Person: ERC team

{1}   kñuṃ ’aṃnoy poñ □ □ □ □ ta vraḥ kamratāṅ ’añ śrī maṇḍaleśvara ○ varī vā t’oṅ | vākan’ās |
{2}   [vā] □ □ □ | vā kandvat | vā □ □ □ □ [|] vā kaṃrāl | vā gandharvva [|] vā bhāvitavya |vā tlos | vā kan’ac |
{3}   vā kansar | vā vettā | vā kansey | vādya vā sramo | vā cke | vā ’asarū | vā vñau | vākyol |
{4}   vā ta’as | vā chau | kon □ṅ [|] vā kaṃhāt | vā tpur | tmir sñak vā jup | ta paṃre tapaṃnos vā kṣirā [|]
{5}   vā klos | [vā] □ □ □ ri [|] vā vñau | vā □ratac | ’nak kantai cmuh kanraḥ [vraḥ] kuraṃtec vraḥ | kon ku | [ku] □
{6}   □□c [|]ku sumitrā | ku □ □ □ kon ku | ku vreṅ | ku kansoṃ | ku ksac | kon ku | ku tviṅ |ku □ga |
{7}   caṃreṅ | ku ’tāṅ | ku saṃ’ut | kon ku | ku saṅhvet | kon ku 2 ku kaṃpen | ku kanheṃ |ku kansoṃ | kon ku □
{8}   ku cke | kon ku | ku saṃ’ap | ku ilā śrī | ku saṃ’ap | ku hāṃ | ku kdoc | kon ku | ku kapkep | ku
{9}   taṃpeḥ | ku suves | kon ku 2 ku vera ple □teṅ | ku utpala | ku yojanā | kon ku 2 ai co
{10}   k ’aṃvil ’amraḥ ’nak vā khala tarkka | vā vṛk | vā ’anrok | vā vrau | vā dāṃ | vā ’antis |’nak kantai
{11}   ku nidra | kon ku | ku svāy | ku kloñ [|]ku kaḥ | ku kak | ku śrī | ku kdol | ku vodī | kukan’in | ku
{12}   vilāsinī | ku vindu | ku vñau | kon ku 2 ku vrau [|] kon ku | ku ca’es | kon ku | kusaṃ’ap | ku ca
{13}   ndān | kon ku | ku pamat | ku gurukarmma | kon ku 2 ku sap ’nak | kon ku | ku sramo| kon ku 2 ku ca
{14}   ndān | ku □ jal | kon ku | ku srak | kon ku | ku māya | ku kalkap | ku tkā | kon ku 2 ku’gak [|] ku dradāp | ku kcan | ai taṅ=kut ’amraḥ ’nak vā ’gat | vā pran | ’nak kantai ku vrauhv |kon ku | ku vnāk ta
{16}   mān | ku cke | ku kanseṅ | ku vrauhv | ku kansaṃ | kon ku 2 ku □y | kon ku 2 kukañca□ | ai cdiṅ
{17}   ramaṅ ’amraḥ ’nak vā kañcas | vā sre | vā tur | vā khaṅ jat | vā □mras | vā marṇṇuvnāk | vā jaṅ jaṅ |
{18}   vā tpoñ | vā vrauhv | ’nak kantai ku saṃ□ | kon ku 3 ku khmau | ku kandhik | ku □ □ |ku māy | ku kan’āṅ |
{19}   kon ku 2 ku dhuli | ku kmās | ku ’anrok | ku la □ □ □ □ [|]ku lo□ | kon ku | ku ’at it | kula
{20}   ṅāc | k[u] viragadeśa | kon ku | ku ’antek | □ □ □ □ □ □ □c | kon ku 2 ku kalpit | kuksac |
{21}   sre ai cok ’aṃvil tnal □ □ sre ai taṅ=kut tnal □ □ sre ai cdiṅ
{22}   ramaṅ phoṅ tmur 40 10 1 krapi 10 □ □ □ □ □ □lā

{1}   1126 śaka vraḥ rāj[y]a vraḥ pāda kamrateṅ ’añ śrī jaya
{2}   varmmadeva gi nu vraḥ pā[da kamrateṅ ’añ] kalpanā [ta ka]
{3}   mrateṅ jagat śaralāyatana cuṅ oy saṃnvat duk caṃnāṃ ta kamrate
{4}   ṅ jagat yajña [ta vraḥ] raṅko liḥ vyar vṅya [chmāp] mvay □ □ □ □ □ □ □
{5}   gandha tanlap mvay vi mvay saṅkrānta khñuṃ ta phle caṃnāṃ noḥ □ □ □ □
{6}   □ □ □ ’antāṃ □ phsaṃ vyar [khñuṃ ta] phle bhūmi panla □ □ □ □ □ □ □
{7}   ’antāṃ ti teṅ tvan ’sa □ □ □ □ yugapat oy dāna [roḥ ta]
{8}   pāñjiy phtyaṅ ni pre □ □ □ □ □ □ □ □ □ □ □ □ □ □ □
{9}   ti yugapat nu ’nak sap bhāga thve roḥ phtyaṅ

{1}   k[u] m . . . . . . . . . . . .
{2}   vā kandās | ’ame slā . . . . . . . . . . . .
{3}   ku maṅ | ku smom 1 vā kmak | . . . . . . . . . . . .
{4}   śakaparigraha 605 pañcami ro[c] . . . . . . . . . . . .
{5}   nakṣatra mratāñ vidyākīrtti oy dā[sadāsī] [ta vraḥ kamratāṅ ’añ śrī ’ama]
{6}   reśvara ’aṃraḥ vā tvāl | vā kvan | dn . . . . . . . . . . . .
{7}   vā knoc ta ’nak kantai ku vñau [|] kon ku kaṃpañ . . . . . . . . . . . .
{8}   vā tal tol | ku croñ | ku ’anaṅ | kon ku vā tlos | vā utpala | pau □ □ □ □ □
{9}   ṅ 10 □ tmur dneṃ 5 pādamūla ta ’anau varī panlas | viśeṣagup | poñ □ □ □
{10}   raṅko so caṃnaṃ ge ’āy ta vraḥ kamratāṅ ’añ liḥ 2 paṃnos paṃjuḥ ta hvera kñuṃ tavraḥ
{11}   kamratāṅ ’añ gi ta svāṅ gi ta gi divasañcār sthita nau vā ta daṅ kmi sakk neḥ kñuṃpradāna droṅ neḥ
{12}   raṅko caṃnaṃ ge ’āy ta vraḥ kamratāṅ ’añ śrī ’amareśvara ○ ’aṃpall kula ge phoṅyāvat
{13}   sūryyacandrasya tāvat narakaduḥkhitāḥ || kñuṃ ’aṃnoy mratāñ iśvaravindu ta
{14}   vraḥ kamratāṅ ’añ suvarṇṇaliṅga dauṅ vraḥ kamratāṅ’añ mani[śi]va psaṃ upabho
{15}   ga ta vraḥ kamratāṅ ’añ śrī ’amareśvara ’aṃraḥ vidhivala | ’aṃraḥ phala | vā p’eṃ | vā
{16}   kmau | vā ksān | vā tkaḥ | vā ’añes | vā kañces | vā cap mān | vā sudat | vā ratnapāla|
{17}   vā kansiṅ | vā klaṅ ’asa | vā caṭaka | ge 10 3 ku vrau | kon 4 ku syāṃ | kon 1 [|]ku’nak dai |
{18}   kon 2 [|]ku utpala | kon 4 [|] ku kaṃvut | kon 2 [|] ku vilāssā | kon 3 [|] ku pkāy | kon3 [|] ku nanāṅ |
{19}   tmur jmol 10 1 canmat 4 ksor 10 7 ○ gi tel oy ta vraḥ kamratāṅ ’añ suvarṇnaliṅga doṅ
{20}   maniśiva psaṃ upabhoga ta vraḥ kamratāṅ ’añ śrī ’amareśvara ge ta tve viptya g[e]saptapitā sapta
{21}   mātā pañcamaharau[ra]vanarakāḥ patanti ○

{Left fragment1} na kantai □ □ □ □ {Left fragment2} ṅ | kon ku pau si {Left fragment3} lā □ □□ □ □ □ □ □ □ {Right fragment1} oy dāna ta vraḥ svāmi puṇya {Right fragment2} ghoda vāvrau | ta kantai {Right fragment3} ’aras | tmur canmat dneṃ 1 {Right fragment4} ra māla |

{1}   923 śaka nu vāp dirgha hor oy saṃnvat [ta] vraḥ ’ālakṣana man karuṇā ti trā
{2}   ta praśasta nā vraḥ kaṃmrateṅ ’añ candiya ○ neḥ gi roḥh saṃnvat ○ ’añ khñuṃpaṃcyaṃ dirgha
{3}   hor kaṃmrateṅ jagat śaṃmbhupura oy saṃnvat pi paṅgaṃ thpvaṅ nivedana ta dhūlivraḥ pāda dhū
{4}   li jeṅ vraḥ kaṃmrateṅ ’añ ta paramapavitra nu kṛtajñabhaktiy ○ gi roḥh kīṃluṅṅ vraḥ
{5}   praśasta ’anau nā kaṃmrateṅ jagat śaṃmbhupura kaṃsteṅ śrī ’ānantyaśiva kaṃsteṅṅśrījayo
{6}   nnatha kaṃsteṅ śrī dhūtarāśi kaṃsteṅśrī bhagavan ukṛṣṇa ○ neḥ syaṅ rājakula vraḥpāda
{7}   parameśvara dau paṃmre cap janma ta kaṃmrateṅ jagat śaṃmbhupura ○ neḥkaṃmrateṅ ’añ ta pva
{8}   n gi vraḥ janani kaṃmrateṅ ’añ ○ kaṃsteṅ śrī ’ānantyaśiva nu kaṃsteṅ śrī janonnathasthāpa
{9}   nā kanlo[ṅ] kaṃmrateṅ ’añ pūrvvapaścima ○ cat sruk duk khñuṃ praśasta ta santāna’añ khñuṃ paṃcyaṃ
{10}   pre paṃmre ta kaṃmrateṅ jagat nu kanlo[ṅ] kaṃmrateṅ ’añ ta vyar ○ chloñ śrīnivāsana ta
{11}   kvan prasā kaṃsteṅ śrī ’ānantyaśiva duk vraḥ kośa ta kaṃmrateṅ jagat jvan khñuṃkalpanā
{12}   yajña liḥ vyar tvaṅ snel mvāy vraḥ gandha mvāy tanlāpp dik sroṅ noṅ vyar vṅya snāpta
{13}   vraḥ pranā[l]a mvāy bhājana jhe māgha mvāy kalpavṛkṣa mahānavamīy mvāy ○ neḥ
{14}   ti praśasta ta santāna ’añ khñuṃ paṃcyaṃ gi ta pre khñuṃ neḥ pradvān oy kalpanāneḥ lvoḥ
{15}   ta ’añ khñuṃ paṃcyaṃm oy kalpanā ta roḥh neḥh lvoḥ iluv grap ley ○ kaṃsteṅṅ
{16}   śrī bhagava ukṛṣṇa sthāpanā vraḥ kammrateṅ ’añ vāyavya sthāpanā vraḥ kaṃmrateṅ’añ
{17}   chdiṅ taṃmrek unila kaṃmrateṅ jagat gaṅgoṅ ○ kaṃsteṅ śrī dhūtarāśi sthāpanā vraḥkaṃmra
{18}   teṅ ’añ ta rāja ’āy sralāy cuṅ duk vraḥ caru ’āy sralāy teṃ ○ neḥ gi roḥh ka
{19}   lpanā kaṃmrateṅ ’añ ta pvān ta kaṃmrateṅ jagat śaṃmbhupura nuv devatā pramānśaṃmbhupura pho
{20}   ṅṅ ○ man ’añ khñuṃ paṃcyaṃ khñuṃ teṃ kaṃmrateṅ kaṃtvan ’añ gi pi dval vraḥkarunā ta paramapavitra ○
{21}   ’añ khñuṃ paṃcyaṃ mān vraḥ karunā ta paramapavitra ta gi rāj[y]a vraḥ pāda stacdau śivapada ti pre o
{22}   y thṅāy ta kaṃmrateṅ jagat śaṃmbhupura nuv devatā pramān śaṃmbhupura phoṅṅ ○gi pi dval vraḥ
{23}   karunā ta paramapavitra leṅṅ noḥ gi ta jā siddhi piy santāna ’añ khñuṃ paṃcyaṃ volpradvā
{24}   n leṅ lvoḥ sthirāvasāna ○

{3}   pañcaviṅśottarasaptaśata śakaparigraha gi nu [kanheṅ kamrateṅ]
{4}   ’añ ta cpoṅ kvan kanheṅ kamrateṅ ’añ śrī jayendra□rabhā [cau]
{5}   kanheṅ ’añ śrī nṛpendradevī cau dvot vraḥ kamrateṅ ’a
{6}   ñ śrī indraloka jvan kñuṃ ’āy ta vraḥ kamrateṅ ’añ śrīmad ’āmr[ā]
{7}   taka kñuṃ vnok ’muḥ dik sroṅ pamas gandha kuruṅ kṛtajñavana [ta] jmaḥ ku
{8}   rek kanyāt gi jmaḥ ’nak kloñ ta prabhū ta gi nuhv vibhava gi sa
{9}   rvvapinda gi kñuṃ nuhv tmonn 9 rūpyabhājana karap gi svok laṅgau cnaṅ
{10}   laṅgau ’ahvek laṅgau ○ vṛtti ta gi tmon canlek 20 yau □ krapās tu
{11}   l 4 jyeṅ 10 gmuṃ ’antvoṅ 3 mās 6 lṅo tloṅ 1 je 1 tvau tloṅ 1 je 1
{12}   śunthī je 3 liḥ 9 kalmon jyeṅ 9 srū tloṅ 4 je 2 . ’nāc gi can
{13}   lek pan’eṅ yau 10 karap praṇāla yau 1 tnas □ □ yau 1 tnas tnal yau □ varṣā paṃnvos tapjuḥ yau 3 paṃnvas ta taṃtaṃ carū yau 2 paṃnvas kloñ tā □
{15}   □ tapra mān ta gi vṛttī yau 1 śunthī liḥ 3 vraḥ puṇya nai bhagavat kamrateṅ ’añ
{16}   utkṛṣṭa yau 5 krapās tul 1 ’muḥ dik sroṅ yau 1 pamas gandha yau 1 vraḥ
{17}   puṇya kamrateṅ ’añ guru suvīra yau 1 gmuṃ ’antvoṅ 2 nu cāṃ carū nu sroṅ
{18}   pañcotsava gmuṃ ’antvoṅ 1 mās 6 nu duñ pareṅ canlek yau 2 duñ ṅra
{19}   ṅor krapās tul 1 duñ pareṅ tul 2 jyeṅ 10 duñ caruk śunthī je □
{20}   liḥ 6 duñ slā nu carukk lṅo cāṃ pañjut tvau cāṃ carū kalmon caṃ sandhyā
{21}   srū satra paṃnvas ta pjuḥ 20 4 paṃnvas ta taṃtaṃ carū tloṅ 10 8

{5}   ’aṃnoy ge kloñ vau ’añ ’ame poñ nirjjita
{6}   siṅha ta vraḥ kamratāṅ ’añ śrīmadāmrāta ti oy
{7}   ta poñ candravindu kñuṃ vā □ □ □ □ □ □ | vā vari | vā raṃ □ □
{8}   pa | vā kaṃvraḥ | vā ’nas | vā su□nanda | vā vari | vā vra
{9}   □ □ṅ | vā mukhamātra | vā jmeṅ | vā sāhv | vā □ □ □ □
{10}   □ □ | vā ’anāhv | vā □p | vā □ndra paṅ □ nnā 2 10 1
{11}   [ku] mal ta mān | kon 1 ku lā kaṃ kon 2 ku vāṅ ku layā
{12}   □ | kon 2 ku tralā svāl | kon 1 ku vakāhv | kon 1
{13}   ku kvan | kon | ku jatu | kon 2 ku slā vrai |
{14}   kon 2 ku sunāga | kon 2 ku uṅvai | kon 1
{15}   ku voñ | kon 1 ku mālā □ | kon 1 ku ’me □
{16}   vrai | ku māṅ sopacita | ku hannā vai | kon
{17}   sre travaṅ rhvaṅ sanre 1 sre bhāskaravin pāda 1
{18}   sre man mratāñ [ya]jamāna oy +

{1}   viṅśottaraṣaṭśata śakaparigraha □ □ □ □ □ □ □ □ □ □ □
{2}   □ □ □ □ □ [ha]stanakṣatra vrahaspati[dinavāra] mratāñ
{3}   upatyasvāmi oy vraḥ kamratāṅ ’añ śrī vacasvīśvara
{4}   doṅ gi kñuṃ phoṅṅ ai ta poñ sarvvadatta kon mratāñ
{5}   poñ sarvvadatta oy nu poñ śivarāmapāla □ □ i
{6}   vraḥ ta mān □ □ . . . . . . . . . . .

{11}   ’aṃnoy kurāk kloñ vyādhapura ’āy ta vraḥ kamratāṅ ’añ śrī rudramahālaya
{12}   kñuṃ ta si ○ vā tmeṅ ○ vā vṅā [○] vā ’aras nai ○ vā kantek ○ vā kaṃdot ○vā kpaṅ ○ vā mratāṅ ○ vā mra
{13}   sañ ○ vā kros ○ vā can ○ vā carita ○ vā kañjā ○ vā daśamī ○ vā kaṃhāk ○vā khal ○ vā kvoṃ ○
{14}   vā nirguṇa ○ vā srāṅ ○ vā klaṅ ’aras ○ vā cpit ○ vā taṅ ku ○ vā vrau ○ vāraṃnoc vraḥ ○
{15}   vā vṛddhi ○ vā tmāṅ ○ vā pleṅ ○ vā kandoc ○ vā chaṭṭī ○ vā cloṅ ○ vā’anrok ○ vā
{16}   ktāṃ ○ vā tye ○ vā □vl□ lāṅ ○ vā drañ ○ vā kmen ○ vā dmik ○ vā vātahara○ vā vācamātra ○
{17}   vā kmau ○ vā taru □ □ ○ vā skāk ○ vā kandin ○ kñuṃ ta kantai ○ ku kdaikon ku vā kandaṃ [○] ku □
{18}   rek ○ ku srī ○ ku srac jīva kon ku ○ vā kdap [○] ku mās tān ○ ku kvan [○]ku ’anrok [○] ku cke ○
{19}   ku saṃ’ap ○ ku cpit [○] ku caṃnaṃ cān ○ ku lajeṅ [○] ku kjaṅ vā ka’or[○] ku cnai
{20}   ku ṭikā [○] ku kanpuc [○] ku seṅ vā hyaṃ [○] ku vrahey vā raṅko vākaṃhañ [○] ku santap
{21}   vā cancān [○] ku tanma rū [○] ku kaṃveṃ [○] ku ’anek [○] ku kantyar vākamar [○] ku laṅ vā laddu [○] ku □ k
{22}   vrau [○] ku ya noc [○] ku smau [○] ku ’aṃvikā [○] ku kdai [○] ku ’aras vā’anrok srāṅ [○] ku □ □
{23}   cancān [○] ku vrau [○] ku □ □ dharmma vā □ □ [○] ku ’aras ’āy [○] kukaṃru [○] ku kañjar [○] ku jmā [○] ku kaṃ
{24}   □ kñuṃ tāñ suvarṇṇa man parigraha ta kurāk vyādhapura [jon]
{25}   phoṅ ta vraḥ kamratāṅ ’añ śrī rudramahālaya ○

Temple at Cong Ang ប្រាសាទជើងអង or Cheung Ang, Cambodia. Satellite view (Wikimapia).

Temple at Cong Ang ប្រាសាទជើងអង or Cheung Ang, Cambodia. From N. E.

Temple at Cong Ang ប្រាសាទជើងអង or Cheung Ang, doorframe showing attached pillar and inner jamb with part of inscription K.99.