Old Khmer

{1}   ’ājñā vraḥ kaṃmratāṅ ’añ ni vraḥ kaṃmratāṅ ’añ sva[yambhū]
{2}   puṇya poñ tāṅ pramathagaṇa ’aṃnoy po[ñ] [tāṅ]
{3}   sr[e] stuk kanlāṅ sre kloñ naṃ sre jnaṅ taṃve mo □ □ □
{4}   sr[e] ai travaṅ=kurāk sre teṃ ’agasti ai ta kpoñ stau doṅ vraḥkaṃmra[tāṅ] [’añ]
{5}   puṇya ’aji poñ tāṅ [doṅ] vraḥ śrī gaṇapati puṇya poñ vrahmakumā[ra] □□ □
{6}   sre ’aṃnoy ta vraḥ tṅai luc vraḥha sre travaṅ kandin sre jnaṅ pnā □ [poñvrahma]ku
{7}   māra dauṅ ge kñuṃma tel poñ oy ta vraḥ kaṃmratāṅ ’añ śrī ganapati[dauṅ]
{8}   ge kñuṃ poñ tāṅ tel oy ta vraḥ svayaṃbhu ge vraḥ phoṅ tel [vraḥ]
{9}   kaṃmratāṅ ’añ śrī jayahvarmma oy ta poñ īśvaracita nu poñ paṃ[re ta gipramatha]
{10}   gaṇa ge ta dap gi ge ta pre roḥ gi ge ta cer ’ājñā vraḥ kaṃmratāṅ ’añ[ge daṇḍa]
{11}   mratāñ kuruṅ vikramapura pre mratāñ kloñ rājagraha caṃ □ □ □ □ □ □
{12}   killa gi noḥ vnok ka vraḥ ta nu poñ tāṅ paṃre ta gi pramatha[gaṇa][poñ] [ī]
{13}   śvaracita kan=moy kaṃton poñ tāṅ □ □ □ □ □ □ □ [poñ]
{14}   tāṅ ta gi pramathagana gi ta nā neḥ śa □ □ □ □ □ □ □ □ □ □ □ □
{15}   ta mratāñ sudarśana bhāgavata cau . . . . . .

{1}   □ □ □ □ □ □ □ □ □ □ □ □ □ □ □ □ □ □ □ □ □ □ □
{2}   □ □ □ □ □ □ □ □ □ □ □ □ sre □ □ □ □ □ □ sre □ □
{3}   □ □ □ iṅ mās 3 sre man jau ta kloñ mādhu □ □ □ □ □ □
{4}   □ 3 raṅko liḥ 3 □ ta □ □ □ □ □ □ tpa □ □ □ □
{5}   □ □ k □ □ □ □ □ 3 sr. ’antara paṃnos ta gi □ □ tpal □ □
{6}   ka gi tel □ □ □ □ □ □ □ □ □ □ □ □ □ □ □ □ □ □ □ □ □
{7}   □ □ □ □ □ □ yajamāna □ □ □ ñ kamratāṅ ’añ .i
{8}   □ □ □ raka □ n ta pradāna vraḥ yama phoṅ ge laṅ ge □ gi

{A17}   □ □apayātavana ○ vrai khlā ○ parvvar ○ teṃ duḥsaṃ rlāp danlā
{A18}   □ pi □ □ndā ○ vadanā ○ travāṅ ’aṃnyāṃ ○ vidyādharmmā ○
{B1}   □ □ □ □ □ □ □ □ □ □ □ □ □ □ □ kamrateṅ ’añ □ □ □ □ □ □ □ □ □
{B2}   □ □ □ vraḥ pāda kamrateṅ ’añ paramakaivalyapada ta vraḥ □ □ □ □ □ □□ □ □ □
{B3}   sūryyaparvvata loñ [’]so loñ kadāyuḥ teṅ vasā teṅ □ □ [teṅ] □
{B4}   cī loñ caṅ loñ □ □ teṅ gaṅ loñ mūla loñ [dha]nañjaya loñ □ [loñ] □
{B5}   ṅ □ ṅ teṅ nī teṅ dic loñ jai teṅ priya loñ vut teṅ snā □ [teṅ]
{B6}   vān loñ □ □ teṅ spat loñ can teṅ kās teṅ suvṛṣṭa teṅ su □ □
{B7}   teṅ laṃheṅ teṅ śrī teṅ umā teṅ u teṅ creṅ loñ sthira loñ □ □
{B8}   rkka loñ vṛddhi loñ □ teṅ sān teṅ rāy loñ slut teṅ □ □ □
{B9}   ṅ krai loñ sān loñ lāy teṅ sarāga loñ srū teṅ sra □
{B10}   loñ □m teṅ dhi loñ jun teṅ dhān teṅ kṛṣṇa loñ sthira teṅ □
{B11}   teṅ ’a □ teṅ □ ra □ ūti teṅ jvan teṅ sāṃ teṅ lakṣmī teṅ □ ṅ □ teṅ
{B12}   pa □ □ ṅ □ teṅ travāṅ phle loñ vara teṅ cau teṅ nī loñ sthira teṅ □
{B13}   teṅ g □ loñ cañ teṅ cau loñ dhī loñ gaṅ caṃ rlāp danlā taṃṅai srā
{B14}   ṅ gol sīmāvadhi ta gi bhūmi noḥ toy pūrvva tarāp canhvar toy dakṣiṇa
{B15}   tarāp vnāṅ toy paścima tarāp kantāl piṅ toy uttara prasap ta bhūmi
{B16}   jeṅ chdiṅ bhūmi ta saṃ nu rlāp danlā ’anle vyar rāṅ nu rkkā syaṅ tasrāṅ gol
{B17}   sīmāvadhi ta gi caṃnāṃ kalpanā phle bhūmi noḥ ta ’anle pi ti ’nak taroḥh neḥh
{B18}   phoṅ thve raṅko saṅkrānta je 1 karttika thlvaṅ 4 dīpa catusahasra vraḥvasana yau □
{B19}   vlaḥ śāṭakā yau 4 ○ jaṃnvan ta kamrateṅ jagat chnal teṅ nila teṅ spat
{B20}   teṅ vasanta loñ saṃ teṅgauri teṅ sarāga caṃnāṃ kalpanā ti ’[n]ak taroḥ noh
{B21}   thve raṅko saṅkrānta je 1 ○ jaṃnvan ta kamrateṅ jagat śrī vṛṣadhvajate[ṅ] ṅe teṅ ratna
{B22}   teṅ lābha loñ siddhikāra loñ sai teṅ dep teṅ sram caṃnāṃ saṅkrāntaje
{B23}   kanlaḥ karttika raṅko je 2 dīpa slik 1 śāṭakā yau 1 ○ jaṃnvan takamrateṅ jagat
{B24}   vnaṃ vvas teṅ ṛddhi loñ śrādhara teṅ śaśi caṃnāṃ saṅkrānta raṅko jekanlaḥ karttika je
{B25}   2 dīp slik 1 śāṭakā yau 1 ○ jaṃnvan ta kamrateṅ jagat toṅ carāp teṅcren
{B26}   teṅ vīja loñ dhi ni caṃnāṃ saṅkrānta raṅko je kanlaḥ karttika je 1 dīpaśata 2 śāṭakā
{B27}   yau 1 ○ jaṃnvan ta kaṃmrateṅ jagat vnaṃ hveṅ teṅ vrahma teṅ vasaloñ ’aṅgāra loñ
{B28}   sthira teṅ vāṅ teṅ vraḥ loñ caturvveda teṅ bhāgya nī caṃnāṃsaṅkrānta raṅko
{B29}   je kanlaḥ karttika je 1 dīpa śata 2 śāṭakā yau 1 ○ nau ’nak ta ñyā[ṅ]pa
{B30}   ripālana dharmmārambha caṃnāṃ kalpanā ta roḥh neḥh mānsvarggāpavargga ri ’na
{B31}   k ta paṃpat dharmmārambha neḥ le[ṅ] ’nak noḥ dau ta durggati ○
{C1}   teṅ dep
{C2}   loñ cāṃ vnaṃ

{15}   939 śakka maṅyanakṣatra ta gi rājya dhūli vraḥ pāda kaṃ
{16}   mrateṅ kaṃtvan ’añ śrī sūryyavarmmadeva gi nu ’añ ta jmaḥ ste
{17}   ñ śivācāryya vnur sramo thvāy saṃnvat pi vraḥ kaṃmrateṅ ’añ śrī
{18}   vīrendravarmma paṅgaṃ thpvaṅ nivedana cuḥ vraḥ ’ālakṣaṇa ta vraḥkaṃmra
{19}   teṅ ’añ śrī vīrendravarmma pandval ta ’añ pi oy gi bhūmi yoge
{20}   ndrālaya nu yogendrapura man ti jau ○ yogendrālaya ti jau ta
{21}   mratāñ kaṃpan khñu[ṃ]mvāy taṃmrek tul mvāy nā yogendrapura
{22}   man jau ta mratāñ khloñ saṃvaṅ kantāl canlyak
{23}   bhai mvāy neḥ syaṅ ti cāṃ caṃnāṃ ta kaṃmrateṅ jagat
{24}   śrī vṛddheśvara khñuṃ man duk ta ’āśrama yogendrālaya tai
{25}   dharmma tai māgha tai nila tai taṃpa ti pre oy raṅko je mvāy
{26}   saṅkrānta ○ nā yogendrapura ge khñuṃ ta gi tai kanhyaṅ ti duñ tamratā
{27}   ñ khloñ vnur kh’vāl sru bhai mvāy kalmvān vi vyar tai kansyān
{28}   ti duñ kryau mvāy sru tap tai veda sru bhai mvāy neḥ ti pre
{29}   oy caṃnāṃ purṇṇamī ’māvasyā raṅko je kanlaḥ prati
{30}   pakṣa neḥ syaṅ ti thvāy jā vraḥ rājadharmma ○ ti
{31}   ’añ svaṃ leṅ ’āc ti ’añ ta paṃnvas pvās paripā
{32}   la vvaṃ ’āc ti ’āyatva ta kaṃloñ phoṅ nu kaṃha
{33}   ss ○ vvaṃ ’āc ti mān nā ’āyatva ta dai ti leṅ santā
{34}   na ’añ phoṅ nau ruv kule ’añ gi ta paripāla
{35}   riy ’nak ta paṃpāt dharmma neḥ ge svey doṣa ta
{36}   gi s □ □ j □ n □ s nu santāna riy ta paripāla mān dharmma

{1}   □□7 śakka ta gi rājya ○ dhūli vraḥ pāda kaṃmrate
{2}   [ṅ] ’añ śrī sūryyavarmmadeva ○ gi nu ’añ jau bhūmi neḥ
{3}   ta mratāñ kaṃpan drāvya nu ’añ jau bhūmi taṃmrak tul 2
{4}   ’aṃvi ta gi thnval travāṅ ti pūrvva lvaḥ ta gi thnval ti dakṣiṇa
{5}   cat ’āśrama dūk jmaḥ yogindrālaya duk caṃnāṃ sa
{6}   ṅkrānta raṅko je 1 ’āy vraḥ vnaṃ kaṃpruṅ khñuṃ ta o
{7}   y neḥ tai kap ti duñ ta mratāñ khloñ vnur kha’val
{8}   svok 1 jyaṅ 2 liṅ 10 chnāṅ laṅgau 1 jya[ṅ]2 khal prāk 1 li
{9}   ṅ 3 kalmvān vi 3 canlyak yau 1 tai māgha kalmvān vi 10
{10}   taṃmryak jyaṅ 10 thyāṃ yau ’aṃval yau 3 vāp vai grāmavṛdhi
{11}   samayuga nu mratāñ khloñ vnur kha’val nu loñ trvāc
{12}   vala oy tai māgha ta ’añ tai dharmma taṃmrek tul 1 mratāñ
{13}   khloñ ’acās ta oy tai panhe[ṃ] ’nak vyādhapura vvaṃ ’ā
{14}   yati duk nila cvāl

{11}   1038 śaka gi nu vraḥ kamrateṅ ’añ vnaṃ rhek ta jā tapasvi rājakāryyata pvās ’anau
{12}   vraḥ tapovana kalyānāśrama jvan khñuṃ bhūmi ta kamrateṅ jagat śrīsūryyaparvvata thve caṃnāṃ saṃkrā
{13}   nta raṅko je mvāy nāṃ vraḥ rājadharmma ta thve caṃnāṃ loñ sthiraloñ saṃ loñ saṃ sot loñ
{14}   suk loñ suk sot loñ yūḥ teṅ las teṅ gava teṅ bhāgya teṅ ratna teṅ si
{15}   teṅ cau teṅ vṛddhi teṅ so teṅ ’arghya teṅ karpūra teṅ sulabha teṅ vraḥoy lo
{16}   ñ dharmma teṅ sre teṅ vīja teṅ sāṅ teṅ vraḥ teṅ vraḥ sot teṅ rāy loñ vra
{17}   hma teṅ nava teṅ pāna teṅ vraḥ śrīy teṅ vās ○ jaṃnvan ta dai ti sot’arddhi
{18}   la mvāy kalaśa prāk mvāy varddhani prāk pi ’nak ta nu vināśa caṃnāṃta roḥh neḥ
{19}   h kaṃ pi mān siddhi ta lokadvaya ○ bhūmi caṃnāṃ sruk travāṅ jvik sresamrāp noḥ
{20}   caṃnat panlac dāy sre kṣoṃ auk sre sre khsac ○

{1}   951 śaka gī nu vraḥ pāda kamrateṅa ’añ
{2}   śrī sūryyavarmmadeva jvana chloñ ’so cho
{3}   ka garagyara nu teṅa hyaṅa nu bhṛtyopāya
{4}   phoṅ nu sruka chd[i]ṅa stok ○ saptaparṇa lo
{5}   chdiṅa kaṃvyiṅa tvaṅa ○ chdiṅa ’ai ○ chdiṅa gota krave
{6}   chdiṅa svāya ○ chdiṅa srū ○ □ □ □ □ ○ saptaparṇa
{7}   kagāma ○ chdiṅa jrvaka □ □ □ ○ thkvala cāndanā
{8}   phdaiya vṛka ○ vnura garagyara ○ neḥ sakārmma slika ||
{9}   ○ ta gi ti bhūmya neḥ nu neḥ syaṅ ta oya vraḥ
{10}   krayā pamre ○ □ □ □ □ □ ○ □ □ □ka slika |||
{11}   s[ñ]ik khnāñ || neḥ [phoṅ ta] vraḥ kalpanā ti
{12}   vraḥ pāda kamrateṅ ’añ śrī sūryyavārmmadeva jvana
{13}   ta kamrateṅa jagata śrī sūryyaparvata

{9}   ’aṃnoy mratāñ kṛṣṇamitra ’āy ta vraḥ kaṃmra[tāṅ]
{10}   ’añ śrī yajñapatīśvara kñuṃ ta si vā kdas vā caṃ [ta]
{11}   vraḥ vā vṛk vā kansaṃ vā prāna va tgel kñuṃ ta kantai ku □ □ □ □
{12}   ku kantaṅ ku garap ku tpus sre ’aṃno[y] ci dok ’ā[y]
{13}   ta vraḥ kaṃmratāṅ ’añ śrī yajñapatīśvara ’aṃvi tra[vaṅ]
{14}   ruṅṅ loḥ tloṅ dikk loḥ travaṅ ji ckey loḥ trav[aṅ]
{15}   poñ rudrabhava loḥ travaṅ ci dok daiy sre [’ā]
{16}   y travaṅ vo pradāna poñ rudrabhava doṅ po[ñ]
{17}   rudrāntakula doṅ poñ puṣpananda sre pāda 1 ’ā
{18}   y travaṅ mratāñ kṛṣṇadatta pradāna poñ puṣpana[nda]
{19}   doṅ poñ rudrāntakula doṅ poñ vikaraṇā[nta]
{20}   sre pāda 1 sre pradāna poñ vikaraṇanta doṅ □ □ □
{21}   □ □ □ī ta ’āy travaṅ poñ rudra[bhava] □ □ □
{22}   [s]r[e] . . . . . . . . .
{23}   ya ple ge jon ta vraḥ kamratāṅ ’añ □ □ □
{24}   1 psik nu caṃnlek vraḥ kamratāṅ ’aññ var □ □
{25}   hvat mimoy ge sre pradāna poñ vrau ’ā[y]
{26}   travaṅ ruṅ sre mās 2 nivandha ta nai vraḥ kaṃmra[tāṅ]
{27}   ’añ ple dīvasa moyy raṅko saṃrat sru pra □ □
{28}   liḥ 1 raṅko raṇāc liḥ 2 slā 2 ’aṃlo 10 saṃ □ □ □
{29}   k 3 pañjut paṅkā 3 ’aṃpel vera moy ka □
{30}   canlek ’aṃval yau 3 ple saṃvatsara mo[y]

{1}   . . . . . . pra m[a]n pu ’añ dhar ○ . . . . . . . . .
{2}   ku nī va vrau ku sanrac ku sudhā ku ’anrok . . . . . . . . .
{3}   va sa’uy va śivadat va śī candra ku tāṃ ’a . . . . . . . . .
{4}   rem ku vrahmade ku k □ □ □ ku vaḥ tek va na . . . . . . . . .
{5}   . . . . . . ku ya teṅ

{A1}   [kñuṃ ta sī va] poñ vrau ○ va knoc ○ va tmās ○ va kl . . . . . . . . . . . . .. . . . . . . . . . . . . .
{A2}   . . . . . . . . . . . . hv ○ t[a] kantaiy ku ñañ ○ pau tai ○ ku ya huṅ ○ ku ya. . . . . . . . . . . . . . .
{A3}   . . . . . . . . . . . . c daṅ ○ va ’aṇḍaṅ ○ va señ ṭeṅ ○ va ta’au ○ va ta’uy ○. . . . . . . . . . . .
{A4}   . . . . . . . . . va □ lku □ ○ va ta □ □ ○ va tpeṅ ○ va tvaiy ○ va lahvāy ○ vavleṅ ○ va □ □ ṅ . . . . . . . . . . . .
{A5}   . . . . . . . . . . . . hv ○ va □ kuṅ ○ va latuḥ ○ va tānmar ○ va pāy ’añ ○ vakāhv seṅ ○ va jeṅ ○ va ta’ol ○ va . . . . . . . . .
{A6}   . . . . . . . . . va laṇḍan ○ va lahvā ○ va cār ○ va tahvan ○ va slā ○ vatralā pju ○ va ta’uḥ ○ va vrai ○ va tkuñ ○ va kantāṅ ○ va . . . . . . . . . . . .
{A7}   . . . . . . . . . . . . vaṅ ○ va dak ○ [va] ta’oṅ ○ va gulut ○ va clohv ○ va □□ ○ va tvaṅ ○ va ta’oḥ○ va k □ ṃ ○ va taduy ○ va taca□ ○ va □ y . . . . . . . . .
{A8}   . . . . . . . . . va tgor ○ va tvaḥ ○ va tkaṅ ○ va kliṅ ○ va grec ○ va □ñcaṅ○ va tma□ ○ va gñaḥ ○ va kuñjahv ○ va tyas ○ va ustai ○ va kañcaṅ ○ va ka . . .. . . . . .
{A9}   . . . . . . . . . ku priṅ ○ ku ’me catuṅ ○ ku ktaṅ ○ ku pekan ○ ku ya vai ○ku □ cat ○ ku p-heṃ ○ ku ya laḥ ○ ku stūr ○ ku r . . . . . . . . .
{A10}   . . . . . . . . . ku ya se □ ○ ku ya □ □ □ ○ ku ya ṅau ○ ku [ya] pāc ○ kuya men ○ pau sī ○ ku ya □ ○ pau tai ○ ku ya sat ○ pau . . . . . . . . .
{A11}   . . . . . . . . . pau tai ○ ku ta’āy ○ pau sī ○ ku ya mās ○ ku karttavaṅ ○ku tye ○ ku kantakoy ○ ku ta’āy○ ku ya caṅ ○ ku ya mun ○ . . . . . . . . . . . . . . .. . . . . . . . . . . . . . . ku ya vaṅ ○ ku me tyuk ○ ku kañcu ○ ku prahvel ○ ku yavoṃ ○ ku ya kān ○ ku ya roñ ○ ku ya □ñ ○ lāṅ si ○ □ □ ku ya . . . . . . . . . . . . . ..
{A13}   . . . . . . . . . . . . . . . ce □ ○ ku ya lahv ○ ku kantavaṅ ○ ku ya □ □ ○ kusarac ○ ku ya māl ○ ku me vrai ○ ku ta □ □ ○ ku ya kā □ ○ ku ya . . . . . . . . . . .. . . .
{A14}   . . . . . . . . . . . . . . . vināsa pagū ○ ku hvaḥ ○ ku me ke □ ○ ku met ○ku □ tkaṅ ○ ku kañjahv ○ ku cāk ○ ku mās ○ ku liñ ○ ku . . . . . . . . . ○
{A15}   . . . . . . . . . ku ya □ ○ ku ya □ñ ○ ku mana ○ ku tgul ○ ku □ . ī ○ ku □○ ku suc ○ ku tmañ ○ ya □ ○ ya l. □ ○ ya ñ □ hv ○ ya roṅ ○ . . . . . . . . .
{A16}   . . . . . . . . . seṅ pau □ □ □ □ □ □ □ □ □ santan ta □ l ○ ya caṅ ○ tahvey ○ □ □ □ ku meṅ ○ po □ □ □
{B1}   . . . . . . . . . ku kur sin . . . . . . . . .
{B2}   ku si ○ pau tai ○ ku tāṅ ○ ku paṅ . . . . . . . . .
{B3}   . . . . . . . . . ku toṅ kon [der t]ai pau sī . . . . . . . . .
{B4}   . . . . . . . . . . . . ṅsa ○ ku ca . . . . . . . . .
{B5}   . . . . . . . . . pau sī ○ ku c . . . . . . . . . . . . . . .
{B6}   . . . . . . . . . . . . kur ○ der tai ○ □ □ □ der tai ○ p[au] t[ai] ○ ku . . . . . .. . .
{B7}   . . . . . . . . . kur ○ der tai ○ pau tai ○ ku vāṅ ○ ku mo ○ ku kur sin ○ kukur sin ○ ku so □ ○ lāṅ tai . . . . . . . . . . . .
{B8}   . . . . . . . . . ’aṃraḥ toy vac dha[r]mma [○] va jana ○ va □ ṃ ○ va jāṅ ○va caṅ ○ va kruṅ ○ va sāy ○ va jo sin ○ va caṅ . . . . . . . . .
{B9}   . . . . . . . . . va cau ○ va caṅ sin ○ va □ sin ○ va □ sin ○ va kantāṅ ○ vakoñ ○ va co ○ va kuñ ○ [va] □ ṅ ○ va po ○ va caṃpeṅ ○ va rañ ○ . . . . . . . . .
{B10}   . . . . . . . . . va tā kantūr ○ caṃdak va cāṅ ○ va coṅ ○ va pai luṅ ○ vaye ○ va kvas ○ va deṅ ○ v[a] □ □ ṅ ○ va ka’on ○ va co ○ va rāñ ○ va kantai ○ . .. . . . . . .
{B11}   . . . . . . . . . va kohv ○ va kantau ○ va seṅ ○ va coṅ ○ va kaṃpoñ ○ vaviṅ ○ va kañca sin ○ va co ○ va moñ ○ va cuṇi ○ va rāñ sin ○ va jmeṅ ○ . . . . . .. . .
{B12}   . . . . . . . . . va teṅ ○ va dvār ○ va jikāy ○ va soḥ ○ va ’ahaṃ mūla ○va kohv ○ va kāy ○ va ṅas ru ○ va piluṅ sin ○ ta klamuṃ ku ṇiy ○ ku teṅ ○ kuvut ○ . . . . . . . . .
{B13}   . . . . . . . . . ku vut sin ○ ku teṅ ○ ku teṅ sin ○ ku kur ○ ku mās ○ kuyoṅ ○ ku roy ○ ku son ○ ku toy ○ ku mau ○ ku tā □ y ○ ku jā ○ ’ārttai ku vo ○ku teṃ ○ ku teṅ ○ . . . . . . . . .
{B14}   . . . . . . . . . y ○ ku tai ○ ku tāṅ ○ kantai ta konn ku tey ○ lāṅ tai ○ kutak ○ ku vo ○ pau sī ○ ku vo sin ○ ku cuṅ ○ ku kur ○ lāṅ tai ○ pau . . . . .