}   y neḥ tai kap ti duñ ta mratāñ khloñ vnur kha’val
{8}   svok 1 jyaṅ 2 liṅ 10 chnāṅ laṅgau 1 jya[ṅ]2 khal prāk 1 li
{9}   ṅ 3 kalmvān vi 3 canlyak yau 1 tai māgha kalmvān vi 10
{10}   taṃmryak jyaṅ 10 thyāṃ yau ’aṃval yau 3 vāp vai grāmavṛdhi
{11}   samayuga nu mratāñ khloñ vnur kha’val nu loñ trvāc
{12}   vala oy tai māgha ta ’añ tai dharmma taṃmrek tul 1 mratāñ
{13}   khloñ ’acās ta oy tai panhe[ṃ] ’nak vyādhapura vvaṃ ’ā
{14}   yati duk nila cvāl