Archives: Posts

{4}   □96 śaka pañcamī ket vaiśākha candradivasavāra ’ājñā vraḥ kaṃmratāṅ ’añ tapaṃnvās
{5}   kulapa[ti] pre thve pūjā vraḥ kaṃmratāṅ ’añ ru liṅgapurvvā s[th]āpanāsuvarṇṇaliṅga
{6}   sthāpanā naivedya prastha 5 mudgā prastha 2 thmo □ □ □ □ □ oy chvātt bhū
{7}   mi oy pūrvva prasap liṅgapura dakṣiṇa prasap tpal ’aṃvil paścima prasap □ □ □[uttara]
{8}   prasap katakkagrāma pre coṅ it thve kalpanā phoṅ ta vraḥ kaṃmratāṅ ’añ pre ru
{9}   liṅgapurvva ukk neḥ gi roḥh dharmmādharmma ○ ta [g]ap=pi ’nak phoṅ □s ta □ □viṅ □
{10}   dṛss ta thve pūjā □ □ □ □ □ □ □ □ □ □ □ □ □ □ □ □ □ □ □ □
{11}   nā ’āy □ □ de □ □ □ □ □ □ □ □ □ □ □ □ □ panaiḥ □ □ □
{12}   nyā viśeṣān=rak □ □ □ □ □ □ □ □ □ □ □ □ □ □ □ □ □

{1}   xx7 śakka ta gi ’aṣṭamī roc ’ā
{2}   [śvayu]jya vuddhavāra [.] nu vraḥ saṃtac stac
{3}   [pa]ṅga[ṃ]ta kanloṅ kaṃmrateṅ ’añ bhīmāla
{4}   ya mān vraḥ śāsana ruv khñuṃ vraḥ ta [n]au nā va
{5}   rgga nu jaṃrās phoṅṅ ’āy teṃ [.] gi ta jā pi
{6}   khloñ mukha hau pi pre ta gi vraḥ rājakāryya
{7}   gus [.] daha mān ta ratt ta lvan ta slap vvaṃ jā pi
{8}   dār panlas ley nau ’aṃpāll ’āy teṃ [.]
{9}   gi ta jā pi pre ta rājakāryya gus [.] khloñ
{10}   vnaṃ khloñ kāryya guṇadoṣa[da]rśikula
{11}   pati rakṣā ’nak vraḥ [.] leṅ ṛddhi [.] vvaṃ jā pi
{12}   oy pi ’nak vādhā vvaṃ jā pīde thve pū
{13}   jā vraḥ [.] leṅ ṛddhi ○

{E1}   vraḥ jaṃ[nvan] [vraḥ kamra]
{E2}   teṅ ’añ ’a – – – – – – – – –
{E3}   vṛtti ta gi sruk ca – – – –
{E4}   pramān malyāṅ vṛtti ta tap=ra
{E5}   cnāṃ mvay krapās bhār 10 canlyā
{E6}   k yau 10 kjo yau 2 lṅo tloṅ
{E7}   10 santek tlvaṅ 10 tvau tlvaṅ 3 ra
{E8}   ṅko tlvaṅ 10 kalmvan tul 1 gmuṃ ’antva
{E9}   ṅ 2 kandel 4 saṃpur lveṅ vnā
{E10}   s 40 kralyak slik 2 slāp slik
{E11}   k 2 kañj – – – 3 rmmet
{W1}   knar bhadasannāha ti
{W2}   jvan ta vraḥ kamrateṅ
{W3}   ’añ ’anle 4 ta cāṃ knar
{W4}   ’aṅgarakṣa nu prīti vṛtti
{W5}   ta tap=ra cnāṃ mvay ’aṃpyal
{W6}   slik 2 paṃrai 100 sru slik 2
{W7}   raṅko 100 kandel slik 1 sña
{W8}   k srāl pi pac slik 4
{W9}   kaṃpor ceṅ 110 dravya
{W10}   ta dai ti ruva ta prayoja
{W11}   na ta vraḥ kamrateṅ ’a
{W12}   ñ ckop yathāśakti ru
{W13}   va ta tel paṃnvas kloñ
{W14}   – – – – – – – – – – – – – – – – – – – – – – – – – – – – – dā //

{S12}   ….. 815 śaka pañ[ca]mi roc ’āṣādha vyar ’antvaṅ dikk srac=ti
{S13}   ’addharātra ’āy vnek ’ādityavāra uttarabhadranakṣatra nu dhūli jeṅ vraḥ kamra
{S14}   teṅ śrī yaśovarmmadeva ta svey vraḥ rājya ta gi 811
{S15}   śaka sthāpanā vraḥ kamrateṅ ’añ śrīndravarmmeśvara ○ vraḥ jaṃnvan ’anakpaṃre
{S16}   toy knett taṃrvac tai kaṃpit | rmmāṃ tai laṃvan | tai ’asura | tai pāk | caṃryyā
{S17}   ṅ tai manoharā śrī | tai ’aṅgaṃ | tai pkāv | tai chlac | tai man | tai
{S18}   mālikā | tai padma | tai sumalla | tai subhāk | tai laṃvār 1 tai kan’ū | tai
{S19}   kliṅ | tai candan | tai kansun | tai nan | tai draṅāl | ta kañcan | tai pnvar | tai
{S20}   vin | tai van | tai kantāñ | tai manoharikā | tmoṅ tai krau | tai kānti | tai
{S21}   sundarī | sī śaśī | chmap cheṅ tai kamala | tmiṅ kinnara tai padma | tailakṣmīrāja | tai sān | tmiṅ
{S22}   vīṇa tai svasti | tai ’amara | tai chat | tmiṅ lāv tai īśāna | tmiṅ chko tai utpala |
{S23}   caṃryyāṅ stuti tai padmā | tai dharaṇī | ○ kloñ sruk sī ’gat | varī sī can cān |pamek
{S24}   sī siddhivara | cmāṃ pjuḥ sī siddhivara | pīle sī tmyaṅ | cmāṃ mās prak sīkandhū | ’ābhaṣa gvāl
{S25}   kanhiṃ | tai ’ādhya | tai kanteṅ | smañ gvāl saṃ’ap | mālākāra gvāl kan’as |
{S26}   gvāl kañcū | tai kan=hyaṅ | tai tkep | ’muḥ dik sroṅ gvāl kandhap | gvāl vīra |chattra
{S27}   dhāra sī kañjā | sī kanteṅ | gvāl kanteṅ | lmāṃ vraḥ pitai sī krau | caṃryyāṅśikha
{S28}   rā gvāl tgap | gvāl kaṃsar | gandharvva sī ptal | gvāl kaṃpit |
{S29}   chmāṃ vraḥ vleṅ sī kaṃpit | cmāṃ kanloṅ sī kamalabhāva | pratihāra sī taṅker| pamos gvāl kaṃpit | mahā
{S30}   nasa sī laṃṅāc | sī kaṃbhān | sī caṃhek | sī kanloñ | pattrakāra sī pandan | sītaṅkū |
{S31}   sī kandhap | lap cnāṅ | tai srac ta vraḥ | cmāṃ dvār sī kāntivala | tūryya sī cpoṅ|
{S32}   sī kaṃvraḥ | sī kñuṃ | gvāl kan’as | gvāl panlas | vannarā sī kañcū | cmāṃ śālāgvāl kaṃpa
{S33}   s | rmes raṅko lap kañcū | lap ’aṃdeṅ | lap ’aṃdeṅ sot | lap kan’as | ma
{S34}   hāvrīhī tai kaṃpit | sī rat saṃ’ap | lap kan=ru | tai kañcū | tai kaṃvī | sī pau ka
{S35}   cñī | sī rat caṃ’āl | lap kanteṅ | tai saṃ’ap | tai saṃ’ap sot | tai ka
{S36}   ñcū | tai saṃ’ap sot | cmāṃ hajaya tai kanlak | tai rat ’gat | tai kañjoṅ |
{S37}   tai tkep | dmuk varṣā tai vraḥ dharmma | tai pau vraḥ diśūnya | sī ratindubhāva | tai rat
{S38}   kneṅ | lap śrīratna | tai subhadra | tai rat saṃ’ap | tai kanti | tai kañjuṅ | tai ka
{S39}   nleṅ | tai krau | tai saṅkāv | tai kan=ru | sī rat ’anrok | lap kanrau | tai kanhar|
{S40}   tai tleṃ | tai kandhī | tai kaṃvrau | tai pau | sī rat kañ=yeṅ| tai kaṃpit | tai pau
{S41}   panheṃ | tai rat jvik | tai ksai | sī rat kansat | tai kaṃpus | tai rat umā |
{S42}   tai kaṃpaṅ | tai kandhuṃ | sī pau kanloñ | lap śrīratna | tai kanlap | tai pau
{S43}   panlas | sī rat kaṃpit | gvāl mavanāditya | tai vraḥ kalpa | tai ’gat |
{S44}   tai pau | sī rat kanteṅ | tai kañjuṅ | cmāṃ cpār dvaṅ kañcan | sī rat rucibhāva |
{S45}   sī tmyaṅ | tai kaṃvaḥ | tai pau paras | gvāl prāṇa | tai kaṃpaṅ | tai kanrau | sīkante
{S46}   ṅ | tai kan=’aṃ | tai kap=kep| tai pau paṅ=hāṅ| tai rat srac ta vraḥ | taikansoṃ |
{S47}   tai ’anāda | tai pau | cmāṃ tpal gho kandai | sī candradāsa | lap kanleṅ | lapcneṃ | ’nak paṃ
{S48}   re kloñ vnaṃ sī caṃdak vraḥ | sī kansoṃ | tai kandhap | tai kan=’ak | lapcak=cok|
{S49}   tai knak | tai rat pnos | gvāl krau | ’nak paṃre paṃnvas ———- śaśī | gvā
{S50}   l vrahey | tai sūlāṃ | gvāl jvay | —————————————— | gvāl
{S51}   jāṃ | tai crāy | gho thvāy | cralo [’nak paṃre] ————————————-rat □□
{S52}   y | sī kaṃvis | gvāl kaṃpit ——————————— | gvāl
{S53}   —- sot | tai vra————————————– gvāl
{N4}   ….. ’nak paṃre toy rṇnocca rmmāṃ tai cpoṅ |
{N5}   tai kan=hyaṅ | tai smaṅ pai |Dancers: tai Cpoṅ, tai Kanhyaṅ, tai Smaṅ Pai.camryyāṅ tai devalakṣmī | tai māy eḥ | tai tna
{N6}   k | tai dharaṇī | tai smaṅ | tai śrī | tai śramā | tai san | tai samanta | tai va
{N7}   ra | tai matiḥ | tai can | tai soko ’a | tai rāja | tai pāliyā | tai kañ=yas|
{N8}   tai hiraṇ | tai soko ’a sot| tai kalkī | tai kaṃpat | tmoṅ tai ’aṃdeṅ |
{N9}   tai pansaṃ | tai kroñ | chmap cheṅ tai chgat | gandharvva tai pnos | tmiṅkinnara tai ratnavā
{N10}   sa | tai vrahmaṇī | tai suvaṇna | tmiṅ vīṇa tai yvān | tai jagat | tai yuṅ | tmiṅ lā
{N11}   v tai raṃṅas | tmiṅ trisari tai kañcan | caṃryyāṅ stutī tai ṅāk | ○ kloñ
{N12}   sruk sī śrī | varī sī somakara | pamek sī cke kanloṅ | cmāṃ pjuḥ sī can=cā
{N13}   n | pīle sī kaṃvaṅ | cmāṃ mās prak sī tgap | ’ābhāṣa sī saṃ’ap | tai ’aṃdeṅ |tai ca
{N14}   turikā | smañ gvāl saṃ’ap | mālakāra gvāl kaṃpañ | gvāl kan=sat| gvāl śrī
{N15}   puran | tai kanteṅ | ’muḥ dik sroṅ sī sraṅe | gvāl kaṃpit | chattradhāra sīkanloñ |
{N16}   sī ’adit | sī padmaruci | lmāṃ vraḥ pitai sī kandhap | caṃryyāṅ śikharā gvālsaṃ’ap | gvāl
{N17}   ’aṃdeṅ | gandharvva sī kñuṃ | cmāṃ vraḥ vleṅ sī kaṃvrau | cmāṃ kanloṅ sīśrī | pratihāra sī jñā
{N18}   nadhara | pamos gvāl kaṃpañ | mahānasa sī prāṇa | sī cke duḥkha | sī manaḥ| sī śrī | pattra
{N19}   kāra sī panlas | sī kañjoṅ | sī kaṃpit | tai tmāy | tai panlas | cmāṃ dvār sī caṃ
{N20}   lau | turyyasī cap=pi hau | sī vnac | gvāl saṃ’ap | gvāl kanleṅ | gvāl kan=sip|vannarā sī kañcū | cmāṃ śālā gvāl kanteṅ | rmes raṅko lap kanleṅ | lap krau | lap
{N22}   kaṃpat | lap suketa | mahāvrīhi tai kañjai | sī rat cpoṅ | tai ksai | lap paṃ
{N23}   ryyak | tai pau kaṃpas | sī rat kaṃpit | tai kan’in | tai rat ’anāyaka | tai paṃna
{N24}   ṅ | sī pau saṃ’ap | tai panlas | tai panheṃ | tai ’aṃdeṅ | sī rat kan=sip| cmāṃha
{N25}   jaya tai kan’as| tai kañ=yeṅ | tai pau kañjāṃ | tai kañjoṅ | sī pau tke | lap
{N26}   kan’aṃ | dmuk varṣā tai kmau | tai kaṃvuṅ | sī rat kanloñ | tai kaṃpas | sī rat
{N27}   kañcañ | tai krau | sī rat kaṃpañ | tai kanteṅ | tai kan=hyaṅ| sī pau | tai kbuṅ |
{N28}   tai candra | sī pau śrī | tai pandan | sī rat panlas | tai kaṃphāc | sī rat kaṃpañ| tai
{N29}   kan=ru | tai pau | tai rat kmau | tai kan’añ | tai pau knāñ | tai rat kanteṅ | taikali
{N30}   ha | tai pau laṅgāy | tai pratvat | tai pnos | tai kanren | sī rat kañ=yeṅ| gvā
{N31}   l kañjen | tai kañjū | tai pau kan=hyaṅ| sī rat īśāna | tai saṃ’ap |
{N32}   tai kan’on | sī pau ’antis | sī rat śrī | tai veda | tai jvik | tai kañjā |
{N33}   tai pandan | sī rat kañcū | lap tleṃ | tai saṃ’ap | cmāṃ cpar dvaṅ t’oṅ 1
{N34}   sī kaṃvai | tai kanteṅ | lap kaṃvar | tai kan=sun| tai kan=ru | lap
{N35}   kesara | tai k’ek | tai numan ’añ | tai kantī | tai pau vrahey | tai
{N36}   kantrī | gvāl tgap | tai taṅkū | tai kaṃpun | cmāṃ tpal sī sneha | ’nak paṃre
{N37}   paṃnvas smiṅ ghoda yaṅ | gvāl ghoṅ | lap panlas | tai joṅ | gvāl
{N38}   ñoṅ | gvāl kañjes | gho kaṃpvañ | lap vvaṃ ’añ cinta | gvāl sarac |
{N39}   cralo ’nak paṃre gvāl kaṃpat | sī pitaradāsa | gvāl pandan | sī jvāda |
{N40}   gho kansip | tai saṃ’ap | sī pau | sī rat | ○ piṇda sī 20 105 tai 60 7
{N41}   gvāl 20 lap 10 2 sī rat 10 3 tai rat 3 sī pau 6 tai pau 7 psaṃ 60 2 ○

{1}   neḥ ti karoṃ phlū naraka
{2}   neḥ ta vyar ti [le] phlū svargga
{3}   vraḥ yama
{4}   vraḥ dharmma □ □ □ vraḥ citragupta
{5}   ’avīci ○ ’anak=ta mān saṅvey pi syaṅ ’aras nu pāpakarmma nau
{6}   kriminicaya ○ ’anak=ta nindā devatā vraḥ vleṅ ○ guru ○ vrāhmaṇa ○ mahājñāna ○’anak=ta pradau dharmma ○ ’anak ta śivabhakti ○ ’ame ○ vapā ○ suhṛt ○
{7}   vaitaraṇīnadī ○ ’anak=ta dīdai rūva paṃnāṃ kutsita vuddhi ○ vañ ’anak ○ taskara○ dhūrtta ○ ’anak ta paṃpat rasa ○
{8}   kūṭaśalmalī ○ ’anak=ta proḥ ta vanyat ○ ta rīta ra ○ sākṣī ’anṛta □ □
{9}   yugmaparvvata ○ ’anak=ta ’adeṅ vadha vandha ○ cak=ni ○ ’adeṅ pīdā para thveduḥkha para nu ’aras ○
{10}   nirucchvāsa ○ ’anak=ta mūḍha ○ pracanda ○ paṃpat viśvāsa ○ saṃlāp strī □□vāla
{11}   ucchvāsa ○ ’anak=ta ’aras nu ’anyāya ○ ’anak=ta tha’uñ doṣa ’anak ○ cya māṅsata ’aprokṣita
{12}   dravattrapu ○ ’anak=ta jraṃ ’anak ○ yok bhūmi ’anak ○ yok padaḥ paṅgvaysthāna ’anak
{13}   taptalākṣāmaya ○ ’anak=ta tut padaḥ ’anak ○ tut vrai ○ oy viṣa ta ’anak
{14}   ’asthibhaṅga ○ ’anak=ta kap [ch]par padaḥ travāṅ ’añcan ’antvaṅ sabhāsthānaphoṅ ’anak=ta paṃpat tirtta ’anak ○ vidharmma
{15}   krakaccheda ○ ’anak=ta luvdha ta ’āmiṣa
{16}   pūyapūrṇahrada ○ ’anak ta lvac madya ○ paradāra ○ dau ta bhāryyā guru
{17}   ’asṛkpūrṇahrada ○ ’anak=ta lvac sac ○ lvac bhāryyā ’anak ○ yok bhāryyā guru ○kaṃñva ñi ta guru
{18}   medohrada ○ ’anak ta lobha ○ taṃnāṃ ta lobha ’anak ta mān svabhāvavikāra ○
{19}   tīkṣṇāyastunda ○ ’anak ta yok maha ti ’anak vvaṃ oy ○ lvac pāy ○
{20}   ’aṅgāranicaya ○ ’anak ta tut sruk nagara ○ karol vraḥ go ○ ’anak ta mūtrapurīṣotsarga ta devasthāna ○
{21}   ’amvarīṣa ○ bhrūṇahā kat=ni ta paradāra dau ta bhāryyā suhṛt ○
{22}   kumbhīpāka ○ ’anak=ti kamrateṅ phdai karoṃ pre ta kāryya pi kra ra ○ lvacdravya guru ○ ’aras nu ’adharmakarmma ○ lvac dravya nai ’anak=ta dīna ○ nai ’anak tarac ○ nai śrotiya ○
{23}   tālavṛkṣavana ○ ’anak ta kat jhe ta vvaṃ gap=pi kat ○ kat jhe ta devasthāna ○lmak devasthāna ○
{24}   kṣuradhāraparvvata ○ ’anak ta lvac tamrya ’aseḥ yāna ○ pāduka ○ cap tavāhmaṇa nu jeṅ ○ ’avajña ta paṇḍita cap ta yajñopakaraṇa phoṅ nu jeṅ ○
{25}   s□ □ □ □ ’anak ta thve santāpa ’anak ○ nindā para ○ lvac chatra ○ upanat ○
{26}   sūcimukha ○ ’anak ta thve □ □ ’anak ta vram □ □srama ’apa dau ○
{27}   kālasūtra ○ ’anak ta thve bheda parihāra kamrateṅ phdai karoṃ ○ lobha tadravya ○
{28}   mahāpadma ○ ’anak ta yok vṅya ta □ □ □ □ □ □ □ □ □ □
{29}   padma ○ ’anak ta lvac vṅya ○ peḥ vṅya ta śivārāma ○ duk jey sin ○
{30}   sañjivana ○ mahāpātaki phoṅ ○ □ □ □ □ □ mahāpātaki phoṅ ○ {31-32} (Illisible).
{33}   śita ○ ’anak ta lvac maha nu kār raṃṅā phoṅ ○
{34}   sāndratamaḥ ○ ’anak ta lvac canluḥ ○ aśauca ’anṛta ○
{35}   mahāraurava ○ □ □ □ □ □ □ □ □ □ □ □ □ □ □ □ □ □ □ □ □ □
{36}   raurava ○ ’anak ta patita ○ ’anak ta ’aras nu paṃroḥh ○ hāra dāna ta reḥ ta hoc ○vvaṃ pros ṛṇa ’anak ○

{1}   taṅvāy kamrateṅ ’añ paṇḍita
{2}   saṃtac vraḥ pāda kamrateṅ ’añ paramaviṣṇuloka nā stac nau vnaṃ śivapāda pipañcuḥ vala
{3}   vraḥ kamrateṅ ’añ śrī vīrasiṅhavarmma (3 bis) kamrateṅ ’añ ta mūla śrī varddha
{4}   kamrateṅ ’añ dhanañjaya
{5}   vraḥ kamrateṅ ’añ guṇadoṣa ta pvana
{6}   vraḥ kamrateṅ ’añ śrī jayendravarmma ldau
{7}   vraḥ kamrateṅ ’añ śrī vīrendrādhipativarmma chok vakula
{8}   ’anak sañjak kalās pryak ti hau vraḥ kamrateṅ ’añ śrī vīrāyudhavarmma
{9}   ’anak sañjak pat gnaṅ ti hau vraḥ kamrateṅ ’añ śrī jayāyudhavarmma
{10}   vraḥ kamrateṅ ’añ śrī mahīpatīndravarmma canlattai
{11}   ’anak sañjak vidyāgrāma ti hau vraḥ kamrateṅ ’añ śrī raṇavīravarmma
{12}   ’anak sañjak vīrajaya ti hau vraḥ kamrateṅ ’añ śrī rājasiṅhavarmma
{13}   ’anak sañjak ’aso vṅya phlāñ ti hau vraḥ kamrateṅ ’añ śrī vīrendrādhipativarmma
{14}   ’anak sañjak ’anak ciḥ ti hau vraḥ kamrateṅ ’añ śrī narapatīndravarmma
{15}   ’anak sañjak vni satra ti hau vraḥ kamrateṅ ’añ śrī śūrādhipativarmma
{16}   kamrateṅ ’añ dhanañjaya
{17}   vraḥ kamrateṅ ’añ paramaviṣṇuloka
{18}   (Blank).
{19}   kamrateṅ ’añ ta mūla śrī varddhana (19 bis) (Blank).
{20}   ’anak sañjak ’aso lṅgis ti hau vraḥ kamrateṅ ’añ śrī rājendravarmma
{21}   rājahota
{22}   vraḥ vleṅ
{23}   ’anak sañjak travāṅ svāy ti hau vraḥ kamrateṅ ’añ śrī pṛthivīnarendra
{24}   ’anak sañjak kavīśvara ti hau vraḥ kamrateṅ ’añ mahāsenāpati śrīvīrendravarmma
{25}   vraḥ kamrateṅ ’añ śrī . . . varmma
{26}   vraḥ kamrateṅ ’añ śrī jayasiṅhavarmma kamluṅ vrai nāṃ vala lvo
{27}   neḥ syāṃ kut
{28}   ’anak sañjak rājyakāryya bhāga pamañ jeṅ jhāla ta nāṃ syāṃ kak

{1}   vraḥ buddha kamrateṅ ’añ dharmmadarṣi ○ vraḥ mahābodhi kuraba
{2}   bṛkṣa [○] vraḥ bodhisattva jā vraḥ indra paṃre ta vraḥ buddha kamra
{3}   teṅ ’añ nu pañcāṅgikatūryya phoṅ ta dibya ○
{4}   dhammapratisthā kamrateṅ ’añ śrī nṛpatīndrabarddhana ○

{A1}   □ □ □ □ □ □ □ □ □ □ □ □ □ □ t □ □ □ □ □ □ □ □ □ □ □ □ □ □ □ □ □ □na
{A2}   □ □ □ □ □ □ □ □ □ □ □ □ □ □ □da ○ kamra[teṅ jaga]t śrī
{A3}   □ □ □ ○ kamra[teṅ jaga]t ha[r]i[harā]laya ○ kamrateṅ jagat para
{A4}   meśvara ○ kamrateṅ jagat vraḥ thkval cas ○ kamrateṅ jagat utpa
{A5}   na ○ kamrateṅ jagat vraḥ muniḥ ○ phsaṃ ’anle tap piy ○
{B1}   vraḥ kuṭi u[ttaravāya]vyadakṣiṇa ○ kamrateṅ jagat śrī jaya[ma]
{B2}   hānātha nagara śrī jayarājapuri ○ kamrateṅ jagat śrī tribhuvanade[va ○]
{B3}   kamrateṅ jagat śrī bhaiṣajyaguru vaidūryaprabharāja ’anle noḥ ○ kamra
{B4}   teṅ jagat śrī sūryyagiri ○ kamrateṅ jagat śrī sūryyaśakti dmaḥ ○ kamra
{B5}   teṅ jagat śrī bhaiṣajyaguru vaidūryyaprabharāja dmaḥ ○ kamrateṅ
{C1}   [kamrateṅ ja]gat sakavrāhmaṇa ○ kamrateṅ jagat ta rāja ○ [kamrateṅ] jagatkaṃdvat dik ○ kamrateṅ jagat se
{C3}   nāpati laṃvāṅ kaṃdvat dik ○ kamrateṅ jagat ubha
{C4}   □ □ □ ○ kamrateṅ jagat saralāyattana teṃ ○ kamra
{C5}   [teṅ ja]gat chok gargyar ○ kamrateṅ jagat sambhupura
{C6}   [○ ka]mrateṅ jagat saralāyattana cuṅ ○ kamrateṅ jaga
{C7}   t nāgasthāna ○ [ruined]
{E1}   vraḥ kuṭi uttaravāyavyapaścima vraḥ vuddha kamrateṅ ’añ ratnatraya viṃndhya
{E2}   parvvata ○ kamrateṅ jagat śrī tribhuvanadeva ○ kamrateṅ jagat śrī bhaiṣajya
{E3}   guru vaidūryyaprabharāja ’anle noḥ ○ kamrateṅ jagat chluy maleṅ ○ ka
{E4}   mrateṅ jagat śrī bhaiṣajyaguru vaidūryyaprabharāja maleṅ ○ kamrateṅ
{E5}   jagat śrī bhaiṣajyaguru vaidūryyaprabharāja jraiṇan ○ kamrateṅ jagat
{E6}   vraḥ pāda saṃvok ○ kamrateṅ jagat lyoṅ ○ kamrateṅ jagat ta śakti
{E7}   saṃvok ○ kamrateṅ jagat śrī bhaiṣajyaguru vaidūryyaprabharāja [’a]nl[e] noḥ[○]
{F1}   vraḥ [k]u[ṭi] □ □ □ □ □ □ □ □ □ □ □ □ □ □ □ □ □ [ja]
{F2}   yavuddhamahānātha nagara śrī jayavajrapura ○ kamrateṅ jagat [śrī tri]
{F3}   [bh]uvanadeva ○ vraḥ bhagavatī kamrateṅ ’añ ○ kamrateṅ [jagat]
{F4}   śrī bhaiṣajyaguru vaidūryyaprabharāja ’anle noḥ ○ kamrate[ṅ jaga]
{F5}   t śrī bhaiṣajyaguru vaidūryyaprabharāja chnas ○ kamrateṅ [jagat]
{F6}   śrī dviparvvata ○ kamrateṅ jagat ’acalitapura ○ kamrateṅ [jagat]
{F7}   phlāṅ ○ kamrateṅ jagat phler ○ vraḥ rūpa pavitra nā śrī raṇa□ □ □
{F8}   [○] phsaṃ ’anle tap ○
{G1}   vraḥ kuṭi uttareśānapaścima ○ kanloṅ kamrateṅ ’añ śrī
{G2}   jayamaṅgalārthacūdāmaṇi kṣac ○ kamrateṅ jagat śrī tri[bhu]
{G3}   vanadeva ○ kamrateṅ jagat śrī śākyasiṃha tralyaṅ ○ ka
{G4}   mrateṅ jagat śrī bhaiṣajyaguru vaidūryyaprabharāja □ □ [na]
{G5}   gara catvāri ○ kamrateṅ jagat śrī madhurendreśvara stuk thkū ○ [ka]
{G6}   mrateṅ jagat śrī tribhuvanamaheśvara stuk thkū ○ kamrate[ṅ]
{G7}   jagat □ □ ○ kamrateṅ jagat snāṃ dyoṅ ○ kamrateṅ ja
{G8}   gat ja □ ○ kamrateṅ jagat saṅga ○ kamrateṅ jagat mā □ □ □
{G9}   ra ○ phsaṃ ’anle tap mvay [○] kamrateṅ jagat senāpati kantāl vala pūrvva ○
{I1}   kamrateṅ jagat śrī jayavīreśvara ○ kamrateṅ jagat śrī rā
{I2}   jendreśvara ○ kamrateṅ jagat śrī kīrttilakṣmī
{I3}   ○ vraḥ rūpa kamrateṅ ’añ vraḥ cau ○ nā kamrateṅ
{I4}   ’añ śrī vīralakṣmī ○
{J1}   kamrateṅ jagat śrī bahuvīradeva ○
{J2}   kamrateṅ jagat śrī bahuvīreśvara [○]
{J3}   kamrateṅ jagat □ □ □ ○
{K1}   kamrateṅ jagat śrī □ □ □ānaradeva ○ kamrateṅ jagat □ □ □ t □ □ □
{K3}   kamrateṅ jagat śrī sūryyarājeśvara ○
{K4}   nā kamrateṅ ’añ śrī sūryyarājadevī ○
{L1}   nā kamrateṅ jagat śrī rājendradeva ○
{L2}   rūpa vraḥ kamrateṅ ’añ śrī rājendrapaṇḍita ○
{M1}   nā kamrateṅ ’añ śrī indradevī ○
{M2}   kamrateṅ jagat śrī indradeva [○]
{N1}   vraḥ rūpa kamrateṅ ’añ vraḥ laṃvā[ṅ] [○]vraḥ rūpa
{N2}   kamrateṅ ’añ vraḥ jvik ○ kamrateṅ jaga
{N3}   t □ □ □jendreśvarī ○ kamrateṅ jagat śrī
{N4}   □ □ □ [○]
{O1}   kamrateṅ jagat śrī deveśvara
{O2}   ○ vraḥ rūpa kamrateṅ ’añ śrī viṣṇu cuṅ vis [○]
{P1}   nā vraḥ kamrateṅ ’añ śrī vijayendravarmma [○]
{P2}   kamrateṅ jagat śrī rājendradeva [○]kamrateṅ jagat
{P3}   śrī vijayendradeva [○] kamrateṅ jagat śrī vijayendre
{P4}   śvarī [○] kamrateṅ jagat śrī deveśvara [○] kamrateṅ jaga
{P5}   t śrī haṅseśvara [○]
{Q1}   nā kamrateṅ ’añ śrī rājendradevī [○]
{Q2}   kamrateṅ ja[ga]t śrī rājendradeva [○] kamrateṅ ja
{Q3}   gat śrī rājendreśvara [○] kamrateṅ jagat śrī rājendre
{Q4}   śvarī [○]
{R1}   ka □ □ □ kamrateṅ ’añ
{R2}   śrī jayacā □ □ □ nā kamrateṅ ’añ śr[ī] ja ………..
{T1}   dakṣiṇa rūpa vraḥ kamrateṅ ’añ śrī vīrendrādhipativarmma [○] kamrateṅ jagatśrī vīrendrādhideva [○] uttara rūpa vraḥ kamrateṅ añ śrī dharaṇīndravarmma [○]kamrateṅ jagat śrī dharaṇīndreśvara [○] [ruined]
{V1}   nā kamrateṅ ’añ śrī cakravarttirājadeva ○
{V2}   kamrateṅ jagat śrī cakravarttirājadeva ○
{V3}   kamrateṅ jagat śrī rājendreśvarī ○
{V4}   kamrateṅ jagat śrī tribhuvaneśvara [○]
{W1}   vraḥ rūpa kamrateṅ ’añ śrī dharaṇīndrarājalakṣmī ○
{W2}   kamrateṅ jagat śrī dharaṇīndrarājendreśvarī [○]
{X1}   vraḥ [vu]ddha kamrateṅ ’añ śrī bhaiṣajyaguru vaidūryyaprabha[rāja] [○]
{X2}   kamrateṅ ’añ śrī sūryyavairocana ○
{X3}   kamrateṅ ’añ śrī candravairocana [○]

{A11}   . . . ○ mratāñ khloñ [śrī] □ □ tavīravarmma sru
{A12}   k teṃ t □ □ □ □ □ [sruk ti dār vra]ḥ karuṇāprasāda sruk vnur kaṃdvāt ○mratāñ khloñ śrī vikramavarmma sruk vrāc □ □ □ ○ mratāñ khloñ śrī
{A13}   samarendra □ □ □ □ □ □ □ khdeṅ kantāl sruk ○ mratāñ khloñ śrīuddhatavīravarmma sruk teṃ travāṅ thmo ge vol dār vraḥ karuṇāprasā
{A14}   dasruk □ □ □ □ □ ○ [mratā]ñ khloñ śrī mahendravīra sruk cṛs ga’āṅ grau levnaṃ lo ○ mratāñ khloñ śrī nṛpendravikrama sruk i
{A15}   ndra parāss śr □ □ □ □ □ le □ □ □ jiḥ lo ○ mratāñ khloñ śrī uddhatasiṅha
{A16}   mratāñ khlo[ñ] □ □ □ □ □ □ □ □ □ □ □ □ sruk lāṅ pramān lvo sruk ti dār vraḥkaruṇāprasāda □ □ □ □ □
{A17}   mratāñ khlo[ñ] □ □ □ □ □ □ □ [sru]k [ti dār] vraḥ ka[ru]ṇāprasādajr □ □ ṅ veṅ○ mratāñ □ □ □ □ □ □ □ □ □ □
{A18}   mratāñ khlo[ñ] śrī śu □ □ □ □ □ k □ □ kata
{C11}   . . . ○ □ □ □ □ □ □ □ □ □ □ yasa □ □ □ □ [ta]ṅgey
{C12}   □ □ □ □ □ □ □ □ □ □ □ □ vvaṃ phgat bhaktiya ta dhūli vraḥ pāda kamrateṅkaṃtvan ’añ śrī sūryyavarmmadeva roḥh neḥh □ □ kamrateṅ phdai karoṃ [ta svey] vraḥdha
{C13}   [rmmarājya] □ □ [prati]ṣṭhā bhūmi pi nu kila ○ toy pūrvva tarāp thpal saṃroṅ’aṃvil dum ○ toy dakṣiṇa ta[rāp] gol □ □ □ □ □ □ chdiṅ ○ toy paścima □ □ □ □
{C14}   □ □ □ □ □ □ □ □ □ □ toy uttara tarāp jraloṅ jeṅ ’antvaṅ ○ kaṃnuṅṅ caṅvāttaṅgey ’aṅka dau nā kanmyaṅ vraḥ kralā la’vaṅ ○ □ □ □ □ □ □ □ □ □ □ □ □ □ □ (15-7:completely obliterated)
{C18}   □ □ □ □ □ □ □ □ □ □ □ vnaṃ ○ mratāñ khloñ □ □ □ □ □ □ □ □ □ □ □ □ □ □ □ □□ □ □ □ □ □ □ □ □ □ □ □ □ □ □ □ □ □ □ □ □ □ □ □
{C19}   □ □ □ □ □ □ □ □ □ □ mratāñ khloñ śrī uddhatavīraparā[krama] □ □ □ □ □ □ □ □□ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □
{C20}   □ □ □ □ □ □ □ □ □ □ sruk cār so ○ mratāñ khloñ □ □ □ □ □ □ □ □ □ □ □ □ □ □ □□ □ □ □ □ □ □ □ □ □ □ □ □ □ □ □ □ □ □ □ □ □ □
{C21}   □ □ □ □ □ □ □ □ □ □ mratāñ khloñ śrī vīravijaya sruk kroṅ chlaṅ ga’āṅ drakas ○mratāñ khloñ śrī nṛpendra □ □ □ □ □ □ □ □ □ □ □ □ □ □ □
{C22}   □ □ □ □ □ □ □ □ □ □ndrasiṅha sruk vraḥ ga’āṅ nu śivaliṅga stuk jvik le ○mratāñ khloñ śrī vīrasaṅgrāma sruk □ □ □ □ □ □ □ □ □ □ □ □ □ □ □
{C23}   □ □ □ □ □ □ □ □ □ □ □ □ sruk □ nlai ○ mratāñ khloñ śrī nṛpabhaktivīrasiṅhajalapura sruk vrai □ □ □ □ □ □ □ □ □ □ □ □ □ □ □ [Lines 24 to 26 obliterated]
{C27}   □ □ □ □ □ □ □ □ □ □ ndravīra sruk vinau ○ mratāñ śrī vīrasamartha srukcurmmoṅ le vnaṃ ○ mratāñ khloñ śrī raṇarājasiṅha sruk so □ □ □
{C28}   □ □ □ □ □ [nu caṃnat] phle gi ○ mratāñ khloñ śrī vīrasamartha sruk dhalākansiṅ ○ mratāñ (space) śrī nṛpabhaktivīra sruk □ □ □ □ □ □ □ □
{C29}   □ □ □ □ □ □ □ □ □ □ sruk ’aṅgol ○ // mratāñ khloñ śrī mahendravīra sruk jeṅchdiṅ nu caṃnat phle gi ○ mratāñ
{C30}   □ □ □ □ □ □ [nu caṃnat] phle gi ○ mratāñ (space) śrī narendraparākrama sruk’anaṅgapura ○ mratāñ śrī vikramavīra sruk jaṃnyak ti ○ mra
{C31}   [tāñ] □ □ □ □ □ □ □ □ sruk vloṅ caṃnat stuk veṅ ○ mratāñ śrī dharanendravīrasruk ptac ○ mratāñ (space) śrī uddhatavīraparākrama sru
{C32}   k □ □ □ □ □ □ □ □ rdrāyuddha sruk jalavandha ○ mratāñ śrī samarthavikramasruk stuk rvvah○ mratāñ (space) śrī vīraparākrama sruk kaukvān
{C33}   [mratañ] □ □ □ □ □ □ □ ndravīra vlaksruk dyāṅ ○ mratāñ (space) śrīvīraparākrama sruk n □ □ t svarggapura ○ mratāñ (space) śrī vīravijaya sruk
{C34}   □ □ □ □ □ □ □ □ □ □ yuddha sruk kaprā ○ mratāñ khloñ śrī uddhatavīra srukca’āl tṛ sruk udyāna ○ mratāñ śrī bhuvanāditya sruk
{C35}   □ □ □ □ □ □ □ □ □ □ [mratāñ khloñ] śrī uddhatakesari sruk chdiṅ gragyar ○mratāñ (space) śrī narendrāyuddha □ □ □ □ □ □ □ □ □ □
{C36}   □ □ □ □ □ □ [mratāñ]□ □ □ □ □ parākrama sruk vrai tpeṅ ○ mratāñ śrīnṛpendravīra sruk śambhugrāma ○ mratāñ śrī narendrāyuddha sruk
{C37}   □ □ □ □ □ □ □ □ [mratāñ śrī] □ □ □ ndrāyuddha sruk pa’oṅ ○ mratāñ śrīvīrasamartha sruk samabhūmi jeṅ vnaṃ ○ mratāñ śrī vīraparākrama sru
{C38}   [k] □ □ □ □ □ □ □ □ [mratāñ] śrī narendrāyuddha sruk caṃnat trakāl○ mratāñśrī vīrasamartha sruk tanloḥ ○ mratāñ śrī kṛtajñavallabha sru
{C39}   [k] □ □ □ □ □ □ □ □ □ □ □ □ □ □ □ □ [mratāñ śrī] [sama]rtha sruk vraḥ phcik ○mratāñ (space) śrī narendrāyuddha sruk kal tāṅ ○ mratāñ śrī vīravikhyāta sruk kuti ○
{C40}   □ □ □ □ □ □ □ □ □ □ □ □ □ □ □ □ □ □ □ ○ mratāñ (space) śrī uddhatavīra srukcek teṃ saṃmroṅ ○ mratāñ (space) śrī kṛtajñavīra sruk jeṅ chok
{C41}   [mratāñ] □ □ □ □ □ □ □ □ □ □ □ □ □ □ □ □ □ □ □ kantol ○ mratāñ śrīraṇabhaktivīra sruk madhurapura ○ mratāñ śrī jayendravīra sruk
{C42}   □ □ □ □ □ □ □ □ □ □ □ □ □ □ □ □ □ □ □ □ □ [mratāñ] śrī □ □ □ □ □ srukdaṃdauv ○ mratāñ śrī jayendravīra sruk draloṅ ○ mratā
{C43}   ñ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ sruk kureṅ ○mratāñ (space) śrī uddhatavīra sruk ga’āṅ marāk ○ mratā
{C44}   [ñ] □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ jeṅ loṅ ○ mratāñ śrīvīraparākrama sruk karoṃ thnal ○ mratāñ
{C45}   □ □ □ □ □ □ □ □ □ □ □ □ □ □ □ □ □ □ sruk lo mratāñ śrī mahendraparākramasruk kantāl vala ta phatal ○ mratā
{C46}   [ñ] □ □ □ □ □ □ □ □ □ □ □ □ □ □ □ □ □ □ □ □ nu caṃnat phle gi ○ mratāñ śrīnṛpendravīra sruk caṃnat kantāl ○ mratāñ śrī vīravija[ya] (47: unengraved spaceequivalent to two lines)
{C48}   □ □ □ □ □ □ □ □ □ □ □ □ □ □ □ □ □ □ □ mratāñ khloñ śrī nṛpabhaktivīra srukthpal krasāṅ ○ mratāñ khloñ śrī □ □ □
{C49}   □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ sruk samṛddhipura ○mratāñ khloñ śrī vīravijaya sruk thpal vinauv
{D12}   . . . ○ mratāñ khloñ śrī samarādhipativarmma sruk panruk ○ mratāñ khloñ śrī□ □ □ □ □ □ □ □ □ [mratāñ]
{D13}   khloñ śrī nṛpabhaktivīravarmma sruk travāṅ krvas ○ mratāñ khloñ śrīuddhatavīravarmma sruk bhṛttipūra ○ mratāñ khloñ śrī □ □ □ □ □ □ □ □ [mratāñ khlo]
{D14}   ñ śrī śūraparākrama sruk thpal taṅko ’gāra ○ mratāñ khloñ śrīsamarendravijaya sruk jāley ○ mratāñ khloñ śrī □ □ □ □ □ □ □ □ □ □ □
{D15}   mratāñ khloñ śrī samarthaparākrama sruk kravol canhvar jrov ○ mratāñ khloñśrī raṇaparākrama sruk □ □ □ □ □ [mratāñ khloñ śrī]
{D16}   saṅgrāmadāruṇa sruk kāmadhen[u] ○ mratāñ khloñ śrī kṛtajñavīra kantol tuṃsruk jalavandha ○ mratāñ khloñ śrī vīrendrasiṅha □ □ □ □ □ □ □ □ □ □
{D17}   mratāñ khloñ śrī nṛpabhaktivīra sruk vrai cās taṃnāṃ ○ mratāñ khloñ śrīnarendravijaya sruk saṃmroṅ ○ mratāñ [khloñ] □ □ □ □ □ □ □ □ □ □
{D18}   ch’yās sruk gaṃmryāṅ jeṅ vnaṃ ○ mratāñ khloñ śrī parākramasiṅha srukphcik chvāṅ ○ mratāñ khloñ śrī vīrendraparākra[ma] □ □ □ □ □ □ □
{D19}   mratāñ khloñ śrī dṛdhabhaktiśūra sruk viṣṇupada ○ mratāñ khloñ śrīnṛpendraparākrama sruk teṃ thṅān ○ mratāñ khloñ [śrī] □ □ □ □ □ □ □ □ □
{D20}   dyān ○ mratāñ khloñ śrī vīrendravīra ta svār sruk sre prasāda ○ mratāñ khloñśrī vīraparākrama sruk draleṃ ○ mratāñ khloñ [śrī] □ □ □ □ □ □ □ □ □ □
{D21}   saṃmroṅ ○ mratāñ khloñ śrī raṇakesari sruk nāgapura ’anantaśanti ○ mratāñkhloñ śrī samarendravīra sruk ga’āṅ laṃpoḥ ○ mratāñ [khloñ] [śrī]□ □ □ □ □ □ □ □ □
{D22}   māṅ gyāṅ bhāga le khyal ○ mratāñ khloñ śrī saṅgrāmadāruṇa sruk vāk le nukuti ○ mratāñ khloñ śrī mahendravīra sruk □ □ □ □ □ □ □ □ □ □ □ □ □ □
{D23}   śūra sruk vanhāṃ tāṃ vraleṅ ○ mratāñ (space) śrī vīravikrama sruklambhapura ○ mratāñ (space) śrī guṇavīrasiṅha sruk traho □ □ □ □ □ □ □ □ □ □ □ [sru]
{D24}   k taṃlvān ○ mratāñ khloñ śrī uddhatavīra sruk kaṃvyāl ○ mratāñ khloñ śrīsamarendravīra sruk jatāk ○ mratāñ khloñ śrī □ □ □ □ □ □ □ □ □ □ □ □
{D25}   lyāṅ ○ mratāñ śrī kṛtajñavīra sruk thmo vvak ○ mratāñ śrī vīrasamartha srukjnoṅ ○ mratāñ śrī bhūpendravīra sruk □ □ □ □ □ □ □ □ □ □ □ □
{D26}   sruk gadhira ○ mratāñ śrī narendrāyuddha sruk thkyān ○ mratāñ śrījayasaṅgrāma gnaṅ khvos sruk jaimāla ○ mratāñ śrī samarasiṅ sruk □ □ □ □ □ □ □ □ □ □□
{D27}   sruk sante ○ mratāñ śrī narendrārimathana sruk bhadrasiṃha ○ mratāñ śrīnarendrāyuddha sruk kandeṅ kṛs kvān ○ mratāñ śrī uddhatavīra □ □ □ □ □ [mratāñ śrī]
{D28}   vīraparākrama sruk stuk ’antoṅ uttara ○ mratāñ śrī parākramavīra stukkran=vau ○ mratāñ śrī nṛpabhaktivīra sruk thpal cār [mratāñ śrī] □ □ □ □ □
{D29}   siṅha sruk travāṅ dyam ○ mratāñ khloñ śrī vīraparākrama ramaṇi ○ mratāñkhloñ śrī vikramāyuddha kanloṅ jā □ □ □ □ □ □ □ [mra]
{D30}   tāñ śrī saṅgrāmadāruṇa sruk jeṅ lo ○ mratāñ śrī dharaṇendravīra sruk caṃnats □ dik ○ mratāñ śrī nṛpe[ndra] □ □ □ □ □ [mratāñ]
{D31}   śrī uddhatavīraparākrama sruk jeṅ dhalā caṃ ’yāt mālakāra kantāl vala ○mratāñ śrī vīraparākrama sruk khtul □ □ □ □ [mratāñ śrī]
{D32}   vīraparākrama sruk māṅ gyāṅ kra’āl ○ mratāñ śrī dṛdhabhaktivīra sruk thpal’aṃvil ○ mratāñ śrī uddhatavīra sruk □ □ □ □ □ □ □ [mratā]
{D33}   ñ śrī pṛthivinarendra sruk pranoṅ ○ mratāñ śrī narendrāyuddha sruk khyāta ○mratāñ śrī vīrasamartha sruk t □ □ □ □ □ □ □ □ □ □ □ □
{D34}   vīra sruk caṃnat dhalā ○ mratāñ śrī vīraparākrama sruk krauv krāy ○
{E11}   [mratāñ khloñ]
{E12}   śrī uddhatavīravarmma sruk kaṃveṅ taṃmraṅ ’amoghapura ○ mratāñ khloñ □□ □ □ □ □ vīra sruk □ □ ○ mratāñ khloñ śrī nṛpendravarmma sruk □ □ □ □ □ □ □ □ □ □
{E13}   vanādhipativarmma sruk kandoḥ □ □ □ □ □ □ □ □ □ □ mratāñ khloñ [śrī] □ □ □ndra □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □
{E14}   ghak bhūvanadharapura stuk □ □ □ □ ○ mratāñ khloñ śrī □ □ □ □ □ □ □ □ □
{F11}   mratāñ khloñ śrī rājendrādhipativarmma sruk thpa[l] [saṃlañ]
{G12}   . . . ○ mratāñ khloñ śrī vīravarmma sruk stuk kaṃvis vinavagrāma vnursramoc ti dār vraḥ karuṇāprasāda ○ □ □ □ □ □ □ □ □ □ □ □ □
{G13}   ṅ jloṅ vār □ □ □ ○ mratāñ khloñ śrī □ rendravīra sruk □ □ □ □ □ □ □ □ □ □ □ □□ □ □ □ □ □ □ □ □ □ □ □ □ □ □ □ □
{G14}   mratāñ khloñ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □ □□
{G15}   (ruined)
{H12}   □ □ □ □ □ □ □ □ □ □ □ □ □ □ □ sruk pradāha ○ mratāñ khloñ śrī vīravarmmasruk rudrā ○ mratāñ khloñ śrī vijayendrādhipativarmma sruk galgul ○ mratāñ
{H13}   □ □ □ □ □ □ □ □ □ □ □ □ □ □ mratāñ khloñ śrī samarendravarmma sruk sarāṃ○ mratāñ khloñ śrī vīravarmma sruk chok daṅdrāṅ ○ mratāñ khloñ śrī uddhatta
{H14}   □ □ □ □ □ □ □ □ □ [mratāñ khloñ] śrī samarendravarmma stuk rājapūra ○mratāñ khloñ śr[ī] uddhattavīravarmma sruk stuk kok ○

{1}   933 śaka navamī ket bhadrapada ’ādityavāra ○ neḥ gi roḥ vaddha
{2}   pratijñā ○ yeṅ ta ’aṃpāl neḥ nā bhāga tamrvāc eka
{3}   syaṅ ta śapathavelā kāt tai thvāy ’āyuḥ nu kṛtajñabhakti
{4}   yeṅ ta śuddha ta dhūli vraḥ pāda kamrateṅ kaṃtvan ’añ śrī sūryya
{5}   varmmadeva ta sakala svey vraḥ dharmmarājya nu 924 śaka vnek
{6}   ni ta vraḥ vleṅ vraḥ ratna nu vrāhmaṇācāryya ○ yeṅ vvaṃ paṅgaṃ
{7}   ta kaṃrateṅ phdai karoṃ ta dai ti ley vvaṃ khmāṅ ni vvaṃ saṃ
{8}   nu khmāṅ vvaṃ thve drohaprakāra phoṅ ○ nau ’aṃpāl ’aṃve phala
{9}   kṛtajñabhakti ta dhūli vraḥ pāda kamrateṅ kaṃtvan ’añ śrī sūryya
{10}   varmmadeva noḥ gi pi yeṅ udyoga thve ○ daha mān caṃpāṅ yeṅ
{11}   udyoga chpāṅ nu sarvvātmaṇā vvaṃ sṅvan ta ’āyuḥ hetu bhakti
{12}   vvaṃ rat leṅ caṃpāṅ ○ daha ’yat caṃpāṅ pi yeṅ slāp nu svayaṃ
{13}   vyādhi muh ni leṅ phala ’nak ta svāmibhakti mān ta yeṅ ○ daha
{14}   ’āyuḥ yeṅ ’āc dan ta vraḥ rājakāryya velā lvoḥ ta kāla nau prakāra
{15}   leha yeṅ slāp hetu bhakti gi pi yeṅ thve ○ daha mān vraḥ rājakāryya
{16}   nā kamrateṅ kaṃtvan ’añ pandval pi pre yeṅ dau nā ta chṅāy pi
{17}   mān varttamāna ta ḷ sveṅ pi tyaṅ vastu ta vyakta thve roḥ vaddha
{18}   pratijñā didai ra ○ daha yeṅ ta ’aṃpāl neḥ mān ta nu vvaṃ thve roḥ
{19}   vaddhapratijñā neḥ riya kamrateṅ phdai karoṃ ta svey vraḥ dharm
{20}   marājya caṃnyar svaṃ leṅ oy rājabhaya ta yeṅ vvaṃ mvāy prakāra
{21}   ○ daha yeṅ mān ta kapata pi vvaṃ phgat roḥ pratijñā ta roḥ neḥ
{22}   leṅ yeṅ jā ta dvātriṃśanaraka tarāp vraḥ candrāditya mān ley ○
{23}   daha yeṅ thve roḥ vaddhapratijñā neḥ ta śuddha leṅ kamrateṅ
{24}   phdai karoṃ pre paripālana vraḥ punya sruk deśa yeṅ saṃpūraṇa
{25}   ’nau ta kule yeṅ hetu yeṅ svāmibhakti ta dhūli vraḥ pāda kamrateṅ
{26}   kaṃtvan ’añ śrī sūryyavarmmadeva ta sakala svey vraḥ dharmma
{27}   rājya nu 924 śaka ○ riya phala ’nak ta svāmibhakti leṅ mān ta yeṅ ’aṃviihaloka dau lvoḥ paraloka ○