K.56 Stele of Kděi Aṅ

{A25}   □ □ sruk □ □ □ bhūmi toy pūrvva . . . . . . . . . . . . . ○ dakṣiṇa githnal ta
{A26}   □ □ ○ uttara saṃdip kaṃveṅ □ □ □ □ □ □ □ □ □ □ □ □ □ □ □ □ □ □ tagi sruk [.] si 20 8 tai [30 6
{A27}   phsaṃ] phoṅṅ [.] 60 4 ○ sruk vrai kak [.] ’nak ta gi [.] si 5 tai □ □ □□ □ ’aṃvval bhūmi toy pūrvva lvah □ □ □
{A28}   [da]kṣiṇalvah travāṅ canlo □ ○ paścima lvah phlū □ □ □ □ □ nvikk ○uttara lvah travāṅ thlā □ □
{A29}   □ □ 10 1 pau 2 phsaṃ 20 2 ○ ’nak ta paṃre nā ’āśrama [.] si 8 tai 3kvan □ □ □ □ ○ sruk thmī [.] ’nak ta gi [.] sī 4 tai □ □
{A30}   □ [.] ’nak ’āśrama nai[ṛ]tīdaṃnep jvann ta gi sruk pvānn [.] 100 20 2○ vraḥ cucyanna liḥ 2 cuḥ ’āy □ □ □
{A31}   □ □ ta ’āśrama ○ nivandhana chloñ ta mukhya ta pvānn [.] srū thlvaṅ2 je 2 mimvāy ’nak ○ chloñ kāri ta vyar □ □
{A32}   □ □ thlvaṅ 5 mimvāy ’nak ○ ’abhyāgata ta lvah ta gi ’āśrama paṃretoy śakti □ □ □ □
{A33}   □ □ dana saṃ nu kuṭi naiṛtiya ○ gi caṃnāṃ roḥh kalpanā yajamāna○ sruk man jvan □ □
{A34}   □ □ [pu]ṇḍarikākṣa man sthāpanā ’āy sruk vrai ’anlam ○ bhūmi [.] tipūrvva lvah travāṅ jrau [ti]
{A35}   [pa]ścima lvah travāṅ trapekk ○ ’aṃvi travāṅ trapekk dau ti uttaralvah prasap □ □
{A36}   □ □ ta gi muṃ sthalā paścimagneya dau pūrvva lvah śivaruci [.] ’nakgi si 20 4 [○]
{B25}   tai 20 9 gvāl 1 rat 2 pau 4 [.] phsaṃ 60 ○ sruk ransi [.] gvāl ○ bhūmi[.] toy pūrvva iss piṅ ○ dakṣiṇa lvah can
{B26}   hvar prasap jnāṅṅ ○ paścima lvah ta gi lañjāyy ○ uttara lvah canhvarmuṃ panliṅṅ ○ ’nak ta gi [.] si 10 7 tai 20 6 pau 5 [.]
{B27}   phsaṃ 40 8 ○ ’nak ta tāṃ ’aṃvau [.] si 5 tai 5 [.] phsaṃ 10 ○ ’nak tapaṃre [.] si 7 tai 6 kvan 2 [.] phsaṃ 10 5 ○ phsaṃ khñuṃ daṃnep jvann □
{B28}   si 40 13 tai 60 6 gvāl 1 rat 2 pau 10 1 ○ phsaṃ phoṅṅ [.] 100 20 2vraḥ kamrateṅ ’añ puṇḍarikākṣa yajña sa’e
{B29}   k=ra [.] liḥ 1 dau ta cañ vanḷ [.] śucyanna liḥ 1 ta chloñ ta pūjā ○saṃvibhāga liḥ 2 cuḥ śāla ○ devayajña [.] liḥ 2 dov
{B30}   ta pamek nu mahānasa yapp [.] liḥ 2 dau ta chloñ pūjā [.] liḥ 1 ta’nak vraḥ [.] liḥ □ pūjā vraḥ kamrateṅ ’añ
{B31}   puṇḍarikākṣa [.] chloñ ta phjuḥ krau ta vyar nivandhana mimvāy’nak [.] srū thlvaṅ 10 □ khñuṃ vraḥ kamrateṅ ’añ puṇḍari[kākṣa] □ □ ’nak’āśrama velā di
{B33}   k vraḥ rājyaśriya dau paṅgaṃm ○ dau ’nak 2 ○ kulapati ’āśramanaiṛtīya gi [ta thve] [pū]jāvraḥ kamrateṅ ’añ
{B34}   puṇḍarikākṣa ○ vraḥ kamrateṅ ’añ ’āy stuk veṅ saṃ gaṇa nukaṃsteṅ jagat piṅ thmo velā dvādaśī
{B35}   rmmāṃ 2 caṃryyāṅ 5 pile 1 uḥ dik sroṅ mahānasa mok thvesaṃvibhāga 1 liḥ 4 cuḥ śāla ○ bhūmi vraḥ kamra
{B36}   teṅ ’añ stuk veṅ ○ toy ’agneya vraḥ sre 4 ○ dakṣiṇa srukk ’aṃvi ta gijeṅ kaṃve[ṅ]lvah travāṅ thmī
{C25}   paścima ○ phlū dau mokṣālaya dakṣiṇa svāy thvunn viñ lvah prasapsre teṅ sakk sre jeṅ □ □ □
{C26}   thlān slāp ○ sre kansev [.] ti pūrvva tarāp phlū toy paścimabhadrapura dau lvah ta gi phlū mādhava
{C27}   ’aṃvi ta gi phlū mādhavapura dau paścima lvah ta gi ransī jor ○’aṃvi ta gi ransī jor lvah ta muṃ travāṅ gamryā[ṅ ti]
{C28}   īśāna ○ ’aṃvi ta gi muṃ travāṅ gamryāṅ ti vāyavya dau paścimachloṅṅ subhava lvah khnap it ○ ’aṃvi [khnap]
{C29}   itt dau dakṣiṇa lvah travāṅ viṅ=vneṅ ○ ’aṃvi travāṅ viṅ=vneṅ daupūrvva lvah ta gi thnal chloṅ dharmmapāla ta dau [’a]
{C30}   mṛtapura○ ti dakṣiṇa gi pralāy ta dau subhava ○ ’aṃvi muṃ travāṅgol ti ’agneya dau lvah travāṅ jaitaraṅga
{C31}   □ □ ippa paṅgvay ’me śrīteja dau lvah kaṃvaṅ jhe ti dakṣiṇadharmmapaṭṭana śata 1 caṃṅāy gus gi ta bhūmi dharmma
{C32}   paṭṭana ○ ’aṃvi ta gi saṃpar cyakk dau vāyavya lvah travāṅ gol ○’aṃvi muṃ travāṅ gol lvah pvār [○] ’aṃvi ta gi pvār lvah
{C33}   travāṅ khmoc dakṣiṇa vnnur □ □ □ dau paścima lvah ta gi pvārpaścimaka naiṛti dakṣiṇa svāy □ □ ta lvah phlū v □
{C34}   vryyaṅṅ ○ ti pūrvva lvah chdiṅṅ ○ ’aṃvi travāṅ gol ta īśāna lvah tapvār □ □ vikrama ○ pūrvva gi paṅgvay vāp dā nu ste
{C35}   ñ ’ass dau īśāna dau ka vāp dā steñ ’ass ○ sre suṅnāy dol ti vāpcakra oy thnvar sre ’nak stuk ve
{C36}   ṅ ’āy vrai vihāra ○ khñuṃ vraḥ kamrateṅ ’añ ’āy kantāl [.] si 100 101 tai 200 gvāl 20 lap 10 rat 40 10 6 pau 10 9 [○]
{D25}   …………….. (traces) ………………..
{D26}   □ □ □ 10 8 ○ khñuṃ vraḥ …………………..
{D27}   □ □ □ kamrateṅ ’añ śrī ……………
{D28}   □ □ ’añ bhagavatī yo 10 4 ……………..
{D29}   □ □ je 1 uttara je 1 vraḥ ka[mrateṅ ’añ] ……………..
{D30}   □ la nivandhana chloñ ta ’ac …………………………..
{D31}   dharasvāmi thlvaṅ 30 ○ vraḥ ka[m]ra[teṅ ’añ] ………..
{D32}   □ rājadvāra ’āy ta ………………………….
{D33}   □ svāmi thlvaṅ 2 vraḥ ka[mrateṅ ’añ] …………………………
{D34}   chloñ kāra niva[ndhana] □ □ □ □ □ chloñ rājadvāra □ □ □ neḥ mvāytoy □ □ □
{D35}   ta nivandhana thlvaṅ 10 ○ sre vraḥ kamrateṅ ’añ devāriñjaya [.] toypū[rvva]
{D36}   lvah ta tī prasap sre ’aṃlau ta vāṅṅ ○ paścima lvoḥ travāṅ thlā uttaralvoḥ travā[ṅ] □
{D37}   □ ḥh vrah pāda ○ gi nā dauv yajña ○ chloñ ta mukhya velā cuḥ ’aṃvipaṃre sa’ek=ra □ ◙ (C: 37) velā pañcamī dvādaśī mahotsava phoṅ cuñ ’añjeñdik ’nak kuṭi naiṛti nāṃ yajña liḥ 2 chloṅ ta siṅ ta cuñ ’añjeñ dik [.]