Person: ERC team

{29}   [vraḥ] śāsana dhūli vraḥ pāda dhūli jeṅ vraḥ kaṃmrateṅ ’añ
{30}   □ □ saṃ nu rājapunya [.] vvaṃ jā pi dār vrihi [.] vvaṃ jā pi dār paryyaṅ [.]

{1}   □ □ □ □ āryya candrā□ □ □ □ □ □ □ □ □ □ □ □ □ □ □ □ □ □ □ □ □
{2}   ’āy ta vraḥ kamratāṅ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □
{3}   khe | ku cancar | ku ’ās ta vra[ḥ] □ □ □ □ □ □ □ □ □ □ □ □ □ □ □
{4}   10 ○ sre ’aṃnoy candro□ □ □ □ □ □ □ □ □ □ □ □ □ □ □ □ □ □ □ □ □
{5}   ñje □ □ tloṅ 4 ○ sre ’a□ □ □ □ □ □ □ □ □ □ □ □ □ □ □ □ □ □ □ □ □
{6}   sre ’aṃnoy pañ mā tloṅ □ □ □ □ □ □ □ □ □ □ □ □ □ □ □ □ □ □ □ □ □ □ □ □
{7}   y poñ grager tnal | □ □ □ □ □ □ □ □ □ □ □ □ □ □ □ □ □ □ □ □ □ □ □
{8}   sre ’aṃnoy ’ār ju□ □ □ □ □ □ □ □ □ □ □ □ □ □ □ □ □ □ □ □ □ □ □ □ □
{9}   □ □ □ □ □ndi ○ sru □ □ □ □ □ □ □ □ □ □ □ □ □ □ □ □ □ □ □ □ □ □ □

{A1}   925 śaka pī ket ’āśvayuja śukravāra ’anurādhanakṣatra nu dhūli vraḥ pāda dhūli jeṅvraḥ kaṃmrateṅ ’añ śrī jayavīrava
{A2}   rmmadeva stāc ’āy vraḥ caturdvāra vraḥ śrī jayendranagarī pi mratāñ khloñ śrīpṛthivindrapandita guṇadoṣadaṛśi nu vraḥ sabhā phoṅ paṅgaṃ thpva
{A3}   ṅ nivedana śloka neḥ tem śākha bhūmi kha’val pek raṅgap lāc rmmāṅ cārvār sre vrainai vāp sah chmāṃ vraḥ pāñjī ti vāp ’ap vāp pañ
{A4}   vāp gadākeśa steñ kṣirāhāra me ’yak kanmyaṅ paṃre nu vāp īśānaśiva ’nin thve’apavāda pi srac vyavahāra ○ mān vraḥ śāsana dhūli vraḥ
{A5}   pāda dhūli jeṅ vraḥ kaṃmrateṅ ’añ śrī jayavīravarmmadeva pre cār śloka neḥ tapraśasta ○ oy bhūmi ta roḥh neḥh jā vraḥ karuṇāprasāda ta vāp
{A6}   sah roḥh cāre vraḥ sabhā ○
{B14}   925 śaka pi ket ’āśvayuja śukravāra ’anurādhanakṣatra nu dhūli vraḥ pāda dhūli jeṅvraḥ kaṃmrateṅ ’añ śrī jayavīravarmmadeva stāc
{B15}   ’āy vraḥ gṛha chloṅ vraḥ kralā phdaṃ paścima pi vāp sah chmāṃ vraḥ pāñjīpaṅgaṃ thpvaṅ nivedana man vāp loñ chmāṃ vraḥ pāñjī vāp dān pratyaya
{B16}   glāṅ ta ’ji vāp sah ○ svaṃ vraḥ karuṇāprasāda ○ bhūmi svasti ○ kuṣṭhena ○ krajaṃgaṅga ○ pṛ ○ bhadre travāṅ jvik ○ daṃnap ruṅ ○ khlāñ cravā dramaseṅ laṅlaṅ ’a
{B17}   ṅgañ ○ lāc gaṅgroṅ lveṅ vryaṅ ○ rlaṃ ta gi vraḥ rājya kaṃmraten ’añ ta stāc dauparameśvara ○ man lvoḥ ta gi vraḥ rājya kaṃmrateṅ ’añ
{B18}   ta stāc dau paramaśivapada vāp dās ta ’ji vāp sah ○ duñ sre rlāp ta vāp yactaṃmrvac glāṅ kan[t]āl vala ○ vaudi 1 padigaḥ 2 ○ kadāha
{B19}   □ srū 20 ○ duñ sre sthalā kracap ta dalmāk ○ nu vaudi 1 padigaḥ 1 mās pāda 2 srū20 ○ sre stuk sno ○ pak rvāt [○] travāṅ krasāṅ ○ cho
{B20}   k rhvit ti vāp yo rlaṃ pañjal lak sre neḥ ta me neṃ ta ’ji vāp sah chmāṃ vraḥ pāñjīyok taṃmrya 1 ○ khāl prak 1 liṅ 5 ○ vaudi 1 jyaṅ 6 ○
{B21}   tāmrakaraṇḍa 1 jyaṅ 7 jñaśira yo 1 vlaḥ ○ siddhi sre ta roḥh neḥh man vāp yo rlaṃpañjal slāp ○ dep vāp sat ○ vāp hi ○ vāp ’an ○ vāp ṛṣi ○
{B22}   ta kvan cau vāp yo rlaṃ pañjal thve ’apavāda khmī dravya sot ○ vāp sah nu kulevāp sah ○ oy srū 200 padigaḥ 5 ○ ’nak ta roḥh neḥh ○ nāṃ
{B23}   raṅvāṅ pratyaya dau jānn bhūmi neḥ ○ saṅ gol oy siddhi ta vāp sah nu kule vāp sah○ bhūmi poṃ [○] pik krave ○ ti vāp sah duñ ta vāp va
{B24}   jrapaṇḍita nu vāp paramārthavairoca taṃmrvac taṅvāy ○ vāp jinendrācāryya jeṅvnaṃ chmāṃ vraḥ kralā phdaṃ svāy glok ○ ta gi vraḥ rājya kaṃ
{B25}   mrateṅ ’añ ta stac dau paramavīraloka ○ thlāy bhūmi sre poṃ ○ vaudi 3 ṅan jyaṅ 18liṅ 10 ○ padigaḥ 4 ṅan tula 1 ○ tāmrakaraṇda 1 ṅan jya
{B26}   ṅ 7 ○ jleṅ śata 1 [○] tiṅ śata 1 ○ srū śata 1 ○ raṅko thlvaṅ 2 [○] kañje chnāṅtaṃpvaṅ 1 ○ thlāy bhūmi sre pik krave vaudī 5 ṅan tul 1 jyaṅ 10 padigaḥ 5 ṅan
{B27}   tul 1 jyaṅ 5 ○ svok 2 ṅan jyaṅ 6 liṅ 10 ○ khāl prak 1 liṅ 5 ○ srū śata 3 ○ raṅkothlvaṅ 1 [○] canlyak yo 3 ○ jleṅ śata 3 ○ tiṅ slik 1 śata 1 60 10 ○ rddeḥ
{B28}   ruṅ 1 ○ rddeḥ jeṅ 1 [○] jmol parat 1 [○] thmar 3 [○] jeṅ parass 4 ○ tek paṅgan 2 ○gi caṅvatt bhūmi poṃ nu pik krave ○ ti pūrvva prasap chok gaṅgroṅ ○ dakṣiṇa da
{B29}   lleṅ ○ paścima phlu rddeḥ cval vrai cas ○ uttara prasap kh’val pek sre vrai ○ manpūrvvāpara ta roḥh neḥh svaṃ leṅ vraḥ karuṇāprasāda ○ pi saṅ go
{B30}   l praśasta ○ mān vraḥ śāsana dhūlī vraḥ pāda dhūli jeṅ vraḥ kaṃmrateṅ ’añ ○ jāroḥh kanmī vāp sah ○ vraḥ pandval pre vraḥ sabhā dau saṅ gol
{B31}   praśasta ○ oy ta vāp sah ○ gi caṅvātt bhūmi sruk pṛ ○ ti pūrvva travāṅ vinau prasapchdiṅ ruṅ ○ dakṣiṇa ta rāṃ khlā ○ paścima gaṅgā ○ uttara prasap cuṅ
{B32}   sthalā ○ neḥh sruk devīgrāma nu bhūmi caṅvātt n[o]ḥh nu sruk pṛ nu bhūmicaṅvātt noḥh ○ nu poṃ [○] pik krave ○ pak rvvat [○] stuk sno [○] chok rhvit [○] travā
{B33}   ṅ krasāṅ nu upāya vāp sah hoṅ ○ ti oy ta vāp tapaḥśānti ○ vāp vraḥ prasāda ○ vāpnāgapāla ○ vāp pavitra ○ me ’yak ○ me dān □
{B34}   □ □ prvat ○ vāp ’yak vraḥ paryyaṅ ○ vāp ’yak travāṅ trāc [○] me surendralakṣmī ○thve pūjā vraḥ paryyaṅ ta dau vraḥ kaṃmrateṅ jagat
{C1}   liṅgapura ○ nu chpār ransī ○ nu vraḥ
{C2}   rūpa kaṃmrateṅ jagatt ○ nu vraḥ
{C3}   kaṃmrateṅ ’añ lokeśvara
{C4}   ta praśasta ○ bhūmi ta roḥh neḥ
{C5}   h ’āyatva ta vāp sān thve
{C6}   pūjā vraḥ nu kule ta roḥh
{C7}   neḥh thve rājakāryya nu
{C8}   gi ○ ta gi vraḥ rājya kaṃmrateṅ kaṃ
{C9}   tvan ’añ ta stac dau paramaśi
{C10}   valoka me neṃ ta ’ji vāp sa
{C11}   h duñ tai kanteṃ ’āy vraḥ
{C12}   phtyak ta vāp varmmaśiva vargga śreṣṭha
{C13}   pura ○ thlāy tai kanteṃ ○ jñaśira yo
{C14}   1 ’aṃval yo 2 raṅko thlvaṅ 1 [si]
{C15}   ddhi tai kanteṃ lvoḥ slāp [nu kva]
{C16}   ncau tai kanteṃ phoṅ
{C17}   922 śaka mvāy ket
{C18}   ’āśvayuja candravāra nu mratā
{C19}   ñ śrī raṇakesari khloñ
{C20}   glāṅ nā do ○ paṅgaṃ thpvaṅ niveda
{C21}   na ta dhūlī vraḥ pāda dhūli jeṅ
{C22}   vraḥ kamrateṅ ’añ śrī jaya
{C23}   varmmadeva man vāp nan khlo
{C24}   ñ vrīha ○ vāp videśvara taṃmrva
{C25}   c vrīha nu ’nak vrīha phoṅ
{C26}   samakṣa nu khloñ srū śivapā
{C27}   da pūrvva ’āy kh’val ○ nu steñ
{C28}   pratyaya thvoṅ ○ yok padi
{C29}   gaḥ pvan ○ tiṅ śata 1 ○ jleṅ śata 1 ○
{C30}   vave 1 nai vāp sah ○ ti o
{C31}   y rājakāryya kār ’nak vrī
{C31}   ha phoṅ ○ khloñ vrīha
{D1}   nu ’nak vrīha phoṅ oy rāja
{D2}   kāryya vrīha ○ panlās mūla vā
{D3}   p sah vāp deṅ ○ mān vraḥ śā
{D4}   sana dhūlī vraḥ pāda dhūlī jeṅ
{D5}   vraḥ kaṃmrateṅ ’añ vvaṃ ’āc ti mā
{D6}   n vrīha viṣaya kandvār nu cañcū
{D7}   la phoṅ ○ ta sruk gaṅgā devīgrāma pṛ ○ man lvoḥ ta gi pañca do
{D9}   nava śaka pī ket ’āśvayuja śu
{D10}   kravāra ’anurādhanakṣatra ○ vāp
{D11}   sah paṅgaṃ thpvaṅ nivedana dhū
{D12}   lī vraḥ pāda dhūlī jeṅ vraḥ
{D13}   kaṃmrateṅ ’añ śrī jayavīra
{D14}   varmmadeva ○ roḥh pūrvvāpara neḥ
{D15}   mān vraḥ karuṇā ta paramapavi
{D16}   tra pandval pre jā roḥh noḥ
{D17}   h ○ pre cār cval ta praśasta ○ vā
{D18}   p so ’āyatta bhūmi ta roḥh
{D19}   neḥh ukk thve pūjā vraḥ neḥ
{D20}   nu kule ta mān ta praśasta ○ ta
{D21}   seva ’nau nā paṅgaṃ thpvaṅ niveda
{D22}   na ○ kaṃsteṅ śrī vīrendravarmma ○
{D23}   mratāñ khloñ śrī pṛthivī
{D24}   ndrapandita ○ mratāñ khloñ
{D25}   śrī lakṣmīndravarmma ○ mratāñ
{D26}   khloñ śrī parākramavīra ○
{D27}   khloñ vala khloñ glāṅ nā
{D28}   eka ’āy khsup ○ khloñ va
{D29}   la khloñ gāp mālākāra [○]
{D30}   khloñ vala purāñ ○ vāp
{D31}   muktiśiba galgul [○] mratāñ śrī
{D32}   dharaṇīndravallabha [○] vāp dān [○]
{D33}   vāp roṇa ○ ta srasir praśas[ta]
{D34}   [’ācā]ryyapandita vāp rac □ □
{D35}   □ □ ○

{c1}   □ □ □
{c2}   si □ □ {c3-5} □ □ □ □ □ □
{c6}   tai kandha
{c7}   tai kaṃvai
{c8}   si kansat
{c9}   si narāy
{c10}   si □ □
{c11}   tai □ □ {c12-19} □ □ □
{c20}   tai kanso
{c21}   tai kan □ □
{d1}   tai cīn
{d2}   tai th’yak □
{d3}   tai □ □
{d4}   tai □ □
{d5}   si mandira
{d6}   tai rāga
{d7}   tai śrādhi
{d8}   tai kaṃvrau
{d9}   tai jātivel[ā]
{d10}   tai chke
{d11}   tai mālatī
{d12}   si prāna
{d13}   tai panlās
{d14}   tai kaṃpit
{d15}   tai saṃ’ap
{d16}   □ māgha
{d17}   tai raṅga
{d18}   tai kandeṅ
{d19}   tai kan’ā
{d20}   tai ’āja
{d21}   tai saṃmṛddhi
{d22}   tai kansrāc
{d23}   tai chpoṅ
{d24}   neḥ paṃre □ (A: 15) □ □ n kanmvāy □ □ti loñ ti jvan ta vraḥ ○

{A1}   □ □ □ □ □ □ □ □ □ □ □ □ □ □ □ □ □ □ □ □
{A2}   □ □ □ □ nakṣatra śukradivasavāra vraḥ kamratāṅ ’añ śrī śiti
{A3}   kantheśvara puṇya dhānyākarapati tel sthāpanā tel psaṃ pari
{A4}   bhoga [nu] vraḥ kamratāṅ ’añ śrī gaurīpatīśvara kñuṃ
{A5}   ’aṃnoy dhānyākarapati ai ta vraḥ kamratāṅ ’añ śrī śi
{A6}   tikaṇṭheśvara vari vā kdep | pile vā navamī | vā kansoṃ | caṭṭra vā ra
{A7}   cvai | vā lve | vā kaṃpoñ | vā kanyas | vā sugata | gandharvva vā va
{A8}   ṅśigīta | vā kan’et | vā karān | vā tpit | vā kanren | vā tvāṅ |
{A9}   vā ’aṃpek | vā kaṃdot | vā kañcan | pedānātaka rpam ku raṅga
{A10}   śrīya | ku mandalīlā | ku caturikā | ku ’amandanā | ku suvṛ
{A11}   ttā | ku cāralīlā | ku tanumaddhyā | ku harinākṣī [|] ku smitava
{A12}   tī | caṃreṅ ku racitasvanā | ku gāndhārasvanā | ku raktasvanā | ku su
{A13}   vivṛtā | ku susaṃvṛtā | ku sārasikā | ku padminī | pedānātta
{A14}   rpam ku haṅsavādi | ku sitākṣā | ku vṛtāvalī | caṃreṅ ku sugītā |
{A15}   ku suracitā | ku [ka]ṇṭhagītā | ku muditā | ku ka’oṅ | ku kītakī | pamas
{A16}   ku dot [|] ku smau | kon der tai | pau si | ku harher | kon der si | pau
{A17}   si | sandil ’aṃnoy jmon kansāṅ pañjut danhum kloñ smen |
{A18}   kloñ kantai sil | kloñ vreṅ | ○ mahānasa ka vraḥ vā candhān | vā ca
{A19}   ndanā | vā dya [|]vā kañcek | vā sneha | vā ’anrok sreṅ | vā kalvaṃm
{A20}   vā kan’ap | vā sreṅ | vā klaṅ | vā rabhasa | vā tkaḥ | vā kaṃvāṅ |
{A21}   mahānasa paṃnos vā mukhamātra caṃdak paṃnos vā ta’am [|]vā candān [|]
{B1}   [s]ru[k]□ r □ v □ l kñuṃ taṃve sre ’aṃraḥ vā kanti | dnuk vā ’anā□ □ | vā k □ □ □ □□
{B2}   vā kalpit | vā pnāṅ | ’nak kantai ku vrehv | ku ’asaru | ku tpit | ku r□ □ □
{B3}   ku kañcos | ku kaṃput | kñuṃ kpoñ sarasvatī ku kandai | ku tuladat | ku kañj□ □
{B4}   kon der tai | pau sī | ’aṃraḥ ’aṃvuḥ dnuk vā kañcet | vā cap pi hau | vā mudamā
{B5}   ra | vā ckap | vā sliṅ | ’nak kantai ku vaṅ | ku tuktar | kon der tai | ku vṅe |
{B6}   kon pau si | ku cer daiva | ku tvai | kon der si | ku taṃpar | ku śavarī | kon vā paro
{B7}   y | pau si | ku vibho | kñuṃ kpoñ saravastī ku sramo | kon pau si | lāṅ si | de
{B8}   r si | ku sivī | kon der tai | tmāñ canlek śāttī pnaṅ panāṅ varṣā paṃ
{B9}   nos rmmen damulāhv ku tvai [|]kon kukdes | ku ptau | ku tanlaṅ | [kon]pau sī | ku’aṃvau |
{B10}   kon ku kantī | raṅhvai ku dik vrau | ku tpit | kon ku svok | ku upala | ku
{B11}   kdai | ku prek | cmaṃ daṃriṅ vā kañjā | vā mitramukha | gvāl vā tpit | vā noc
{B12}   vraḥ | tmur 100 40 krapi 20 sre ta ai jrai vas jeṅ sruk sare 1 ± sre e
{B13}   jalaṅ sare 3 sre tṅai luc sruk sa[n]re ± sre vnur ñaṅ tanhor sa
{B14}   re 2 ± sre ai vaṅ ku sare 4 vnur gi sare ± sre tṅai luc sralet sa
{B15}   re 2 ± sre tṅai ket sralet sare 1 ± sre teṃ graṅ kāṅ sre daṃro sa
{B16}   re 2 sre tnal tāṅ makara sare 1 ± sre jnaṅ karoṃ tnal mat it caṃkā
{B17}   bhāga paṅ lpāṅ stuk bhāk sare 4 sre teṃ sramo sare 1 sre dāna ī
{B18}   śvaradatta ñaṅ ka vraḥ mratāñ bhava sare 7 sre ai ñaṅ travaṅ poñ
{B19}   vilāsa loḥ purohh sare 2 ± sre ai rajoṅ sare 1 ○ ○ sruk drado
{B20}   kñuṃ taṃve sre ’aṃraḥ ’nak vā ta’in [|] dnuk vā sukṛta | vā tñāy [|]vādharmmadatta | vā dra
{B21}   nap | vā kuṅ | ’nak kantai ku malā | kon ku kan’et | vā kantuṃ | ku kante
{B22}   k | [kon]pau si | ku sraṅe | ku kdai | kon der tai | ku kaṃper | kon ku tuk ti |
{B23}   der si | pau si | ’aṃraḥ vā vrau | dnuk vā ’nek | vā cke | vā tgan | vā kdec |
{B24}   ’nak kantai ku taṅku | kon vā kaṃvit | vā ta’āṅ | der tai | pau tai 1| ku kañce
{B25}   s | kon ku kañyas | vā ’asaru | vā voṃ vai ru | der tai | ku tkaḥ [|] ku cke vrau |
{B26}   ku raṃpañ | tmāñ śānti varṣā paṃnos ku ’aglau | ku cke srāṅ | raṅhvai ku
{B27}   cralāṃ | ku caṃhet | ku smau | ku ’aras ’āy | kon ku cnaṅ [|]vā kañjan [|]
{B28}   der sī | der sī | cmaṃ daṃriṅ vā kansa | ku droṅ | kon ku kloy | ku dugā |
{B29}   sre ta ai drado stuk ruṅ sare 1 ± sre laṅlāṅ [d]rado sare 4
{B30}   sre teṃ sramo sare ± mās 1 sre ñaṅ tnal poñ vāṅ travaṅ ci po
{B31}   ñ sare 1 ± sre jeṅ sruk loḥ travaṅ poñ śaṅkaravindu sare 7 sre
{B32}   ñaṅ travaṅ pit kāc sare 2

{A1}   yāte ṣadbhūtaṣacchata śakaparigraha
{A2}   navamī roc jeṣṭha candradivasavāra uttarabhadra
{A3}   nakṣatra nu mratāñ devasvāmi dīrgghasatra vraḥ
{A4}   kamratāṅ ’añ śrī kedāreśvara puṇya mra
{A5}   tāñ raṅko pi lih canlek yau 1 vlaḥ 1 saṃlo vnāk
{A6}   vera kñuṃ man oy ta vraḥ vā kañyoc vā siddhiyā
{A7}   tra ku kṛs kon ku piti ku harini kon ku piti
{A8}   tmur sre tloṅ 10 1 sru slik 4 gi neḥ tel mra
{A9}   tāñ oy ta poñ saṅkarṣaṇa nu cam ta vraḥ
{A10}   ’āy haṅsapura sabhā ta mār ta tāṅ gi mratā
{A11}   ñ puruṣapāla bhāga[vata] mratāñ sudaraśana bhāgavata
{A12}   mratāñ bhavāditya paṃjuḥ poñ śaṅkaragaṇa
{A13}   poñ śaṅkarabhakti poñ bhāviśāra poñ vi
{A14}   śeṣanan ge ’daḥ teṃ tāṅ cnot vrac ruṅ poñ
{A15}   śruta ratnagana dharmmarakṣa narāya viśevin jānamit
{A16}   pādamūla vā vidagdha vā dāruna nau ge ta voṃ oy gi
{A17}   ge ta dap gi [ge] ta sag gi saptamātā saptapitā niraya ’ati
{A18}   raura mahāraurava ge dau ta gi vrahmatyā ge mān gi
{B1}   mratāñ devasvāmi dīrgghasattra vraḥ kaṃmratāṅ
{B2}   ’añ śrī kedāreśvara puṇya mratāñ dai raṅko
{B3}   liḥ 2 saṃlo vnāk 1 canlek yohv 1 tmur sre pcār pinda gi sre phoṅ 20 kñuṃ tel oy tavraḥ ku vainā kon
{B5}   ku piti ku syāṃ kon ku piti gi tel mratāñ devasvāmi
{B6}   oy ta poñ śruta nu camta vraḥ kaṃmratāṅ ’añ
{B7}   śrī kedāreśvara paṃnos pajuḥ ta gi noḥ kāla mratāñ bhavāditya
{B8}   sabhā ta mār ta teṅ gi mratāñ puruṣapāla sudaraśana
{B9}   saṅkarṣaṇa tāṅ krahap tāṅ cnot candraśila sukṛtavarddha
{B10}   ṇa kyok śaṅkragup sthānugana devaśarmma dharmmāditya kumāravi
{B11}   śeṣa viśeṣavin viśeṣagana utdyama dharmmarakṣa ratnagana candraga
{B12}   na jādharagana ’vai si sabhā ’val sin nau ge ta voṃ oy gi
{B13}   ge ta dap gi ta sak gi saptamātā saptapitā ge dau ta gi niraya
{B14}   ’atiraura mahāraurava vrahmatyāphala ge mān gi

{1}   923 śaka nu braḥ kamrateṅ ’añ śrī someśvarapandita sruk vlok je
{2}   ṅ sureṅ sthāpanā braḥ kamrateṅ ’añ śibaliṅga jvan bhūmyākara nu khñuṃ ta roḥh
{3}   neḥ bhūmi bhogeśvara ti dār braḥ karuṇāprasāda ta dhūli braḥ pāda kamrateṅ ’añ
{4}   śrī sūryyabarmmadeba ti saṃṅ śilāgola ta gi ri dik ta pvānn ta gi diśa ta pvānn tipūrvva ta
{5}   rāp madgodā ti dakṣiṇa tarāp travāṅ kadamva toy paścima tarāp phlu ta
{6}   prasap nu bhūmi vraḥ kadamva toy uttara tarāp travāṅ sastur [ch]par toy
{7}   paścima vraḥ ’āśrama ti vāp pū pradhāna sruk vāp les tamrvac pādamū
{8}   la vraḥ ’āśrama oy snoṅ dravya ta roḥh neḥh man pul ○ kadāha mvāyy
{9}   ṅann jyaṅ 4 liṅ 10 liṅ 5 guṇa vyar viṅvoṅ śira mvāyy guṇa vyar canlyak chlya
{10}   k yau 2 guṇa yau 4 bhūmi ti aiśāna braḥ ’āśrama ti vāp cit tamrvac nu vāp pa
{11}   vitra tamrvac nu vāp pū pradhāna sruk oy snoṅ krapi ti pul guṇa vyar ○ s[ī]
{12}   sthira ○ sī thgot sī ’amṛta ○ sī kanso tai kandvat kvan tai kandvat sī kañjū sī kanthok
{13}   sī svasti sī kansrū tai kanhyaṅ tai vīja tai cāmpa kvan tai cāmpa tai kaṃpit tai kaṃ
{14}   vrau tai kanrap tai kaṃvai sī ’aṃpen kvan tai kaṃpit tai kansū tai kan’in kvan tai
{15}   kan’in tai kandhan sī vrahma tai thkep sī kansoṃ tai krvac tai kandes tai bhadra sī pa
{16}   roṅ tai narāyana tai laṃvāṅ kvan tai laṃvāṅ tai kandes kvan tai kandes tai chke tai
{17}   veda sī kanhas sī kaṃvit sī thṅe tai thleṃ tai ’anāya tai kansa kvan tai kansa
{18}   tai kañjū sī kañjuṅ tai kandeṅ tai bhadra tai kaṃpit kvan tai kaṃpit tai kanteṃ ne
{19}   ḥ gi roḥh kalpanā ○ yajña liḥ 2 cuḥ śāla pratidina ○ ta ’nak purohi[ta] raṅko liḥ 2 sa
{20}   p pañcotsava ○ ta ’nak ta mukhya oy sre nivandha jeṅ 2 pratipakṣa ○ ’āyatta vraḥkamra
{21}   teṅ ’añ śivaliṅga ta kulagaṇa ta paripālana vvaṃ ’āc ti ’āyatta ta ’adhyāpaka ta ku
{22}   lapati ta ’nak sañjak ta ’āyatta vraḥ ’āśrama ○ sre paṃhok ti vraḥ kamrateṅ ’añ
{23}   śrī siddheśvarapandita duñ nu prāk liṅ 5 cāṃ caṃnāṃ ta vraḥ kamrateṅ ’añ śi[va]
{24}   liṅga dakṣiṇa raṅko saṅkrānta je 1 rī ’nak ta varddheya dharmma neḥ mān phala’ardhabhāga
{25}   rī ta pa[ṃ]patdharmma neḥ nu kalpanā ta roḥh neḥh ihaloka kamrate[ṅ phdaikaroṃ]
{26}   oy danda ta vvaṃ mvāy prakāra ta gi paraloka sthita ta naraka tadvātrīśa[t]da[ṃ]nep=ra
{27}   ’avicīya dau ○ lvoḥ mahāsaṅhāra ○ velā ’na[k] □ □ ka ta dai ta □ □ □ □ ka noḥ
{28}   h leṅ ’nak noḥ gi nā taṅtyaṅ pūrvvā[para] □ □ □ □ □ □ □ □ □ □ ta □ □ nn
{29}   thleṅ hyat □ □ □ ṅ naraka noḥh □ □ □ □ □ □ □ □ □ □ □ □ □ □ □ nn thleṅ hyat ○

{1}   □ □ □ □ □ □ □ tr. caṃnāṃ □ṅ kula
{2}   ta □ □ □ thvāy jā vraḥ rājadharmma ni
{3}   kara śiṣyapravandha ti duk caṃnāṃ ta
{4}   bhūmi śrī mahīdharendrāśrama coṅ vraḥ go
{5}   ta bhūmidāna paṅhey t[a] sruk teṃ svī
{6}   thve sruk pansaṃ roḥ ta prasir jā vraḥ śi
{7}   vayajña kamrateṅ jagat śrī vrahmarakṣa vvaṃ
{8}   ’āc ti mān vyāpāra khloñ viṣaya
{9}   sanduk kulapati bhagavat ’nak saṃ
{10}   vraḥ rudrāśrama pre vraḥ kamrateṅ
{11}   ’añ ’adhyāpaka vraḥ rudrāśrama gi ta
{12}   vyāpāra pādarakṣaṇa ’āśrama canmat
{13}   thve raṅka caṃnāṃ saṅkalpa neḥ ri ’nak ta vvaṃ
{14}   thve raṅka caṃnāṃ saṅkalpa vvaṃ ’āc ti nau ta
{15}   bhūmyāśrama noḥ ○ sāra neḥ cār ta
{16}   pantā vraḥ dvāra ’anle noḥ gaṅ ’avasāna
{17}   pandval pre thve sāra prasir saṃnvat
{18}   vraḥ kamrateṅ ’añ śrī mahīdharendra
{19}   pandita ○
{20}   ri śiṣṭajana ta rakṣaṇa śrī mahīdharendrāśrama
{21}   gaṅ thve caṃnāṃ dharmma noḥ mān [ph]ala sme nu kartta roḥ
{22}   vraḥ śivadharmma ta gi

{1}   jyeṣṭhanakṣatra vraḥ kamratāṅ ’añ kanyalagna
{2}   kñuṃ kluṅ vraḥ kamratāṅ ’añ śrī ratneśvara ’aṃnoy ’ācāryya mratāñ ’añ man dār ’aṃvita vraḥ kamratāṅ ’añ
{3}   śrī bhavavarmma man dār ’aṃvi ta vraḥ kamratāṅ ’añ śrī mahendravarmma man dār’aṃvi ta vraḥ kamratāṅ ’añ śṝīśānavarmma ple oy ’āy
{4}   mūla kñuṃ vā vitarka | vā yāṅ miḥ | vā ta’uṅ | vā kal=mon | vā tmāt | | vā kalyāna |vā tvāl | vā kaṃnos | vā saṅkāhv | vā pek so | vā pek mau |
{5}   vā dyoc | vā śivadāsa | vā kañ | vā doṅ | vā khā | vā bhadramukha | vā kaṃpuy | vākaṃpoñ hal hol | vā jlaṅ | vā vinoda | vā īśānadāsa |
{6}   vā tloṅ | vā kantur | vā hvac | vā lek | vā taṃvaṅ | vā saddaiḥ | vā kañcar | vā kandat| vā ñū | vā ta’ū | vā troy | vā kdāy | vā kreṅ |
{7}   vā □ □ l | vā crakāṅ | vā tvey | vā tyū | vā treh | vā tmek | vā tlok | vā rudradāsa | vāta’ek | vā ta’āy | vā ta’eṅ | vā kmau | vā trāñ | vā kant□ |
{8}   vā prītidatta | vā ta’or | vā kaṃpañ | vā tpoñ | vā khalū | vā tnoṅ | vā sgiḥ | vā ta’em |vā tvel | vā tacuḥ | vā tpeṅ | vā knoc | vā toy bhāgya |
{9}   vā tleṅ sin | vā kreṅ | vā cpoṅ | vā devadāsa | vā navamī | vā raṃnoc vraḥ | vā chaṭṭī| vā sucarita | vā tvās | vā panlas | vā guṇahita |
{10}   vā caturddaśī | vā cakora | vā dharmmahita | vā praṇaka | vā sunaṇṇā | vā kanaka |vā ksān | vā trey | vā sthiraprīti | vā tmās | vā kteṅ |
{11}   vā yāṅ kon ci | vā kmau | vā kañ=can | vā kantuṅ | vā jleṅ | vā ’abhinava | vā □ □ [|]vā dhanamūla | vā saptamī | vā kandos | vā sai |
{12}   vā ’aṃvat | vā kantau | vā soc tarka | vā trai | vā dharmmahita | vā klapit | vāguhadatta | vā □ □ [| vā] tlāp | vā saptamī sin | vā caṃpaṅ | vā kandat |
{13}   vā tmeṅ | vā kandas | vā caṅ cuṅ | vā trat | vā teṅ kloñ | vā vihaṅga | vā chaṭṭī | vāk □ □ □ □ [|] vā ’aṃraḥ | vā k □ k | vā □ □ vnāk ’nak |
{14}   vā cmer | vā śulī | vā kantāṅ | vā kdep | vā jet | vā caṃpok | vā tpoṅ | vā □ □ □ □ □□ □ | vā ’□ □ □ □ mak | vā thok | vā cke |
{15}   vā can=cān | vā ’anrok | vā caṃpeṅ | vā vaḥ kandin | vā kandin | vā nat |
{16}   ku tpoñ | ku yāṅ | ku nin | ku ’aras [|] ku kaḥ | ku juṅ vau | ku ’nāda | ku tāṅ vrau |ku sundarī | ku ci laṃnāṅ | ku vet | ku kvak | ku srāṅ |
{17}   ku heṅ | ku cī | ku ’aṃvī | ku ’aṃvaṅ | ku loñ | ku ya kāy | ku ya mās| ku yan | kusarac | ku vān | ku raṃnoc vraḥ | ku yāṅ kandin |
{18}   ku pit | ku saṃrap | ku nteḥ | ku kajāy | ku [sā]may | ku reṅ | ku noḥ | ku vot | kuloṅ | ku dan | ku leṅ | ku sor | ku nocca ru |
{19}   ku cau | ku vañ | ku ’acat | kon ku po tai | ku caṅhvāy | kon=ku der sī | po sī | kumon | ku ū | ku lih | kon=ku pau tai | ku ol |
{20}   ku dān | ku □ □ | ku rāṅ | ku per | ku paṅ | ku eṅ | ku hvar | ku tāṅ | ku roṅ | ku yāk| ku vāc | ku dai | ku ’añ | ku vāṅ | ku veṅ | ku loñ |
{21}   ku tāṅ | ku lā | kon=ku der tai | pau sī | ku maraṃ | ku ’aṃpū | ku smaṅ | kon=kuder sī | ku yāṅ | kon=ku lāṅ tai | der tai | pau tai | ku sap sop | ku laḥ |
{22}   ku subhadra | ku cpoṅ | ku ’āy | ku kantaṅ | ku goy | ku ca’oy | ku yāṅ | ku ta’as | ku’anrok | ku □ □ □ | ku rom | ku vel | ku vai | ku nāk | ku □y |
{23}   ku vāy | kon=ku der tai | ku vau | kon=ku der tai | ku voṅ | ku par | ku kāhv |kon=ku lāṅ tai [| ku] ji □ □ [| kon=ku] pau sī | ku syāṃ | kon=ku pau sī |
{24}   ku ’nak= depa | ku kandin | kon=ku pau tai | ku tāṅ | ku on | ku hor | ku roṅ | kutmār | [ku] □ □ □ □ □ [| kon ku] pau tai | ku □ □ | ku □ [|]
{25}   ku vrau | ku klapit | ku prak | ku praṅ | ku sa’uy | ku kpoñ | kon=ku pau tai | ku □ □□ □ □ □ □ □ □ □
{26}   kñuṃ satra ’āy knar vāhv | vā dharmmahita | vā caṅ | vā sraddhā | vā ’aṃpok | vādvāda[ś]i | vā □ n □ □ □ □ □ □ | vā □ □ □ □ □ □
{27}   vā kmau | ku mās | ku ka’el | ku taṃvau | ku uṅ | ku khal | ku pal | [ku] □ □ □ □ □ □□ □ □ □ □ [|] ku □rvva | ku jmas | ku ya □ □ [|]
{28}   ku devī | ku vrau | ku juṅ tāṅ | kon=ku pau sī | ku ya cāy | □ □ □ □ □ □ □ □ □ □ □ □□ □ □ □ □ □ □ [|]
{29}   ku deṅ | pau tai | vā tmāṅ | ku ya mos | ku raṃnoc vraḥ [|] □ □ □ □ □ □ □ □ □ □ □ □□ □ □ □ □ □ □ □
{30}   piṇda tmur 200 80 1 piṇda krapi □ □ □ □

{1}   ’aṣṭāviṅśottaraṣacchata ta gi pi ket ’āṣāḍha mratāñ medhāvi dmu[k]
{2}   pradāna sre ai ta vraḥ kamratāṅ ’añ śrī śaṅkaraṇārāyana slik 1 [doṅ]
{3}   kñuṃ 3 ka’ol □ □ □ raṅko je □ □ □ □ □ □ □ □ je 1 nu dugdhi yajña 4
{4}   neḥ phoṅ □ □ □ □ □ □ paṃjuḥ vraḥ □ □ □ □ □ □ □ □ . . . . . . . .