Bàsằk

{1}   890śakka nu mān vraḥ śāsana dhulī vraḥ pāda dhulī jeṅ vra[ḥ kaṃ]
{2}   mrateṅ ’añ śrī jayavarmmadeva oy sruk thkvāl joṅ ta kaṃ[mrateṅ]
{3}   jagat vak ek nā thve vraḥ caṃnāṃ śvetatandula je mvāy pratidina [nu pa]
{4}   ryyaṅdīpa nu paryyaṅ vraḥ go [ta] gi nu kñuṃ ta dau [saṅ gol] ta gi bhūmi pi oy[ta]
{5}   kaṃmrateṅ jagat □ □ □ □ □ na taṃmrvāc vraḥ kralā phdaṃ nu mratāñ śrī nṛpendrā
{6}   yuddha ○ ta dau dār bhūmi steñ ’añ vnaṃ vak ek steñ ’añ ’ācāryyapuro
{7}   hita nu kulapatiy nu guṇadoṣadarśiy nu devaparicāra nu kramapāla nu taṃmrvā[c]
{8}   nu chmāṃ glāṅ ○ neḥ syaṅ ta dau dār bhūmi nā thve vraḥ caṃnāṃ ○ □ □ □ □ □ □ṅ vargga vairāta
{9}   dau raṃlik ta khloñ vala ta vyāpāra kathā man bhūmi □ □ □ n tāñ nāṅ āc cañ
{10}   vyavahāra ○ khloñ vala vraḥ kṣora paṅgaṃ thpvaṅ nivedana man bhūmi thkvāljoṅ gi ta o
{11}   y vraḥ caṃnāṃ ○ pre mratāñ śrī narendrasiṅha senāpati vraḥ mukhadvāra dau
{12}   saṅ gol ta gi bhūmi ○ sthāpanā praśasta ’āy vak ek siddha gi bhūmi ta kaṃmrate
{13}   ṅ jagat vak ek ○ gi śākha gi bhūmi nai varga vyādhapura manvarga vyādhapura tidhulī vraḥ pā
{14}   da dhulī jeṅ vraḥ kaṃmrateṅ ’añ ta stac dau parameśvara pre yok pi dau duk
{15}   ’āy ’moghapura ○ vraḥ śāsana pre thve pra □ □ □ □ ta gi sruk thkvāl [jo]
{16}   ṅdau jā rājadravya lvoḥ ta gi rājya dhulī vraḥ pāda dhulī jeṅ vraḥ kaṃmrateṅ
{17}   ’añ ta stac dau paramaśivaloka ti oy ta kaṃmrateṅ jagat vak ek ○
{18}   [lvoḥ] ta gi rājya dhulī vraḥ pāda dhulī jeṅ vraḥ kaṃmrateṅ ’añ ta stac dau
{19}   rudraloka ○ vāp kṣetrajña vraḥ kralā phdaṃ srukk ’āy kantāl sre dau
{20}   cat sruk ta gi bhūmi thkvāl joṅ ○ man ḷ ta steñ īśvaravyāpi khloñ
{21}   □ □ □ □ [puru]ṣapradhānaphoṅ nu khloñ ’nak phoṅ □ □ □ bhūmi □
{22}   □ □ □ □ □ □ bhūmi thkvāl joṅ ○ vāp kṣetrajña ta □ □ □ □ □ □ □
{23}   □ □ □ □ □ □ □ caṃnāṃ nā kaṃrateṅ jagat vak ek □ □ □ □ □ □
{24}   □ □ □ □ □ □ k yajña liḥ 2 dep □ □ khloñ □ □ □ □ □ □
{25}   □ □ □ □ □ □ □ □ □ □ [paṅgaṃ]thpvaṅ nivedana □ □ □ □ □ □ □ □ □
{26}   □ □ □ □ □ □ □ □ □ □ □ □ □ □ bhūmi □ □ □

{1}   □ □ □ □ □ □ □ □ □ □ □ □ □ □ □ □ vvaṃ ’āc mān □ □ □
{2}   □ □ □ □ □ □ □ □ □ □ □ □ □ □ □ y ley ○ [Illegible.] mān □ □ □
{3}   □ □ □ □ □ □ □ □ □ □ □ □ □ □ □ ṅ ’añ ta kamrateṅ ’añ vraḥ guru □ □ □ □
{4}   □ □ □ □ □ □ □ □ □ □ [vraḥ] [p]uliṇṇ cval saṃ nuv paryyaṅdharmmādhikaraṇa □ □ □
{5}   □ □ □ kamrateṅ □ □ □ □ □ khloñ bhūtāśa paryyaṅ pratyaya paryyaṅ
{6}   tamrvāc paryyaṅ dār dau nā rājadravya ○ nau ruv kalpanā kaṃsteṅ ’añrājakula
{7}   mahāmantri vrāhmaṇācāryya khloñ vala □ □ □ ka sāmānyajana nu khñuṃvraḥ ka
{8}   mrateṅ ’añ ta mān ’aṃve kaṃluṅṅ vraḥ puliṇṇ ○ pre syaṅ ta oy paryyaṅsro
{9}   ṅ ta vraḥ kamrateṅ ’añ [.] vvaṃ ’āc ti oy ’nak ta dya[t] kaṃnuṅṅ vraḥpuliṇṇ ○ duk
{10}   dmār paryyaṅ 4 pratipakṣa ta nu dār paryyaṅ ○ gi paryyaṅ phoṅ nudmār paryyaṅ
{11}   ta pvānn ’āyatt ta mrateñ rājadvāra toy khnet [.] gi ta nu oy paryyaṅprati
{12}   pakṣa nu sroṅ kamrateṅ jagat ○ nau ’aṃpāll ’nak ta mān vyavahāra nādharmmādhikara
{13}   ṇa ta tāp oy paryyaṅ vinaya ta kamrateṅ jagat ○ dār syaṅ thmur yyugani
{14}   yata toy doṣa ’nakk ○ pi duk jā thpal ○ dār chmāṃ dharmmādhikaraṇa sīnu
{15}   tai tap pramvāy pratipakṣa ta nu cāṃ vraḥ thpal [.] gi ta nu oy paryyaṅnu
{16}   sroṅ kamrateṅ jagat ○ gi thpal noḥ nu chmāṃ dharmmādhikaraṇa tacāp ○ ’āya
{17}   tt ta mrateñ rājadvāra toy khnet khloñ vnaṃ kulapati khloñ kāryya de
{18}   vaparicāraka grāmapāla tamrvāc thve gośāla rṇṇoc mvāy khnet mvāy
{19}   nā duk vraḥ thpal ○ velā gośāla neḥ ta vyar nu kṣaya ○ gi khloñ vnaṃkulapati khloñ kāryya devaparicāraka grāmapāla tamrvāc gi ta
{21}   puraskṛta viṅ sot ○ s[t]eñ ta siṅ phoṅ nau ruv paryyaṅ śeṣa 1 ○

{3}   nau ruv dravya man mratāñ śrī nṛpendrā
{4}   yudha jvan ta vraḥ kamrateṅ ’añ śrī nṛ
{5}   pendrāyudhasvā[mi] ○ mās prak dhātu ta
{6}   dai ti taṃryya ’seḥ krapi thmur khñuṃ sruk sre
{7}   bhūmyākara dravya phoṅ [.] nau ge lope
{8}   ya neḥ dravya ta roḥh neḥh pi vvaṃ thve
{9}   pūjā roḥh kalpa[nā yajam]ānage dau
{10}   tareḥ naraka ta daṃnep=ra raurava ’aṃval nu pi
{11}   tara ta tap rvātt dau kroy ta tap rvātt dau
{12}   vnek ni yāvatt vraḥ candrāditya graha na
{13}   kṣatra ka mān ley [.] nau ge ta
{14}   vvaṃ lope ta ñāṅ varddhe thve pūjā vraḥ kamrateṅ ’añ leṅ roḥh kalpanāya
{15}   [jamā]nage dau siṅ ta gi [svarga] [.]