Siddham. The Asian Inscription Database

Votive inscription on a standing figure of Ambikā

Author: Michael WILLIS

Votive inscription on a standing figure of Ambikā

Community: Paramāra epigraphy

Uploaded on November 6, 2017

February 10, 2020

Inscription of Bhoja on a standing figure of Ambikā

Author: Michael WILLIS

Standing figure of the Jaina goddess Ambikā from Dhār.

Community: Paramāra epigraphy

Uploaded on November 6, 2017

February 10, 2020

སྐར་ཅུང། Skar Cung pillar inscription

Author: Hugh Richardson

སྐར་ཅུང། Detail of Skar cung inscription by Hugh Richardson (Tibet Album). The top line beginning: ཡོངས་ཀྱྀས་ཀྱང་ཆོས་སློབ་ཅིང་ (line 37). University of Oxford no. 2001.59.17.40.1

སྐར་ཅུང། Bodleian Library MS. Or. Richardson 47, folio 316. Manuscript copies of Tibetan imperial pillar inscriptions, collected by Rig ‘dzin Tshe dbang Nor bu in the 18th century. See Concordance.

[1] ༅། །འཕྲུལ་གྱྀ་ལྷ་བཙན་པོ་ཁྲི་ལྡེ་སོང་བརྩན་གྱི་རིང་ལ། །དམ་པའྀ་ཆོས་ཡུན་དུ་བརྟན་བར་གརྩིགས་བརྣན་པ། །

[4] ༅། །འཕྲུལ་གྱྀ་ལྷ་བཙན་པོ།མྱེས། ཁྲི་སྲོང་བརྩན་གྱི་རིང་ལ།་སངས་རྒྱས་ཀྱྀ་ཆོས་མཛད་དེ། ར་སའི་གཙུག་ལག་ཁང་ལས་སྩོགས་པ་བརྩྀགས་ཤིང་། །དཀོན་མཆོག་གསུམ་གྱྀ་རྟེན་བཙུགས་པ་དང་

[7] །མྱེས། ཁྲི་འདུ་སྲོང་གྀ་རིནག་ལ། བླིང་གྀ་ཁྲི་རྩེ་ལས་སྩོགས་པར། གཙུག་ལག་ཁང་བརྩྀགས་སྟེ། དཀོན་མཆོག་གསུམ་གྱྀ་རྟེན་བཙུགས་པ་དང་།

[10] །མྱེས། ཁྲི་ལྡེ་གཙུག་བརྟན་གྱྀ་རིང་ལ། །བྲག་མར་གྱྀ་ཀྭ་ཅུ་དང་མཆྀང་ཕུར་གཙུག་ལག་ཁང་བརྩྀགས་སྟེ། །དཀོན་མཆོག་གསུམ་གྱྀ་རྟེན་བཙུགས་པ་དང་།

[12] །ཡབ། ཁྲི་སྲོང་ལྡེ་བརྩན་གྱྀ་རིང་ལ། །བྲག་མར་གྱྀ་བསམ་ཡས་ལས་སྩོགས་པ། །དབུང་མཐར་གཙུག་ལག་ཁང་བརྩྀགས་སྟེ། །དཀོན་མཆོག་གསུམ་གྱྀ་རྟེན་བཙུགས་པ་དང་།

[15] ལྷ་བཙན་པོ། ཁྲི། ལྡེ་སྲོང་བརྩན་གྱྀ་རིང་ལ་ཡང་། །སྐར་ཅུང་གཙུག་ལག་ཁང་ལས་སྩོགས་པ་བརྩྀགས་སྟེ། །དཀོན་མཆོག་གསུམ་གྱྀ་རྟེན་བཙུགས་པ་ལས་སྩོགས་པ།

[18] གདུང་རབས་རྒྱུད་ཀྱྀས་། འདྀ་ལྷར་སངརྒྱས་ཀྱྀ་ཆོས་མཛད་པ་འདི། །ནམ་དུཡང་མ་ཞྀག་། མ་བཏང་ན་། ལེགས་པ་དཔགདུ་མྱེད་པར་འགྱུར་། །བཏང་སྟེ། ཞིག་གམ། མྱེད་པར་འགྱུར་ན། །སྡིགཔ་གྲངས་མྱེད་པར་འོང་བས།

[22] །ད་ཕྱྀན་ཆད་ནམ་ནམ་ཞ་ཞར། །འཕྲུལ་གྱྀ་ལྷ་བཙན་པོ། ཡབ། ཁྲི་སྲོང་ལྡེ་བརྩན་གྱྀ་རིང་ལ། །དཀོན་མཆོག་གསུམ་གྱྀ་རྟེན་བཙུགས་པ་དང། སངས་རྒྱས་ཀྱྀ་ཆོས་མཛད་པ་མྱྀ་གཏང་མ་ཞིག་པར་། །གདུང་རབས་རྒྱུད་ཀྱྀས་ཡི་དམ་བཅའོ་ཞེས་འབྱུང་བ་ལས་སྩོགས་པ། །བཙན་པོ་ཡབ་སྲས། །རྗེ་བློན་། ཀུན་ཀྱྀས་དབུ་སྙུང་དང་བྲོ་བོར་ཏེ། །གཙིགས་ཀྱྀ་ཡི་གེ་དང། རྡོ་རྀངས་ལ་བྲིས་པ་བཞིན་དུཡང་མཛད་དོ།

[28] །འདྀ་ལྟར། །ཡབ་མྱེས། གདུང་རབས་རྒྱུད་ཀྱྀས། །དཀོན་མཆོག་གསུམ་གྱྀ་རྟེན་བཙུགས་ཤྀང། སངས་རྒྱས་ཀྱྀ་ཆོས་མཛད་པ་འདི་། །གཅེས་སྤྲས་ཅྀ་ལ་ཡང། སྡྀག་གོ་ཞེའམ་། །མ་ལེགས་སོ་ཞེས་། མོདང་རྨྱི་ལྟས་ལས་སྩོགས་སྟེ། ཅྀའི་ཕྱིར་ཡང་རུང་སྟེ། མྱྀ་གཞིག་གོ། མྱྀ་སྤང་ངོ་། དེ་སྐད་ཅེས། ཆེ་ཆུང་སུས་གསོལད་ཀྱྀས་ཀྱང་། འདྀ་ལྟར་མི་མཛད་དོ།།

[33] བཙན་པོ་དབོན་སྲས། །ཀསུ་ཆུ་ངུར་བཞུགས་པ་ཡན་ཅད། ཆབ་སྲྀད་ཀྱི་མངའ་བདག་མཛད་པ་མན་ཆད་ཀྱང། དགེ་སློང་ལས། །དགེ་བའྀ་བཤེས་ཉེན་བསྐོས་སྟེ། ཆོས་ཐུགས་སུ་ཅྀ་ཆུད་ཆུད་དུ་བསླབ་ཅིང། །བོད་ཡོངས་ཀྱྀས་ཀྱང་ཆོས་སློབ་ཅིང་སྤྱད་པའྀ་སྒོ་མྱི་གཅད།

[37] ནམ་དུ་ཡང་བོད་ཡ་རབས་མན་ཅད། བོད་འབངས་ལས་ཐར་པར་གཟུད་པའྀ་སྒོ་མྱི་བགགཿཔར་། དད་པའྀ་རྣམས་ལས་ཐར་པར་བཙུད་དེ། །དེའི་ནང་ནས་ནུས་པ་ལས། །བཅོམ་ལྡན་འདས་ཀྱྀ་རིང་ལུགས་རྟག་དུ་བསྐོ་ཞྀང། །བཅོམ་ལྡན་འདས་ཀྱྀ་རིང་ལུགས་བྱེད་པའྀ་རྣམས་ཆོས་འཁོར་ནས་བྱའོ་ཅོག་གྀ་བཀའ་ལ་ཡང་བཏགས་སྟེ། །ཆོས་འཁོར་གྀ་ལས་དང་དབང་བྱེད་ཅྀང་། དགེ་བའྀ་བཤེས་ཉེན་བྱེད་པར་བསྐོའོ།

[43] རབ་དུ་བྱུང་བའྀ་རྣམས། །ངེད་ཡབ་སྲས་ཀྱྀས། མཆོད་གནས་སུ་གནང་བ་བཞྀན་དུབྱས་སྟེ། །བཙན་པོའི། ཕོ་བྲང་ན་དཀོན་མཆོག་གསུམ་གྱྀ་རྟེན་བཙུགས་ཤྀང་། མཆོད་པ་ཡང། །གུ་དུ་མྱྀ་བསྐར་ཞྀང་། མཆོད་གནས་སུ་བགྱྀའོ། །

Community: Tibetan epigraphy

Uploaded on November 6, 2017

December 19, 2019