Community: Khmer epigraphy

{15}   939 śakka maṅyanakṣatra ta gi rājya dhūli vraḥ pāda kaṃ
{16}   mrateṅ kaṃtvan ’añ śrī sūryyavarmmadeva gi nu ’añ ta jmaḥ ste
{17}   ñ śivācāryya vnur sramo thvāy saṃnvat pi vraḥ kaṃmrateṅ ’añ śrī
{18}   vīrendravarmma paṅgaṃ thpvaṅ nivedana cuḥ vraḥ ’ālakṣaṇa ta vraḥkaṃmra
{19}   teṅ ’añ śrī vīrendravarmma pandval ta ’añ pi oy gi bhūmi yoge
{20}   ndrālaya nu yogendrapura man ti jau ○ yogendrālaya ti jau ta
{21}   mratāñ kaṃpan khñu[ṃ]mvāy taṃmrek tul mvāy nā yogendrapura
{22}   man jau ta mratāñ khloñ saṃvaṅ kantāl canlyak
{23}   bhai mvāy neḥ syaṅ ti cāṃ caṃnāṃ ta kaṃmrateṅ jagat
{24}   śrī vṛddheśvara khñuṃ man duk ta ’āśrama yogendrālaya tai
{25}   dharmma tai māgha tai nila tai taṃpa ti pre oy raṅko je mvāy
{26}   saṅkrānta ○ nā yogendrapura ge khñuṃ ta gi tai kanhyaṅ ti duñ tamratā
{27}   ñ khloñ vnur kh’vāl sru bhai mvāy kalmvān vi vyar tai kansyān
{28}   ti duñ kryau mvāy sru tap tai veda sru bhai mvāy neḥ ti pre
{29}   oy caṃnāṃ purṇṇamī ’māvasyā raṅko je kanlaḥ prati
{30}   pakṣa neḥ syaṅ ti thvāy jā vraḥ rājadharmma ○ ti
{31}   ’añ svaṃ leṅ ’āc ti ’añ ta paṃnvas pvās paripā
{32}   la vvaṃ ’āc ti ’āyatva ta kaṃloñ phoṅ nu kaṃha
{33}   ss ○ vvaṃ ’āc ti mān nā ’āyatva ta dai ti leṅ santā
{34}   na ’añ phoṅ nau ruv kule ’añ gi ta paripāla
{35}   riy ’nak ta paṃpāt dharmma neḥ ge svey doṣa ta
{36}   gi s □ □ j □ n □ s nu santāna riy ta paripāla mān dharmma

{1}   □□7 śakka ta gi rājya ○ dhūli vraḥ pāda kaṃmrate
{2}   [ṅ] ’añ śrī sūryyavarmmadeva ○ gi nu ’añ jau bhūmi neḥ
{3}   ta mratāñ kaṃpan drāvya nu ’añ jau bhūmi taṃmrak tul 2
{4}   ’aṃvi ta gi thnval travāṅ ti pūrvva lvaḥ ta gi thnval ti dakṣiṇa
{5}   cat ’āśrama dūk jmaḥ yogindrālaya duk caṃnāṃ sa
{6}   ṅkrānta raṅko je 1 ’āy vraḥ vnaṃ kaṃpruṅ khñuṃ ta o
{7}   y neḥ tai kap ti duñ ta mratāñ khloñ vnur kha’val
{8}   svok 1 jyaṅ 2 liṅ 10 chnāṅ laṅgau 1 jya[ṅ]2 khal prāk 1 li
{9}   ṅ 3 kalmvān vi 3 canlyak yau 1 tai māgha kalmvān vi 10
{10}   taṃmryak jyaṅ 10 thyāṃ yau ’aṃval yau 3 vāp vai grāmavṛdhi
{11}   samayuga nu mratāñ khloñ vnur kha’val nu loñ trvāc
{12}   vala oy tai māgha ta ’añ tai dharmma taṃmrek tul 1 mratāñ
{13}   khloñ ’acās ta oy tai panhe[ṃ] ’nak vyādhapura vvaṃ ’ā
{14}   yati duk nila cvāl

{11}   1038 śaka gi nu vraḥ kamrateṅ ’añ vnaṃ rhek ta jā tapasvi rājakāryyata pvās ’anau
{12}   vraḥ tapovana kalyānāśrama jvan khñuṃ bhūmi ta kamrateṅ jagat śrīsūryyaparvvata thve caṃnāṃ saṃkrā
{13}   nta raṅko je mvāy nāṃ vraḥ rājadharmma ta thve caṃnāṃ loñ sthiraloñ saṃ loñ saṃ sot loñ
{14}   suk loñ suk sot loñ yūḥ teṅ las teṅ gava teṅ bhāgya teṅ ratna teṅ si
{15}   teṅ cau teṅ vṛddhi teṅ so teṅ ’arghya teṅ karpūra teṅ sulabha teṅ vraḥoy lo
{16}   ñ dharmma teṅ sre teṅ vīja teṅ sāṅ teṅ vraḥ teṅ vraḥ sot teṅ rāy loñ vra
{17}   hma teṅ nava teṅ pāna teṅ vraḥ śrīy teṅ vās ○ jaṃnvan ta dai ti sot’arddhi
{18}   la mvāy kalaśa prāk mvāy varddhani prāk pi ’nak ta nu vināśa caṃnāṃta roḥh neḥ
{19}   h kaṃ pi mān siddhi ta lokadvaya ○ bhūmi caṃnāṃ sruk travāṅ jvik sresamrāp noḥ
{20}   caṃnat panlac dāy sre kṣoṃ auk sre sre khsac ○

{1}   951 śaka gī nu vraḥ pāda kamrateṅa ’añ
{2}   śrī sūryyavarmmadeva jvana chloñ ’so cho
{3}   ka garagyara nu teṅa hyaṅa nu bhṛtyopāya
{4}   phoṅ nu sruka chd[i]ṅa stok ○ saptaparṇa lo
{5}   chdiṅa kaṃvyiṅa tvaṅa ○ chdiṅa ’ai ○ chdiṅa gota krave
{6}   chdiṅa svāya ○ chdiṅa srū ○ □ □ □ □ ○ saptaparṇa
{7}   kagāma ○ chdiṅa jrvaka □ □ □ ○ thkvala cāndanā
{8}   phdaiya vṛka ○ vnura garagyara ○ neḥ sakārmma slika ||
{9}   ○ ta gi ti bhūmya neḥ nu neḥ syaṅ ta oya vraḥ
{10}   krayā pamre ○ □ □ □ □ □ ○ □ □ □ka slika |||
{11}   s[ñ]ik khnāñ || neḥ [phoṅ ta] vraḥ kalpanā ti
{12}   vraḥ pāda kamrateṅ ’añ śrī sūryyavārmmadeva jvana
{13}   ta kamrateṅa jagata śrī sūryyaparvata

{9}   ’aṃnoy mratāñ kṛṣṇamitra ’āy ta vraḥ kaṃmra[tāṅ]
{10}   ’añ śrī yajñapatīśvara kñuṃ ta si vā kdas vā caṃ [ta]
{11}   vraḥ vā vṛk vā kansaṃ vā prāna va tgel kñuṃ ta kantai ku □ □ □ □
{12}   ku kantaṅ ku garap ku tpus sre ’aṃno[y] ci dok ’ā[y]
{13}   ta vraḥ kaṃmratāṅ ’añ śrī yajñapatīśvara ’aṃvi tra[vaṅ]
{14}   ruṅṅ loḥ tloṅ dikk loḥ travaṅ ji ckey loḥ trav[aṅ]
{15}   poñ rudrabhava loḥ travaṅ ci dok daiy sre [’ā]
{16}   y travaṅ vo pradāna poñ rudrabhava doṅ po[ñ]
{17}   rudrāntakula doṅ poñ puṣpananda sre pāda 1 ’ā
{18}   y travaṅ mratāñ kṛṣṇadatta pradāna poñ puṣpana[nda]
{19}   doṅ poñ rudrāntakula doṅ poñ vikaraṇā[nta]
{20}   sre pāda 1 sre pradāna poñ vikaraṇanta doṅ □ □ □
{21}   □ □ □ī ta ’āy travaṅ poñ rudra[bhava] □ □ □
{22}   [s]r[e] . . . . . . . . .
{23}   ya ple ge jon ta vraḥ kamratāṅ ’añ □ □ □
{24}   1 psik nu caṃnlek vraḥ kamratāṅ ’aññ var □ □
{25}   hvat mimoy ge sre pradāna poñ vrau ’ā[y]
{26}   travaṅ ruṅ sre mās 2 nivandha ta nai vraḥ kaṃmra[tāṅ]
{27}   ’añ ple dīvasa moyy raṅko saṃrat sru pra □ □
{28}   liḥ 1 raṅko raṇāc liḥ 2 slā 2 ’aṃlo 10 saṃ □ □ □
{29}   k 3 pañjut paṅkā 3 ’aṃpel vera moy ka □
{30}   canlek ’aṃval yau 3 ple saṃvatsara mo[y]

{1}   . . . . . . pra m[a]n pu ’añ dhar ○ . . . . . . . . .
{2}   ku nī va vrau ku sanrac ku sudhā ku ’anrok . . . . . . . . .
{3}   va sa’uy va śivadat va śī candra ku tāṃ ’a . . . . . . . . .
{4}   rem ku vrahmade ku k □ □ □ ku vaḥ tek va na . . . . . . . . .
{5}   . . . . . . ku ya teṅ

{A1}   [kñuṃ ta sī va] poñ vrau ○ va knoc ○ va tmās ○ va kl . . . . . . . . . . . . .. . . . . . . . . . . . . .
{A2}   . . . . . . . . . . . . hv ○ t[a] kantaiy ku ñañ ○ pau tai ○ ku ya huṅ ○ ku ya. . . . . . . . . . . . . . .
{A3}   . . . . . . . . . . . . c daṅ ○ va ’aṇḍaṅ ○ va señ ṭeṅ ○ va ta’au ○ va ta’uy ○. . . . . . . . . . . .
{A4}   . . . . . . . . . va □ lku □ ○ va ta □ □ ○ va tpeṅ ○ va tvaiy ○ va lahvāy ○ vavleṅ ○ va □ □ ṅ . . . . . . . . . . . .
{A5}   . . . . . . . . . . . . hv ○ va □ kuṅ ○ va latuḥ ○ va tānmar ○ va pāy ’añ ○ vakāhv seṅ ○ va jeṅ ○ va ta’ol ○ va . . . . . . . . .
{A6}   . . . . . . . . . va laṇḍan ○ va lahvā ○ va cār ○ va tahvan ○ va slā ○ vatralā pju ○ va ta’uḥ ○ va vrai ○ va tkuñ ○ va kantāṅ ○ va . . . . . . . . . . . .
{A7}   . . . . . . . . . . . . vaṅ ○ va dak ○ [va] ta’oṅ ○ va gulut ○ va clohv ○ va □□ ○ va tvaṅ ○ va ta’oḥ○ va k □ ṃ ○ va taduy ○ va taca□ ○ va □ y . . . . . . . . .
{A8}   . . . . . . . . . va tgor ○ va tvaḥ ○ va tkaṅ ○ va kliṅ ○ va grec ○ va □ñcaṅ○ va tma□ ○ va gñaḥ ○ va kuñjahv ○ va tyas ○ va ustai ○ va kañcaṅ ○ va ka . . .. . . . . .
{A9}   . . . . . . . . . ku priṅ ○ ku ’me catuṅ ○ ku ktaṅ ○ ku pekan ○ ku ya vai ○ku □ cat ○ ku p-heṃ ○ ku ya laḥ ○ ku stūr ○ ku r . . . . . . . . .
{A10}   . . . . . . . . . ku ya se □ ○ ku ya □ □ □ ○ ku ya ṅau ○ ku [ya] pāc ○ kuya men ○ pau sī ○ ku ya □ ○ pau tai ○ ku ya sat ○ pau . . . . . . . . .
{A11}   . . . . . . . . . pau tai ○ ku ta’āy ○ pau sī ○ ku ya mās ○ ku karttavaṅ ○ku tye ○ ku kantakoy ○ ku ta’āy○ ku ya caṅ ○ ku ya mun ○ . . . . . . . . . . . . . . .. . . . . . . . . . . . . . . ku ya vaṅ ○ ku me tyuk ○ ku kañcu ○ ku prahvel ○ ku yavoṃ ○ ku ya kān ○ ku ya roñ ○ ku ya □ñ ○ lāṅ si ○ □ □ ku ya . . . . . . . . . . . . . ..
{A13}   . . . . . . . . . . . . . . . ce □ ○ ku ya lahv ○ ku kantavaṅ ○ ku ya □ □ ○ kusarac ○ ku ya māl ○ ku me vrai ○ ku ta □ □ ○ ku ya kā □ ○ ku ya . . . . . . . . . . .. . . .
{A14}   . . . . . . . . . . . . . . . vināsa pagū ○ ku hvaḥ ○ ku me ke □ ○ ku met ○ku □ tkaṅ ○ ku kañjahv ○ ku cāk ○ ku mās ○ ku liñ ○ ku . . . . . . . . . ○
{A15}   . . . . . . . . . ku ya □ ○ ku ya □ñ ○ ku mana ○ ku tgul ○ ku □ . ī ○ ku □○ ku suc ○ ku tmañ ○ ya □ ○ ya l. □ ○ ya ñ □ hv ○ ya roṅ ○ . . . . . . . . .
{A16}   . . . . . . . . . seṅ pau □ □ □ □ □ □ □ □ □ santan ta □ l ○ ya caṅ ○ tahvey ○ □ □ □ ku meṅ ○ po □ □ □
{B1}   . . . . . . . . . ku kur sin . . . . . . . . .
{B2}   ku si ○ pau tai ○ ku tāṅ ○ ku paṅ . . . . . . . . .
{B3}   . . . . . . . . . ku toṅ kon [der t]ai pau sī . . . . . . . . .
{B4}   . . . . . . . . . . . . ṅsa ○ ku ca . . . . . . . . .
{B5}   . . . . . . . . . pau sī ○ ku c . . . . . . . . . . . . . . .
{B6}   . . . . . . . . . . . . kur ○ der tai ○ □ □ □ der tai ○ p[au] t[ai] ○ ku . . . . . .. . .
{B7}   . . . . . . . . . kur ○ der tai ○ pau tai ○ ku vāṅ ○ ku mo ○ ku kur sin ○ kukur sin ○ ku so □ ○ lāṅ tai . . . . . . . . . . . .
{B8}   . . . . . . . . . ’aṃraḥ toy vac dha[r]mma [○] va jana ○ va □ ṃ ○ va jāṅ ○va caṅ ○ va kruṅ ○ va sāy ○ va jo sin ○ va caṅ . . . . . . . . .
{B9}   . . . . . . . . . va cau ○ va caṅ sin ○ va □ sin ○ va □ sin ○ va kantāṅ ○ vakoñ ○ va co ○ va kuñ ○ [va] □ ṅ ○ va po ○ va caṃpeṅ ○ va rañ ○ . . . . . . . . .
{B10}   . . . . . . . . . va tā kantūr ○ caṃdak va cāṅ ○ va coṅ ○ va pai luṅ ○ vaye ○ va kvas ○ va deṅ ○ v[a] □ □ ṅ ○ va ka’on ○ va co ○ va rāñ ○ va kantai ○ . .. . . . . . .
{B11}   . . . . . . . . . va kohv ○ va kantau ○ va seṅ ○ va coṅ ○ va kaṃpoñ ○ vaviṅ ○ va kañca sin ○ va co ○ va moñ ○ va cuṇi ○ va rāñ sin ○ va jmeṅ ○ . . . . . .. . .
{B12}   . . . . . . . . . va teṅ ○ va dvār ○ va jikāy ○ va soḥ ○ va ’ahaṃ mūla ○va kohv ○ va kāy ○ va ṅas ru ○ va piluṅ sin ○ ta klamuṃ ku ṇiy ○ ku teṅ ○ kuvut ○ . . . . . . . . .
{B13}   . . . . . . . . . ku vut sin ○ ku teṅ ○ ku teṅ sin ○ ku kur ○ ku mās ○ kuyoṅ ○ ku roy ○ ku son ○ ku toy ○ ku mau ○ ku tā □ y ○ ku jā ○ ’ārttai ku vo ○ku teṃ ○ ku teṅ ○ . . . . . . . . .
{B14}   . . . . . . . . . y ○ ku tai ○ ku tāṅ ○ kantai ta konn ku tey ○ lāṅ tai ○ kutak ○ ku vo ○ pau sī ○ ku vo sin ○ ku cuṅ ○ ku kur ○ lāṅ tai ○ pau . . . . .

{15}   vā jloy | vā sau | vā sa’ap | vā cas [|] vā ci poñ | vā kandin |
{16}   vā tvau | vā ci dat | ku juṅ tāṅ kon 3 ku ’antis | ku kaci
{17}   l | ku syāṃ kon 2 [|] ku kamala kon 2 [|] ku jvik [|] ku tyāṅ | ku no
{18}   k | kon ku 2 [|] ku cpoṅ | kon 2 ku tmat kon | ku trat | ku ca
{19}   n cān kon 2 [|] ku tvi kon 4 [|] ku tyāṅ kon | ku tkep | vā ci
{20}   tāṅ | vā jiva | ku vyā | ku can kon 3 vā ci vrau | ku vreṅ | ku ka
{21}   ntāñ | kon 2 ○ sre man ’ācāryya rāmadeva daṅ bhadra
{22}   viśeṣa īśvaradatta oy ta vraḥ kaṃmratā[ṅ ’a]ñ ai travaṅ ver ai
{23}   karoṃ kyel cdiṅ teṃ kadamva mās 3 poñ gopadatta poñ ku
{24}   māraśakti tel pañ paṅtiṅ ti loḥ nu sre ge lakka ta vraḥ mā
{25}   s 1 kloñ poñ din rudraśaṃbhu lak sre ’aṃvi travaṅ rāmapāla
{26}   loḥ travaṅ rudrakirtti mās 3 nāgavindu lak sre tvaṃ ai karoṃ kye
{27}   l travaṅ rāmapāla vā lak ta vraḥ ’aṃruṅ gui mās 3 ’aṃvi stuk
{28}   sno saṃlok dau cer tnal pu yāṅ tanse ’aṃruṅ gui sare2
{29}   ’aṃvi plu tmuran loḥ dau cer tnal pu yāṅ tanse ’aṃruṅ gui sa
{30}   nre 3 sre ai le kye[l] vraḥ vināya loḥ travaṅ poñ bhā ñis mās 1
{31}   sre karoṃ kyel vraḥ vināya loḥ ñaṅ sre [ta] tṅai lucc ’aṃ
{32}   ruṅ gui mās 3 sre tṅai ket travaṅ poñ bhāgayuṅ daṃnuñ
{33}   ta poñ bhadraviśeṣa ’aṃruṅ gui je 3 sre ai tṅai luc
{34}   travaṅ poñ bhā ñisman duñ ’aṃruṅ gui je 3
{35}   sre man duñ ta bhavakīrtti karoṃ kyer lāṅ ruṅ klaḥ ver ka
{36}   ñju ’aṃruṅ gui taṃloṅ voṃ vai toy seṅ ’aśuci gui kurāk danle krau
{37}   [sre tra]lāpya vnur man poñ yajadeva oy ta vraḥ kāla supratiṣtha’aṃruṅ
{38}   je tralāpya vnur man [ti] vraḥ kamratā[ṅ ’a]ñtṅaiy luc lak ta ’añ ti ’añ
{39}   oy ta vraḥ kloñ ’añ ti ’añ oy mās ta vraḥ tṅaiy luc ’arddhaniṣkraya
{40}   □ □ □ □ □ □ □ □ □ □ vnur karoṃ kyel gui travaṅ ti lap loḥ ñaṅ
{41}   sre [ai] tṅaiy luc loḥ travaṅ jhe guha ’aṃruṅ gui mās 3
{42}   va trayodaśī . . . . . . .

{1}   □ □ □ □ □ □ □ □ □ □ □ □ śakaparigraha uttaraphalguṇīnakṣatra vudhavārata gui dvādaśī ket caitra kurāk □ □ □ □ □ □ □ □ sre trap ’a □ □
{2}   □ □ □ □ □ □ □ [ta vraḥ] kamratāṅ ’añ śrī trailokyasārasvāmi tmo pi vnākta gui kirīṭa 10 3 ’āy ta gui phala □ □ □ □ □ □ □ □ □ □ ku □ □
{3}   □ □ □ □ □ □ □ □ □ □ □ □ □ □ □ □ □ tmo pi vnāk ta gui 20 10 1 kaṭakacaṃlak saṃruk 1 tmo pi vnāk ta gui 40 10 4 kaṭa[ka] □ □ □ □ □ □ □ □
{4}   □ □ □ 10 1 tmo pi vnāk ta gui śrīvatsa 1 □ □ □ □ □ □ □ □ □ □ saṃruk 1tmo pi vnāk ta gui karap nābhi 10 tmo pi vnāk ta gui vnāk knop 10 3 □ □ □ □ □□ □ □ □ □ □ □
{5}   □ □ □ □ □ □ prak 1 cakra mās 1 karap pṛthivī mās 1 karap saṃruk 1udaravandha prak 1 kaṅ jeṅ mās □ □ 1 pkā jmeḥ mās 7 prak 2 taro □ □ □ □ □ □
{6}   □ □ □ □ □ □ □ 80 10 4 □ □ n pkā jmeḥ prak □ saramābhu 3 valvel □

{8}   886 śaka nu steñ ’añ ’ācāryya ’āy rudrā ○ nu mratāñ śrī ’arima[thana][steñ]
{9}   nādānta ta pūrohita vraḥ kaṃmrateṅ ’añ śivapura ○ paṅgaṃ thpvaṅnive[dana ta dhūli vraḥ pāda]
{10}   dhūli jeṅ vraḥ kamrateṅ ’añ śrī rājendravarmmadeva ○ ruv punyaśrad[dhāpra]
{11}   kara ○ kñuṃ thmur krapi taṃmrya bhājana ’āyoga gadāha sbok vaudidravya phoṅ [dai paṅgaṃ]
{12}   thpvaṅ nivedana leṅ syaṅ ta jā rājadravya syaṅ ta jā rājapunya nai dhūlivraḥ [pāda dhūli jeṅ vraḥ kamrate]
{13}   ṅ’añ ○ niveda[na] gi śāka ’aṃviy kñuṃ phoṅ man steñ nādānta mān piduk ta gi sruk . . . . .
{14}   □ □ □ □ rājapunya ○ leṅ dhūli vraḥ pāda dhūli jeṅ vraḥ kamrateṅ ’añ gi’nak ta jvan ta . . . . .
{15}   □ □ □ □ □ □ □ vraḥ ’āśrama rudrāvāsa nu sruk phoṅ ta nu paṃmre tavraḥ kamrateṅ ’añ . . . . .
{16}   □ □ □ □ □ mān vraḥ śāsana ta kaṃsteṅ ’añ śrī samarādhipativarmma nukaṃsteṅ ’añ śrī . . . . .
{17}   śrī jayendrāyudha ○ nau ’a[ṃ]pallpunyaśrama kuṭi sruk sre bhūjyākarakñuṃ dravya phoṅ . . . . .
{18}   dravya syaṅ ta vraḥ rājapunya ○ cā[ṃ]vraḥ ’āśrama jā vraḥ kuṭinamaśśivāya nive . . . . .
{19}   □ □ vraḥ parikalpa phle gi ○ nimaha ’aṃviy kñuṃ man ’nak oy dakṣiṇā .. . . .
{20}   □ □ ka vraḥ laḥ jnval laḥ raṃmakyāṅ laḥ raṃlyāṅ laḥ thpal laḥ vn . . . . .
{21}   □ □ □ ’āśrama [ph]oṅlaḥ dravya phoṅ ta daṃnep=ra taṃmrya krapi . . .. .
{22}   □ □ □ □ □ □ □ yauk viṅ ○ vvaṃ ’āc ti thve vyavahāra . . . . .
{23}   □ □ □ □ □ □ □ ṅi ’ācāryya ta khloñ dakṣiṇā . . . . .
{24}   □ □ □ □ □ □ □ pi svatantra ta khloñ vala ta khlo[ñ]
{25}   □ □ □ □ [svata]ntrata khloñ sru ○ vvaṃ jā pi . . . . .
{26}   □ □ □ □ □ □ □ sru vrihi paryyaṅ thmur paryya[ṅ] . . . . .
{27}   □ □ □ □ □ □ □ pa[ṃ]nvā[s] □ □ s ta gi vraḥ ’āśra[ma] ○ vvaṃ ’āc tikhloñ cāp pi . . . . .
{29}   □ □ hau ’nak ta □ □ □ □ cya tṛ dār surā
{30}   □ □ □ □ □ □ □ p □ tyak ○ nāṃ paṃ . . . . .
{31}   . . . . . vraḥ ’āśra . . . . .
{32}   . . . . . p . . . .
{33}   . . . . . [vr]aḥ’ā[ś]ra[ma]. . . . .